1 Bakalenga 18:29 - MUKANDA WA MYIDI MUKULU

²⁹ Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Hakahita munda munya, bakela mei abo tô ne ku dilolo ha diba diakafilabo mulambu wa kuosha; kadi kakuakadi dî, nansha muntu wakitaba.

1 Bakalenga 18:29 ပူးပေါင်းရင်းမြစ်များ

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

1 Bakalenga 18:36

Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

1 Bakalenga 22:10

Pavua bambi babambila malu, Akabe, mukalenga wa bena Izrayele, ne Yosafate, mukalenga wa bena Yuda, bavua basombe mu nkuasa yabu ya bukalenga. Bavua bavuala bilamba bia bukalenga, basombe pabuipi ne tshiibi tshia ku tshimenga tshia Samariya.

1 Bakalenga 22:12

Bambi bakuabu bonsu kujadika meyi awu, bamba ne: — Mukalenga, uye kuluisha tshimenga tshia Ramote tshidi mu ditunga dia Ngilaade. Neutshimune. Maweja-Nangila neafile tshimenga atshi mu bianza biebe.

Misambu 115:4

Kadi mvidie yabu mmienza ne tshiamu tshitoke tshia mushinga mukole nansha ne mpawungi. Idi bintu bienza kudi bantu.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Ekesode 29:39

woshe bana ba mikoku babidi ba tshidimu tshimue, umue dinda, mukuabu dilolu.

Ekesode 29:41

Kadi muana wa mukoku uudi ulambula dilolu, umulambule kabidi pamue ne bukula, mafuta ne maluvu bu muuvua muenze dinda. Bualu mmulambu wa dipembu dimpe wa kungoshila meme Maweja-Nangila.

Ekesode 8:14

Benji ba bilengulengu ba bena Ejipitu kuidikija mua kuipata tumue atu, ku majimbu abu. Kadi kupangilabu. Tumue tuvua tusuma amu kusuma bantu ne nyama.

Yeshaya 16:12

Nansha bena Mowabe babanda pa mukuna wa tshijila, baya mu nzubu wa mvidie wabu, benda bapungila, batendelela mvidie wabu, kabakupeta tshintu to.

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Ngalate 4:8

Kale kanuvua bamanye Mvidi Mukulu nansha. Ke munuvua bapika ba bintu bivua kabiyi nansha mvidie mene.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.