1 Bakalenga 18:21 - MUKANDA WA MYIDI MUKULU

²¹ Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Eliya wakasemena ha buihi ne bantu bonso, wakabakonka ne, Nudi nuenda nuzobela hankatshi ha nseke ibidi musangu bule munyi? Bikala Yehowa Nzambi, numulonde; kadi bikala Bâla Nzambi, numulonde. Bantu kabakamukudimuna.

1 Bakalenga 18:21 ပူးပေါင်းရင်းမြစ်များ

Genese 24:50

Labane ne Betuyele kumuandamuna ne: — Bualu ebu mbulongolola kudi Maweja-Nangila nkayende. Tuetu katuena ne diyi dia kuamba.

Genese 44:16

Yuda kuandamuna ne: — Mukalenga wetu, tshitudi mua kuamba ntshinyi bua kukujadikila mutudi babinge. Mvidi Mukulu mmuleje patoke bubi buetu. Udi ne dikopu mu tshibombi tshiende ne tuetu bonsu tudi tushala bapika bebe.

1 Bakalenga 18:20

Akabe kubikidisha bisamba bionsu bia bena Izrayele, ne bambi bonsu, ku mukuna wa Karmele. Bantu bonsu bamane kubilangana,

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

2 Bakalenga 17:41

Nanku, bavua luseke batendelela Maweja-Nangila, luseke lukuabu batendelela mpingu. Pashishe, bana babu ne ndelanganyi yabu yonsu bavua benza anu nanku too ne mpindiewu.

1 Kulondolola 17:26

Maweja-Nangila, wewe ke Mvidi Mukulu. Akya! Mpindiewu udi mundaye diakalenga edi!

2 Kulondolola 33:13

Uvua umulomba bua amufuile luse. Mvidi Mukulu kuitaba dilomba diende, kumupingaja mu Yerushalayime. Maweja-Nangila kumupingaja kabidi ne mu bukalenga buende. Biangatshile tshikondu atshi, Menashe kumanya ne: anu Maweja-Nangila ke udi Mvidi Mukulu mulelela.

Misambu 100:3

Numanye ne: Maweja-Nangila udi Mvidi Mukulu. Yeye ke udi mutufuke, tudi bantu bende. Tudi bantu bende ne mikoku idiye ulama.

Misambu 119:113

Ndi mubenge mioyi ibidi, ndi munange mikenji yebe.

Osheya 10:2

Bena Izrayele mbanyanguke too ne mu muoyi wa munda. Mpindiewu nebakenge bua buenzayi buabu. Maweja-Nangila neanyangakaje bilambuilu biabu, neashimbule mabue a tshijila.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Matayi 22:12

Kumukonkaye ne: “Mulunda wanyi, muudi mubuele apa nunku, kuyi ne tshilamba tshia dibaka, mbishi?” Kadi muntu awu nansha kuandamuna kalu to.

Matayi 22:34

Baparushe bumvue ne: Yezu mmushikije Basaduke, kudisangishabu pabu.

Matayi 22:36

— Mulongeshi, mukenji udi munene, mupite mikuabu yonsu, mmukenji kaayi?

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Luke 6:13

Butshia kubikilaye balongi bende. Kusungulaye munkatshi muabu dikumi ne babidi, kubinyikaye ne: mbapostolu.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Dielulula 4:35

Nuenu nudi bena diakalenga, bualu nuakumona bionsu ebi, bua nujadike ne: Maweja-Nangila nkayende ke Mvidi Mukulu, kakuena mvidie mukuabu, amu Yeye.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

1 Samuele 7:3

Nanku Samuwele kubambila ne: — Panuikala basue kupingana kudi Maweja-Nangila ne muoyi wenu mujima, nulekele kutendelela mvidie ya Astarte ne mvidie mikuabu yonsu ya bantu benyi. Nuitabe anu Maweja-Nangila muenu muonsu, numuenzele mudimu amu yeye nkayende. Nanku neanupandishe ku bumfumu bua bena Peleshete.