1 Bakalenga 18:19 - MUKANDA WA MYIDI MUKULU

¹⁹ Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku utume dî dia kubikila Bena Isalele bonso kundi ha mutu ha mukuna wa Kâmele, ne baprofete ba Bâla nkama inai ne makumi atanu, ne baprofete ba Bashela nkama inai badi badia bidia ku mesa a Izebele.

1 Bakalenga 18:19 ပူးပေါင်းရင်းမြစ်များ

1 Bakalenga 15:13

Asa kukandikaye bantu bua kababikidi kakuende Maaka ne: “Mukalenga muadi,” bualu Maaka uvua mupete meji mabi a kuenza lupingu lua mvidie mukaji Ashera. Asa kutuma diyi bua banyangakaje lupingu alu, baloshile ku muelelu wa musulu wa Sedrone.

1 Bakalenga 16:33

Kuasaye momu kabidi dikunji bua kutendelela Astarte, mvidie mukaji. Maweja-Nangila Mvidi Mukulu wa bena Izrayele, kufika munda bua bionsu bivua Akabe muenze abi. Nanku, Akabe uvua muenze bibi mupite bakalenga bonsu bavua bamudianjidile mu bukalenga.

1 Bakalenga 18:20

Akabe kubikidisha bisamba bionsu bia bena Izrayele, ne bambi bonsu, ku mukuna wa Karmele. Bantu bonsu bamane kubilangana,

1 Bakalenga 18:22

Ke Eliya kubambila kabidi ne: — Meme ndi mushale muambi wa Maweja-Nangila anu nkayanyi. Kadi, bambi ba Baale badi nkama inayi ne makumi atanu.

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

2 Bakalenga 10:19

Nanku, bikilayi bambi ba Baale bonsu, batendeledi ne batuangaji bende, bafike kundi bonsu. Muntu nansha umue wa kudibu kashadi to. Bualu ndi musue kuenzeja tshibilu tshinene, bua kulambula Baale milambu. Bantu bonsu badi kabayi bafike, nebabashipe. Yehu uvua wamba nanku ne budimu bua kushipa bantu bavua batendelela mvidie Baale.

2 Bakalenga 13:6

Kadi, bena Izrayele bavua anu benza buenzayi, bu Yerobowame ne bena nzubu wende. Bualu Yerobowame uvua mufikishe bena Izrayele ku dienza bibi. Nansha dikunji dia kutendelela Ashera, mvidie mukaji, divua anu dishale dimanyike mu Samariya.

2 Bakalenga 2:25

Pashishe, Elisha kuya ku mukuna wa Karmele. Umuka ku mukuna wa Karmele, kupinganaye mu tshimenga tshia Samariya.

2 Bakalenga 3:13

Muambi Elisha kukonka mukalenga wa bena Izrayele ne: — Udi mulue kumatshisha bua tshinyi? Udi mua kuya kuebeja malu kudi bambi ba tatuebe, nansha bambi ba mamuebe! Mukalenga wa bena Izrayele kubenga ne: — Nansha! Tuetu bakalenga basatu, Maweja-Nangila ke udi mututume muaba ewu, bua kutufila mu bianza bia bena Mowabe.

2 Bakalenga 9:22

Anu Yorame usambakena ne Yehu, kumukonkaye ne: — Yehu, malu kaayi? Yehu kuandamuna ne: — Udi unkonka nanku bua tshinyi? Udi mumanye bimpe ne: mamuebe Yezabele utshidi utendelela mvidie ya dishima, kabidi utshidi wenza majimbu…

Nehemya 5:17

Kadi mvua ne bua kudisha bakulu ba bena Yuda lukama ne makumi atanu, kabidi ne benyi bavua bafume ku matunga adi netu mutumba.

Musambu wa Solomo 7:6

Mutu webe udi mululame, bu mukuna wa Karmele. Nsuki yebe idi mimpe be! Mmikuate mukalenga mu buteyi buayi.

Yirmeya 23:13

“Bimvua mumone kudi bambi ba mu Samariya, bivua bintonde menemene. Meme Maweja-Nangila ndi ngamba nanku. Bavua bakula mu dina dia mvidie Baale. Bavua bapambule bantu banyi bena Izrayele.

Yirmeya 46:18

— Mukalenga udibu babikila ne: “Maweja-Nangila wa bukole buonsu”, udi wamba uditshipa ne: Bu mundi ne muoyi bulelela, bu mudi mukuna wa Tabore munkatshi mua mikuna mikuabu, bu mudi mukuna wa Karmele mupite mayi manene bule. muluishi neafike munkatshi muenu ne bukole bupite.

Amosa 1:2

Amosa kuamba ne: Maweja-Nangila udi wakula ne tshiji, ukungula bu ntambue. Diyi diende ndifumine ku mukuna wa Siyone, ku Yerushalayime, muaba udiye usomba. Mpata ya bisosa bivule idi ifuba yonsu. Ku lusongu lua mukuna wa Karmele, nansha metu mene adi uma.

Amosa 9:3

Nansha baye kusokoma pa mukuna wa Karmele, nembasanganemu, mbakuata. Nansha baye kubutama muinshi mua mayi manene bua tshiyi mbamona kabidi, nembatumine nyoka munene wa mu mayi, aye kubasuma muine amu.

Yoshua 19:26

Alameleke, Amade ne Mishale. Ku luseke ludi diba dibuelela, mukalu uvua ufika ku mukuna wa Karmele, ulonda musulu wa Shikore-Libnate.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.

1 Samuele 15:12

Butshia dinda, Samuwele kuya kumonangana ne Shawule. Kumuambilabu ne: “Shawule mmuye ku Karmele, bua kuimanyika dibue dia kuikala bamuvulukila. Pashishe neatungunuke ne luendu too ne ku Ngilgale.”