1 Bakalenga 18:13 - MUKANDA WA MYIDI MUKULU

¹³ Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kabakambila mukelenge wanyi bu munakenza hakashiha Izebele baprofete ba Yehowa, bu munakasokoka lukama lua baprofete ba Yehowa, makumi atanu mu nyongolo makumi atanu mu nyongolo mukuabo, bu munakabadisha, bumunakabanuisha, anyi?

1 Bakalenga 18:13 ပူးပေါင်းရင်းမြစ်များ

1 Bakalenga 18:14

Mpindiewu, udi untuma bua meme kuya kumanyisha mfumuanyi Akabe ne: “Muambi Eliya wafiki!” Yeye neanshipe.

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

2 Bakalenga 6:32

Diba adi, muambi Elisha uvua wenza tshisangilu ku nzubu kuende ne bakulu ba mu tshimenga. Nanku mukalenga Yorame wa bena Izrayele kutuma muntu kudi Elisha. Kadi muntu awu kayi muanji kufika, Elisha kuambila bakulu abu ne: — Monayi bualu bua dikema! Mukalenga Yorame, mushipianganyi ewu, udi utuma muntu bua kunkosa mutu. Nudimuke, muntu awu yeye mufike, nuinjile tshiibi bua kabuedi to. Tukadi tunwua mene mukalenga Yorame pende ulonda muntu awu panyima.

Nsumuinu 28:12

Padi bantu badi batshina Mvidi Mukulu bikale ne bumfumu mu bianza, bantu bonsu badi ne disanka. Kadi padi bantu babi babuangata, bantu bonsu badi basokoma.

Matayi 25:35

Bualu mvua ne nzala, nuenu kumpesha tshiakudia. Mvua ne nyota, nuenu kumpesha tshiakunua. Mvua muenyi, nuenu kumbueja mu nzubu muenu.

Bienzedi 20:34

Nudi bamanye nuenu bine mumvua mukuate mudimu bua kupeta bionsu bituvua tukengela, meme ne bavua nanyi mu luendu.

Ebrewu 11:38

Buloba kabuvua buakanyine bantu abu! Bavua bendakana mu bipeta ne mu mikuna, basomba mu mbuebue ne mu mena mu buloba.