1 Bakalenga 17:6 - MUKANDA WA MYIDI MUKULU

⁶ Nyunyi ya bikololu ivua imutuadila mampa ne munyinyi matuku onsu dinda ne dilolu. Uvua unua anu mayi a musulu awu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bikololo biakalua kudiye ne dinda ne bidia ne munyinyi, biakalua habi kabidi dilolo; wakanua mai a mu kasulu.

1 Bakalenga 17:6 ပူးပေါင်းရင်းမြစ်များ

1 Bakalenga 13:28

Muambi mukulumpe kuya. Kusanganaye tshitalu mu njila, ne nyama wa ntambue, ne nyama wa mpunde mimane, ewu ku luseke lua tshitalu, mukuabu ku luseke. Kadi, nyama wa ntambue kavua mudie tshitalu atshi to, kavua muluishe nyama wa mpunde to.

1 Bakalenga 17:5

Eliya kuenza bionsu bivua Maweja-Nangila muambe. Kuyaye kusomba pabuipi ne musulu wa Kerite.

1 Bakalenga 17:7

Matuku makuabu mamane kupita, musulu kuuma, bualu mwla katshivua uloka mu ditunga adi to.

1 Bakalenga 19:6

Muambi Eliya kumona diampa pabuipi nende, dimana kuosha pa mabue. Kumonaye kabidi ne mulondu wa mayi. Mumane kujikija kudia ne kunua, kulalaye tulu tshiakabidi.

1 Bakalenga 19:8

Ke muambi Eliya kujuka bua kudia ne kunua. Biakudia abi kumupa bukole. Kuendaye matuku makumi anayi, munya ne butuku, too ne ku Sinayi, mukuna wa Mvidi Mukulu.

Misambu 33:18

Kadi Maweja-Nangila udi ulama bantu bende, ukuba badi batekemena bulenga buende.

Misambu 37:19

Bantu abu kabakufua bundu diba dia dikenga. Mu bikondu bia nzala nebapete bonsu bidibu nabi dijinga.

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Ekesode 16:35

Bena Izrayele kudia mana awu bidimu makumi anayi, too ne ku difika diabu mu ditunga divua bantu base, nanku too ne papitabu ku mikalu ya ditunga dia Kenaane.

Yeshaya 33:16

Muntu awu neasombe talalaa, bu muntu musokome kulu pa mikuna, bu udi unyemena mu mbuebue mikole. Neapetemu tshiakudia, kakupanga mayi a kunua.

Yirmeya 37:21

Nanku, mukalenga Sedekiya kuela mukenji bua balame Yirmeya mu lupangu lua bena mvita balami ba mukalenga, kabidi bua bamupeshe ku dituku diampa dia tshijengu divuabu balamba mu musesu wa Boshi ba mampa, too ne ku diba didibu kabayi mua kupeta kabidi diampa! Ke muvua Yirmeya mushale mu lupangu lua bena mvita balami ba mukalenga nanku.

Yirmeya 40:4

Nanku, lelu ndi nkusulula nkanu ivuabu bakusuike ku bianza. Paudi musue kuya nanyi ku Babilone mbimpe tuye. Nenkulame. Kadi paudi kuyi musue, bidi anu bimpe. Udi mua kuya kusomba mu ditunga, muaba onsu uudi musue.

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Matayi 19:26

Yezu ubatangila, kubambilaye ne: — Ebi bidi bikolela bantu. Kadi bionsu bidi biteketela Mvidi Mukulu.

Luke 22:35

Ke Yezu kukonka balongi bende ne: — Tshikondu tshimvua munutume kanuyi ne tshibuta tshia makuta, nansha tshia luendu, kanuyi ne bisabata, nuvua bakengele tshintu anyi? Balongi bende kumuandamuna ne: — Katutua bakengele kantu nansha kamue.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Balombodi 14:14

Shimeshone kubelela muanu ne: — Biakudia mbifume kudi udi ubidia. Tshintu tshisheme ntshifume kudi udi ne bukole. Mmumue ne tshinyi? Matuku asatu mamane kupita, bansongalume abu kabavua banji kupeta diandamuna to.