1 Bakalenga 16:9 - MUKANDA WA MYIDI MUKULU

⁹ Zimri, mulombodi wa bena mvita ba Ela, uvua ulombola tshia bibidi tshimue tshia bena mvita bavua ne matempu a mvita, kuelelaye Ela tshifufu tshibi. Pavua mukalenga Ela mu tshimenga tshia Tirsa, unua maluvu, kukuatshikaye mu nzubu mua Arsa, mulombodi wa nzubu wa bukalenga,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Muntu wandi Zimeli, kapitene ka tshituha tshia makalu andi, wakamuelela tshifufu: yeye wakadi mu Tîsa mukuatshike maluvu mu nsubu wa Âsa wakadi ku mutu kua nsubu wandi mu Tîsa.

1 Bakalenga 16:9 ပူးပေါင်းရင်းမြစ်များ

Genese 15:2

Abrame kumukonka ne: — Maweja-Nangila Mvidi Mukulu wanyi, neumfute tshinyi? Meme tshiena mulele muana.

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

Genese 24:2

Dituku dikuabu Abrahame kuambila muena mudimu mukulumpe wa ku bena mudimu bende ne: — Kuata muinshi mua tshibelu tshianyi,

Genese 39:4

Nanku Potifare kunanga Yozefe bikole. Kumupeshaye mudimu wa kulombola bantu ne bintu bionsu bia mu nzubu muende.

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

1 Bakalenga 15:27

Ke Basha, muana wa Akiya, muena tshisamba tshia Isakare, kuelela Nadabe tshifufu tshibi. Bena Peleshete bavua bamane kukuata tshimenga tshia Ngibetone. Dibadivua Nadabe ne bena mvita baluisha tshimenga atshi, Basha kushipa mukalenga Nadabe.

1 Bakalenga 16:10

Zimri kubuela mu nzubu amu, kumushipa. Bionsu abi bivua bienzeka mu tshidimu tshia makumi abidi ne muanda mutekete tshivua Asa mu bukalenga bua bena Yuda. Zimri kuangata bukalenga.

1 Bakalenga 16:8

Mu tshidimu tshia makumi abidi ne tshisambombu tshivua Asa mu bukalenga bua bena Yuda, Ela, muana wa Basha, kubuela mu bukalenga bua bena Izrayele. Ela kushala mukalenga mu tshimenga tshia Tirsa bidimu bibidi.

1 Bakalenga 18:3

Akabe uvua mubikile Obadya, mulombodi wa nzubu wa bukalenga. Obadya uvua muitabe Maweja-Nangila muende muonsu.

1 Bakalenga 20:12

Pavua Benadade ne bakalenga bakuabu banua maluw mu ntenta, kupetaye diandamuna dia kudi mukalenga Akabe. Diakamue kutuma diyi bua bamfumu balombodi ba bena mvita badilongolole ku mvita. Balombodi kudilongolola.

1 Bakalenga 20:16

Kutuadijabu mvita munda munya. Kadi, Benadade ne bakalenga makumi asatu ne babidi, balunda bende, bavua anu bakuatshike maluvu mu ntenta.

2 Bakalenga 12:20

Malu makuabu a mukalenga Yowashe, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 15:10

Nanku, muntu mukuabu dina diende Shalume, muana wa Yabeshe, kuelela Zekarya tshifufu tshibi, kumushipa ku Ibleyame, kuangata bukalenga.

2 Bakalenga 15:25

Muntu mukuabu, dina diende Peka, muana wa Remalya, uvua wambuluisha Pekahiya mu mitanda. Kumuelelaye tshifufu tshibi. Nanku, ne bena mvita makumi atanu ba bena Ngilaade, kuyaye kuluisha Pekahiya mu tshibambalu kampanda tshia ku nzubu wa bukalenga. Peka mumane kushipa Pekahiya, kuangataye bukalenga.

2 Bakalenga 15:30

Muntu mukuabu, dina diende Osheya, muana wa Ela, kuelela mukalenga Peka tshifufu tshibi, kumushipa, kuangata bukalenga. Tshikondu atshi, mukalenga wa bena Yuda, Yotame, muana wa Azariya, uvua mumane kulala mu bukalenga bidimu makumi abidi.

2 Bakalenga 9:14

Tshikondu atshi, bena mvita bonsu ba bena Izrayele bavua balame tshimenga tshia Ramote tshivua mu ditunga dia Ngilaade, bua Azayele, mukalenga wa bena Siriya, kabuedimu to. Kadi, pavua mukalenga Yorame uluisha Azayele, bena Siriya kumutapa mputa. Nanku, mukalenga Yorame kuya kudiondapisha mputa ayi, mu tshimenga tshia Yizreyele. Kushalaye mu bulalu muaba awu. Kadi muikulu wa Nimshi, dina diende Yehu, muana wa Yosafate, kuelela Yorame tshifufu. Yehu kuambila bena mvita bakuabu ne: — Panuikala ku luseke luanyi, nudimuke. Muntu kena mua kumuka mu tshimenga bua kuya kuambila bena mu Yizreyele bidi bienzeka muaba ewu to.

Nsumuinu 31:4

Lemuwele, umanye bimpe ne: bakalenga ne bamfumu badimukile maluvu makole.

Yirmeya 51:57

“Nennuishe balombodi ba mu bukalenga buende, bena meji, bilobu, ne bamfumu bende, maluvu. Nebakuatshike. Nebalale bua kashidi, kabayi mua kujuka kabidi nansha.” Ke mudi mukalenga munene muambe! Dina diende mMaweja-Nangila wa bukole buonsu.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,