1 Bakalenga 16:7 - MUKANDA WA MYIDI MUKULU

⁷ Maweja-Nangila uvua muambile muambi Yehu, muana wa Anani, bua amanyishe Basha ne bena nzubu malu aa, anu bua buenzayi buabu. Basha ne bena nzubu wende bavua benza bidi Maweja-Nangila ubenga, bualu bavua benza malu mabi anu bu muvua Yerobowame ne bena nzubu wende benza. Uvua mushipeshe kabidi ndelanganyi ya Yerobowame yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Dî dia Yehowa diakalua kudi muprofete wandi Yehu, muana wa Hanani, bualu bua Bâsha ne bua ba mu nsubu wandi, bua malu mabi akenzeye ku mesu kua Yehowa ne bu muakamufuisheye tshiji bu muakenza ba mu nsubu wa Yalobama; bua malu au yeye wakamushiha.

1 Bakalenga 16:7 ပူးပေါင်းရင်းမြစ်များ

1 Bakalenga 14:14

Pashishe, Maweja-Nangila, neasungule mukalenga mupiamupia wa bena Izrayele. Mukalenga awu, neabutule bena diku dia Yerobowame. (Ndi ngamba ne: bualu ebu nebuenzeke anu lelu!)

1 Bakalenga 16:8

Mu tshidimu tshia makumi abidi ne tshisambombu tshivua Asa mu bukalenga bua bena Yuda, Ela, muana wa Basha, kubuela mu bukalenga bua bena Izrayele. Ela kushala mukalenga mu tshimenga tshia Tirsa bidimu bibidi.

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

2 Kulondolola 16:7

Tshikondu atshi, muambi Anani kuya kudi Asa, mukalenga wa bena Yuda, kumuambila ne: — Kuena mulombe diambuluisha kudi Maweja-Nangila Mvidi Mukulu webe. Uvua musue kukeba diambuluisha amu kudi mukalenga wa bena Arame! Paudi muenze nanku, bena mvita ba bena Arame kabakuitaba to.

Misambu 115:4

Kadi mvidie yabu mmienza ne tshiamu tshitoke tshia mushinga mukole nansha ne mpawungi. Idi bintu bienza kudi bantu.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Yeshaya 2:8

Buloba bua Yakobe mbuwule tente ne mvidie ya dishima. Bantu badi batendelela mvidie, bakukuila bintu bidibu badienzela.

Osheya 1:4

Maweja-Nangila kuambila Osheya ne: “Muana awu, umuinyike ne: Yizreyele. Matuku makese aa, nennyoke ndelanganyi ya Yeku, bualu nkambua wabu Yeku, uvua mushipe bantu mu tshimenga tshia Yizreyele. Nenshipe bukalenga bua Izrayele.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.