1 Bakalenga 16:31 - MUKANDA WA MYIDI MUKULU

³¹ Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bualu ebu buakadi butekete ku mesu kuandi bua kuendeye mu malu mabi a Yalohama, muana wa Nebata: nunku wakabaka Izebele, muana wa bakashi wa Etebâla, mukelenge wa Bena Sidona, wakakuatshila Bâla mudimu, wakamutendelela.

1 Bakalenga 16:31 ပူးပေါင်းရင်းမြစ်များ

Genese 30:15

Leya kuandamuna Rakele ne: — Wewe ukadi muangate bayanyi! Udi musue kuangata kabidi bimuma bia mutshi wa dinanga, bidi muananyi muntuadile bua tshinyi? Rakele kuandamuna ne: — Paudi umpesha bimuma abi, Yakobe neikale nebe butuku bua lelu.

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

1 Bakalenga 18:18

Muambi Eliya kuandamuna ne: — Meme tshiena nkengesha bena Izrayele to, kadi anu wewe ne bena diku diebe. Bualu nudi babenga kutumikila mikenji ya Maweja-Nangila. Nudi nutendelela mvidie Baale.

1 Bakalenga 18:19

Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

2 Bakalenga 10:18

Yehu kubikidisha bena mu Samariya bonsu, ubambila ne: — Mukalenga Akabe uvua utendelela mvidie Baale nankunanku. Kadi, meme Yehu, nentendelele mvidie awu mupite mukalenga Akabe.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

2 Bakalenga 3:2

Uvua muenze malu mabi avua Maweja-Nangila mubenge. Uvua mufikishe bena Izrayele ku dienza bibi, anu bu muvua Yerobowame, muana wa Nebate, muenze. Uvua anu wenza malu mabi onsu avua Yerobowame muenze. Kadi, Yorame kavua wenza bibi bipite, bu mumve tatuende ne mamuende benza to. Bualu uvua munyangakaje dikunji dia kutendelela mvidie Baale di wa tatuende Akabe muashile mvidie awu.

2 Kulondolola 17:4

Kadi, uvua uditatshisha bua kumanya disua dia Maweja-Nangila Mvidi Mukulu wa bankambua bende, ne bua kuitaba mikenji yende. Kabavua benze nanku mu bukalenga bua ku mutu wa ditunga to.

2 Kulondolola 21:13

Kadi udi mulonde tshilejilu tshia bakalenga ba bena Izrayele. Udi mufikishe bena Yerushalayime ne bena Yuda, ku ditendelela mvidie ya tshianana, bu muvuabu benza kudi bena diku dia Akabe. Udi mushipe kabidi bana benu ba balume bavua bakupite ku malu mimpe.

Yeshaya 7:13

Nanku Yeshaya kumuamba ne: — Wewe Akaze ne bena diku diebe, ndelanganyi ya Davide, ntelejayi. Nudi nusuya bantu bikole, nudi basue kusuya kabidi ne Mvidi Mukulu wanyi anyi?

Yezekiyele 16:20

Uvua muyilambule kabidi bana ba balume ne ba bakaji bautua mundelele. Wewe kubafila bua mvidie ibadie yukute. Kabitua bikumbane bua wewe kuenda tshiendenda tshiebe patupu anyi?

Yezekiyele 16:47

Kuena muidikije amu bibi bivuabu benze bobu nansha. Kuvua mulonde anu dikasa diabu dibi. Kadi uvua muenze wewe bibi bipite biabu kashidi.

Yezekiyele 34:18

Bavule ba kunudi badi badia bimpe mu mpata milenga. Kadi badi badiata bisosa bidi bishale bua tshinyi? Nudi nupeta mayi mimpe a kunua. Kadi mayi anudi nunua, nudi nuavuandulula ne makasa enu bua tshinyi?

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

Osheya 2:15

Nemmunyoke nanku, bua matuku avuaye ulambula mvidie Baale ne mvidie mikuabu. Uvua udilengeja ne tukanu, kabidi ne mabue a mu nshingu, ukeba balume ba kuenda nabu tshiendenda. Kadi uvua umpua muoyi. Meme Maweja-Nangila, ndi ngamba nanku.

Dibadika 16:9

Padi Maweja-Nangila Mvidi Mukulu wa bena Izrayele munusungule munkatshi mua bena Izrayele bakuabu bua nuenu kusemena pabuipi nende, kuenza mudimu muaba wa tshijila, kuyukila nende mu dina dia bena Izrayele bonsu, ki mbualu bunene budiye munuenzele anyi?

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.

Balombodi 1:31

Bena Ashere kupangila mua kuipata bena bimenga ebi: Ako, Sidone, Alabe, Akzibe, Elba, Afike ne Rekobe.

Balombodi 10:12

bena Sidone, bena Amaleke ne bena Mayone, nuvua bambikile bua meme kunuambuluisha. Tshiena munumushe mu bianza biabu anyi?

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.

Balombodi 18:7

Bantu batanu abu kutungunuka ne luendu, too ne ku Layishe. Kusanganabumu bantu bonsu basomba ne ditalala, anu bu bena Sidone. Kakuvua muntu nansha umue uvua mubenge mfumu wa buloba abu to. Bena Layishe bavua mutantshi mule ne bena Sidone. Kabavua ku diyi dia muntu mukuabu to.

Balombodi 2:11

Bena Izrayele kuenza malu avua Maweja-Nangila ubenga. Kutuadijabu kutendelela mvidie Baale.

Balombodi 3:7

Bena Izrayele kuenza malu mabi avua Mvidi Mukulu wabu mubenge. Kupuabu Maweja-Nangila muoyi. Kutendelelabu mvidie Baale ne Ashera.