1 Bakalenga 16:30 - MUKANDA WA MYIDI MUKULU

³⁰ Kadi, uvua wenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Ahaba, muana wa Omeli, Wakenza malu mabi ku mesu kua Yehowa akahita a bonso bakadi ku mpala kuandi bubi.

1 Bakalenga 16:30 ပူးပေါင်းရင်းမြစ်များ

1 Bakalenga 14:9

Wewe udi muenze bibi, mupite bonsu bavua bakudianjidile mu bukalenga. Udi mumfikishe munda, bualu udi musonge mpingu ya mvidie ya bisamba bikuabu. Ke paudi mumbenge meme Maweja-Nangila.

1 Bakalenga 16:25

Kadi, Omri kuenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

1 Bakalenga 16:29

Mu tshidimu tshia makumi asatu ne muanda mukulu tshivua Asa mu bukalenga bua bena Yuda, Akabe, muana wa Omri, kupiana bukalenga mu Izrayele. Akabe kushala mu bukalenga mu tshimenga tshia Samariya, bidimu makumi abidi ne bibidi.

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

1 Bakalenga 16:33

Kuasaye momu kabidi dikunji bua kutendelela Astarte, mvidie mukaji. Maweja-Nangila Mvidi Mukulu wa bena Izrayele, kufika munda bua bionsu bivua Akabe muenze abi. Nanku, Akabe uvua muenze bibi mupite bakalenga bonsu bavua bamudianjidile mu bukalenga.

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

1 Bakalenga 22:53

Kuenzaye tshidi Maweja-Nangila ubenga. Kuenzaye buenzayi anu muvua tatuende Akabe ne mamuende Yezabele benza. Kabidi muvua Yerobowame, muana wa Nebate muenze, mufikishe bena Izrayele ku dienza bibi.

2 Bakalenga 17:2

Osheya kuenza malu adi Maweja-Nangila mubenge. Kadi, kavua wenza bu muvuabu benza kudi bakalenga ba Izrayele bavua bamudianjidile mu bukalenga to.

2 Bakalenga 3:2

Uvua muenze malu mabi avua Maweja-Nangila mubenge. Uvua mufikishe bena Izrayele ku dienza bibi, anu bu muvua Yerobowame, muana wa Nebate, muenze. Uvua anu wenza malu mabi onsu avua Yerobowame muenze. Kadi, Yorame kavua wenza bibi bipite, bu mumve tatuende ne mamuende benza to. Bualu uvua munyangakaje dikunji dia kutendelela mvidie Baale di wa tatuende Akabe muashile mvidie awu.

2 Bakalenga 9:22

Anu Yorame usambakena ne Yehu, kumukonkaye ne: — Yehu, malu kaayi? Yehu kuandamuna ne: — Udi unkonka nanku bua tshinyi? Udi mumanye bimpe ne: mamuebe Yezabele utshidi utendelela mvidie ya dishima, kabidi utshidi wenza majimbu…

2 Kulondolola 21:13

Kadi udi mulonde tshilejilu tshia bakalenga ba bena Izrayele. Udi mufikishe bena Yerushalayime ne bena Yuda, ku ditendelela mvidie ya tshianana, bu muvuabu benza kudi bena diku dia Akabe. Udi mushipe kabidi bana benu ba balume bavua bakupite ku malu mimpe.