1 Bakalenga 16:29 - MUKANDA WA MYIDI MUKULU

²⁹ Mu tshidimu tshia makumi asatu ne muanda mukulu tshivua Asa mu bukalenga bua bena Yuda, Akabe, muana wa Omri, kupiana bukalenga mu Izrayele. Akabe kushala mu bukalenga mu tshimenga tshia Samariya, bidimu makumi abidi ne bibidi.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mu tshidimu tshia makumi asatu ne muanda mukulu tshia bukelenge bua Asa, mukelenge wa Yuda, Ahaba, muana wa Omeli, wakabanga kukokesha Bena Isalele; Ahaba, muana wa Omeli, wakakokesha Bena Isalele mu Samalea bidimu makumi abidi ne bibidi.

1 Bakalenga 16:29 ပူးပေါင်းရင်းမြစ်များ

1 Bakalenga 16:21

Zimri mumane kufua, bena Izrayele kukosoloka bitupa bibidi: aba basue kusungula Tibni, muana wa Nginate, bua kuikalaye mukalenga, bakuabu basue kusungula Omri.

1 Bakalenga 16:23

Mu tshidimu tshia makumi asatu ne tshimue tshivua Asa mu bukalenga bua bena Yuda, Omri kuangata bukalenga mu Izrayele bua bidimu dikumi ne bibidi. Bangabanga uvua mushale mu bukalenga mu tshimenga tshia Tirsa, bidimu bisambombu.

1 Bakalenga 16:24

Pashishe, kuyaye kusumba mukuna wa Samariya kudi Semere. Uvua muusumbe ku nkanu mitoke ya mushinga mukole binunu bisambombu. Omri kuasa tshimenga pa mukuna awu. Kuinyikaye tshimenga atshi dina dia Samariya, bilondeshile dina dia Semere, uvua muena mukuna awu.

1 Bakalenga 16:28

Omri mumane kufua, kumujiikabu mu tshimenga tshia Samariya. Muanende wa balume Akabe kumupingana mu bukalenga.

1 Bakalenga 16:30

Kadi, uvua wenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

1 Bakalenga 16:33

Kuasaye momu kabidi dikunji bua kutendelela Astarte, mvidie mukaji. Maweja-Nangila Mvidi Mukulu wa bena Izrayele, kufika munda bua bionsu bivua Akabe muenze abi. Nanku, Akabe uvua muenze bibi mupite bakalenga bonsu bavua bamudianjidile mu bukalenga.

1 Bakalenga 21:18

— Uye kudi Akabe, mukalenga wa bena Izrayele, udi musombe mu Samariya. Neumusangane mu budimi bua mvinyo bua Nabote, bualu mmuye bua kuangata budimi abu.

2 Kulondolola 25:13

Nanku, bena mvita ba bena Izrayele bavua Amashiya mupingaje kuabu, mubapumbishe mua kuya nende mu mvita, kubuelabu mu bimenga bia bena Yuda, bivua pankatshi pa tshimenga tshia Samariya ne tshia Bete-Orone. Kushipabu bantu binunu bisatu ba mu bimenga ebi. Kukuatabu bintu bia bungi, kuya nabi.

Yirmeya 41:5

Nanku bantu balume makumi muanda mukulu ba ku Shekeme, ba ku Shilo, ne ba ku Samariya, kufika. Bavua babeya miedi, bavuale bilamba bipandike, baditape mputa pambidi. Bavua bambule milambu ya ntete ya kuenza bukula, ne ya musenga wa kamonya, bua kuya kulambula Maweja-Nangila mu nzubu wende wa mu Yerushalayime.

Osheya 13:1

Pavua bena Efrayime bakula, bantu bonsu bavua batshina. Bobu ke bavua bamfumu, mu bukalenga bua bena Izrayele. Kadi, bavua benza bibi, batendelela mvidie Baale. Ke tshivua tshibafikisha ku lufu.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”