1 Bakalenga 16:10 - MUKANDA WA MYIDI MUKULU

¹⁰ Zimri kubuela mu nzubu amu, kumushipa. Bionsu abi bivua bienzeka mu tshidimu tshia makumi abidi ne muanda mutekete tshivua Asa mu bukalenga bua bena Yuda. Zimri kuangata bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Zimeli wakabuela mu nsubu, wakamushiha mu tshidimu tshia makumi abidi ne muanda mutekete tshia bukelenge bua Asa, mukelenge wa Yuda; wakakokesha mu muaba wandi.

1 Bakalenga 16:10 ပူးပေါင်းရင်းမြစ်များ

1 Bakalenga 15:27

Ke Basha, muana wa Akiya, muena tshisamba tshia Isakare, kuelela Nadabe tshifufu tshibi. Bena Peleshete bavua bamane kukuata tshimenga tshia Ngibetone. Dibadivua Nadabe ne bena mvita baluisha tshimenga atshi, Basha kushipa mukalenga Nadabe.

1 Bakalenga 16:11

Amu ubuela mu bukalenga bua bena Izrayele, kushipaye bena nzubu wa Basha bonsu. Kena mushiye nansha muntu umue ne muoyi to. Uvua mushipe bana ne bantu bakulumpe bonsu ba mu nzubu wa Basha, ne bantu bonsu bavua batue ku tshia Basha.

1 Bakalenga 16:15

Mu tshidimu tshia makumi abidi ne muanda mutekete, tshivua Asa mu bukalenga bua bena Yuda, Zimri kuangata bukalenga mu Izrayele. Kushalaye mu bukalenga mu tshimenga tshia Tirsa matuku muanda mutekete. Diba adi, bena mvita ba bena Izrayele, bavua baluisha bena Ngibetone, tshimenga tshivua bena Peleshete bakuate.

1 Bakalenga 16:9

Zimri, mulombodi wa bena mvita ba Ela, uvua ulombola tshia bibidi tshimue tshia bena mvita bavua ne matempu a mvita, kuelelaye Ela tshifufu tshibi. Pavua mukalenga Ela mu tshimenga tshia Tirsa, unua maluvu, kukuatshikaye mu nzubu mua Arsa, mulombodi wa nzubu wa bukalenga,

2 Bakalenga 15:10

Nanku, muntu mukuabu dina diende Shalume, muana wa Yabeshe, kuelela Zekarya tshifufu tshibi, kumushipa ku Ibleyame, kuangata bukalenga.

2 Bakalenga 9:31

Anu Yehu ubuela ku tshiibi tshia mu tshimenga, Yezabele kumukonka ne: — Yehu, malu kaayi? Wewe udi muntu tshianana, mufuanangane ne Zimri, uvua mushipe mukalenga wende.