1 Bakalenga 15:20 - MUKANDA WA MYIDI MUKULU

²⁰ Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bene-hadada wakunvua dî dia mukelenge Asa; wakatuma tupitene tua masalayi andi bua kuluanganabo ne misoko ya Bena Isalele; yeye wakahana Iyona ne Dana ne Abele-bete-mâka, ne buloba buonso bua Kinelota ne buloba buonso bua Nafatale.

1 Bakalenga 15:20 ပူးပေါင်းရင်းမြစ်များ

Genese 14:14

Abrame umvua ne: mbakuate Lote, muana wa muanetu, kubikilaye biende bilobu nkama isatu dikumi ne muanda mukulu, bia mu diku diende. Kuipatshilabu bakalenga banayi abu too ne ku Dane.

1 Bakalenga 12:29

Yerobowame kuteka lupingu lua tshiamu tshia mpawungi ku Betele, lukuabu ku Dane.

1 Bakalenga 20:1

Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

1 Bakalenga 20:34

Benadade kuambila Akabe ne: — Nenkupingajile bimenga bivua tatu wanyi munyenge tatuebe. Nanku bintu bia mu ditunga diebe, neuye kubisumbisha mu tshimenga tshia Damase, bu muvua tatu wanyi uya kusumbisha bintu bia mu ditunga dietu mu Samariya. Akabe kumuambila ne: — Meme ndi musue kutua nebe ndondu. Pashishe, nenkulekele bua wewe kuya muebe muudi musue. Akabe mumane kutua ndondu ne Benadade, kumulekelaye.

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

Yoshua 11:2

Uvua mubikidishe kabidi bakalenga bavua ku mikuna ku mutu wa ditunga, ne bavua mu tshibandabanda tshia Yardene kuinshi kua dijiba dia Ngenesarete, ne bavua mu mpata ne ku muelelu wa Mayi manene a pankatshi, pabuipi ne tshimenga tshia Dore luseke ludi diba dibuelela.

Yoshua 12:3

Sihone uvua kabidi ulombola bantu bavua mu tshibandabanda mu tshitupa tshia luseke ludi diba dipatukila lua musulu wa Yardene, biangatshile ku dijiba dia Ngenesarete, luseke lua ku mutu, too ne ku Mayi manene a luepu, pabuipi ne Bete-Yeshimote, ne ku mukuna wa Pisga, kuinshi menemene mu ditunga.

Yoshua 19:39

Bionsu ebi bivua mu buloba buvua bena tshisamba tshia Naftali bapete, bilondeshile muvua meku abu.

Balombodi 18:29

Kushintululabu dina dia Layishe, divuabu binyika tshimenga atshi kale. Kutshinyikabu ne: Dane, dina dia nkambua wabu, muana wa Yakobe.