1 Bakalenga 15:13 - MUKANDA WA MYIDI MUKULU

¹³ Asa kukandikaye bantu bua kababikidi kakuende Maaka ne: “Mukalenga muadi,” bualu Maaka uvua mupete meji mabi a kuenza lupingu lua mvidie mukaji Ashera. Asa kutuma diyi bua banyangakaje lupingu alu, baloshile ku muelelu wa musulu wa Sedrone.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye kabidi wakumusha Mâka, mamu wandi, mu nkuasa wa mukelenge mukashi, bualu bua yeye wakenzela Bashela luhingu lua bundu; Asa wakataha luhingu luandi, wakaluosha kahia hehi ne kasulu ka Kidilona.

1 Bakalenga 15:13 ပူးပေါင်းရင်းမြစ်များ

2 Samuele 15:23

Bena mvita bavua anu benda kumpala kua mukalenga Davide. Bena ditunga kudila miadi bikole, kuela mbila. Mukalenga Davide ne bantu bende, kusabuka musulu wa Sedrone, balonda njila wa ku tshipela.

1 Bakalenga 15:10

Nanku, Asa kushala mukalenga mu Yerushalayime, bidimu makumi anayi ne tshimue. Kakuende wa Asa uvua Maaka, muana wa Abishalome.

1 Bakalenga 15:2

Kushalaye mukalenga mu Yerushalayime bidimu bisatu. Dina dia mamuende divua Maaka, muana wa Abishalome.

1 Bakalenga 2:19

Ke Batsheba kuya kudi mukalenga Shelomu bua kumuambila bualu bua Adoniya. Mukalenga Shelomu kujuka mu nkuasa wa bukalenga, kusemena kudi mamuende Batsheba, kuinyika mutu bikole. Pashishe kusombaye tshiakabidi mu nkuasa wa bukalenga. Shelomu kulombesha nkuasa wa bukalenga mukuabu. Kumutekabu ku dia balume diende. Mamuende Batsheba kusomba mu nkuasa amu.

2 Bakalenga 10:26

Kupatulabu makunji a tshijila avua mu nzubu amu, ku wosha.

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

2 Bakalenga 23:4

Pashishe, mukalenga Yoshiya kuambila Ilkiya, mutuangaji munene, ne batuangaji bakuabu bavuaye nabu, ne batuangaji bavua balame ku mushiku wa nzubu wa Mvidi Mukulu, bua kumushabu mu muaba wa tshijila bintu bionsu bia kutendelela nabi mvidie Baale, mvidie mukaji Ashera, ne bintu bionsu bia mu tshibuashibuashi. Kumukabu ne bintu abi mu Yerushalayime. Kuyabu kubioshila mu tshibandabanda tshia Sedrone. Pashishe, kuyabu ne butu bua bintu abi mu tshimenga tshia Betele.

2 Bakalenga 23:6

Yoshiya kutuma bantu bua bajule dikunji dia mvidie mukaji Ashera, divua mu nzubu wa Mvidi Mukulu. Kumukabu nadi mu Yerushalayime, bua kuya kudioshila mu tshibandabanda tshia Sedrone. Kuoshabu dikunji adi, kudibutula. Butu buadi kubutangalajabu muaba uvua nkita ya bantu bonsu.

2 Kulondolola 34:4

Kupulabu bilambuilu bionsu bia mvidie Baale, Yoshiya mutangile. Kutshibulabu musangu umue mbabula ya kuosha manananshi ivuabu bimanyike pa bilambuilu abi. Kupulabu makunji a kutendelela mvidie, kunyangakajabu mpingu ya mishindu mishilangane. Kuoshabu bionsu abi kubutula. Butu buabi kubutangalajabu muaba uvua nkita ya bantu bavua batendelela mvidie ya tshianana ayi.

Ekesode 32:20

Moshe kubakula lupingu lua kana ka ngombe alu, kuluosha, kuvingutukalu. Kuelaye butu abu mu mayi, kumushaye bena Izrayele mayi awu.

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.

Zekâya 13:3

Pikala muntu umanyisha bantu malu mu dina dia Mvidi Mukulu, tatuende ne mamuende menemene neba-muambile ne: “Ufue, bualu udi wamba malu a dishima, utela dina dia Mvidi Mukulu.” Baledi bende menemene nebamutape ne muele, patshidiye umanyisha bantu malu.

Matayi 10:37

— Muntu udi unanga tatuende nansha mamuende bipite mudiye munnange meme, kena mungakanyine to. Muntu udi unanga muanende wa balume nansha wa bakaji bipite mudiye munnange meme, kena mungakanyine meme to.

Yowanane 18:1

Yezu mumane kulomba Mvidi Mukulu nanku, kumukaye ne balongi bende, kuyaye dishiya dia musulu wa Kedrone. Muaba awu uvua lupangu, yeye kubuelamu ne balongi bende.

2 Korente 5:16

Nenku kutuadija ku lelu, katutshiena tulumbuluisha mudi bantu balumbuluisha muntu nabu. Ku kale tuvua balumbuluishe Kristu mushindu awu. Kadi mpindiewu katuena tuenza kabidi nanku to.

Ngalate 2:14

Pamvua mumone mu wabu benza malu mabi, adi abengangana ne Lumu lua Disanka, meme kubela Petro kumpala kua bantu bonsu, kunuambila ne: “Wewe, muena Yuda, uvua usomba munemu amu bu bantu ba bisamba bikuabu, kuyi ulonda mikenji ya bena Yuda. Kadi mmunyi muudi musue mpindiewu, bua bantu ba bisamba bikuabu balonde bibidilu bia bena Yuda?”

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

Dielulula 7:5

Nanku nunyangakaje bilambuilu biabu, nupule tshibumba tshia mabue tshidibu benze, nupule makunji a kutendelela mvidie adibu base, nuoshe kabidi ne mpingu yabu.

Dielulula 9:21

Meme kuangata lupingu lua kana ka ngombe ka tshiamu, lunuvua badienzele bua bubi buenu. Meme kulosha mu kapia. Bivua kabiyi bipie, meme kubizaza, kushalabi butu. Meme kuimansha butu abu mu musulu uvua upueka mu mukuna.

Yoshua 6:24

Pashishe bena Izrayele kuosha tshimenga tshia Yeriko ne bionsu bivuamu. Kabawa bosha biamu bitoke bia mushinga mukole, biamu bia mpawungi, biamu bikunze, nansha bikuabu. Bavua babiteka muaba wa tshijila wa Maweja-Nangila, bua bishale biende.