1 Bakalenga 14:9 - MUKANDA WA MYIDI MUKULU

⁹ Wewe udi muenze bibi, mupite bonsu bavua bakudianjidile mu bukalenga. Udi mumfikishe munda, bualu udi musonge mpingu ya mvidie ya bisamba bikuabu. Ke paudi mumbenge meme Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ kadi wewe wakutamba bantu bonso bakadi ku mpala kuebe bua kuenza bibi, wa kudienzela nzambi mikuabo, wakutula mpingu bua kunfuisha nʼai tshiji, wakungela meme ku nyima kuebe;

1 Bakalenga 14:9 ပူးပေါင်းရင်းမြစ်များ

1 Bakalenga 12:28

Mukalenga Yerobowame kuela meji, ukeba tshia kuenza. Pashishe kuenzaye tuana tua ngombe tubidi tua tshiamu tshia mpawungi. Kuambilaye bena Izrayele ne: — Nuvua nuya mu Yerushalayime misangu yonsu. Kadi mpindiewu kanuyi kabidi mu Yerushalayime to. Tangilayi Mvidi Mukulu wenu uvua munupatule mu Ejipitu udi muaba ewu.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 14:22

Bena Yuda kuenza bidi Maweja-Nangila ubenga. Maweja-Nangila uvua ne tshiji, bualu bavua benza malu mapite bubi ku avuabu benza kudi bankambua babu.

1 Bakalenga 15:29

Anu ubuela mu bukalenga, kushipeshaye bena nzubu wa Yerobowame bonsu. Kawa mushiye muntu wa ku ndelanganyi ya Yerobowame nansha umue ne muoyi. Kubabutulaye bonsu bu muvua muambi Akiya, uvua ku Silo, muambile bantu mu dina dia Maweja-Nangila.

1 Bakalenga 15:30

Bionsu abi bivua bienzeka bualu Yerobowame uvua muenze bibi, mufikishe kabidi bena Izrayele ku dienza bibi. Bualu ebu buvua bufikisha Maweja-Nangila Mvidi Mukulu wa bena Izrayele, munda bikole.

1 Bakalenga 15:34

Kadi, kuenzaye malu mabi avua Maweja-Nangila kayi musue to. Kuenzaye malu mabi bu muvua Yerobowame muenze, mufikishe ne bena Izrayele ku dienza bibi. Uvua muenze malu mabi avua Yerobowame muenze.

1 Bakalenga 16:25

Kadi, Omri kuenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

1 Bakalenga 16:30

Kadi, uvua wenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

1 Bakalenga 16:33

Kuasaye momu kabidi dikunji bua kutendelela Astarte, mvidie mukaji. Maweja-Nangila Mvidi Mukulu wa bena Izrayele, kufika munda bua bionsu bivua Akabe muenze abi. Nanku, Akabe uvua muenze bibi mupite bakalenga bonsu bavua bamudianjidile mu bukalenga.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

2 Bakalenga 23:26

Kadi, Maweja-Nangila uvua anu ufikila bukalenga bua bena Yuda munda bikole. Tshiji tshiende katshivua tshituya to. Bualu mukalenga Menashe uvua mumufikishe munda bipite.

2 Kulondolola 11:15

Yerobowame nkayende kusungula bantu bua kuikalabu batuangaji miaba ivuabu batendelela mvidie, bakukuila mpingu ya mbuji ya mpumbu ne ya tuana tua ngombe.

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

Nehemya 9:25

Bavua bakuate bimenga bivuabu bakoleshe ne bimana, bakuate madimi mimpe, nzubu miuwule tente ne biuma, bina bia mayi bimana kumbula, madimi a mionji ya mvinyo, ne mitshi ya olive, kabidi ne mitshi mikuabu ya bimuma mipite bungi. Nanku, bu muudi ne muoyi mulenga, bena Izrayele kudia kuukuta, kudiunda, kusanka bua bionsu biuvua mubapeshe.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Misambu 106:29

Kufikishabu Maweja-Nangila tshiji, tshipupu kubuela munkatshi muabu.

Misambu 50:17

Kuena muanyishe mibelu yanyi. Udi ubenga bindi ngamba.

Misambu 78:40

Mmisangu bungi munyi kuabu bamutombokele mu tshipela! Mmisangu bungi munyi kuabu bamunyingalaje mu muaba awu uvua kauyi mayi!

Misambu 78:56

Kadi bobu kubenga Mvidi Mukulu Muena kulu, kumutombokela, kushipa mikenji yende.

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Ekesode 34:17

“Kanuenji mvidie ya tshiamu bua kuyitendelela.

Yirmeya 32:18

Udi unanga bantu too ne ku ndelanganyi yabu tshinunu. Kadi padi baledi benza tshilema, udi unyoka ne bana babu mene. Udi Mvidi Mukulu munene ne wa bukole. Dina diebe mMvidi Mukulu wa bukole buonsu.

Yirmeya 7:18

Bana badi bangula nkunyi, batatu batemesha kapia, bakaji balamba mikata bua mvidie udibu binyika ne: mukalenga mukaji wa mu diulu. Padibu balambula milambu ya maluvu a mvinyo kudi mvidie ya bantu ba bisamba bikuabu, badi bampenda meme Maweja-Nangila.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

Yezekiyele 23:35

Ndi ngamba ne: bu muudi mumpue muoyi, mumbenge, nenkunyoke bua tshiendenda ne bua buenzavi buebe.”

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

Yezekiyele 8:3

Tshintu atshi kuolola tshintu bu tshianza, kunkuata ku nsuki. Nanku, pavua Mvidi Mukulu undeja bionsu ebi, meme kumvua Mueyelu wende ungambula mulu mu kapepe, kuya kuntuluila mu Yerushalayime. Uvua muntuluile munda mua tshimenga, pabuipi ne tshiibi tshia tshimenga tshidi luseke lua ku mutu, muaba uvuabu bateke kabidi lupingu ludi lufikisha Mvidi Mukulu munda.

Lewitiki 19:4

“Kanuena mua kutendelela mvidie ya dishima to. Kanuena mua kuengulula biamu bua kufula mpingu, kuyitendelela. Bualu Meme ndi Maweja-Nangila Mvidi Mukulu wenu.

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Dielulula 32:21

Bena Izrayele mbamfikishe munda, bajule tshiiji tshianyi, bualu neatendelele mvidie ya dishima. Nanku meme nembasongakaje ne tshisamba tshia bantu, tshidi katshiyi tshisamba mene. Nenjule tshiiji tshiabu, ne bantu badi kabayi ne lungenyi.

Dielulula 9:24

Katshia tumanyangana nenu, nudi amu nutombokela Maweja-Nangila.

Balombodi 5:8

Bantu bavua basungula mvidie mipiamipia. Katupa kiipi, mvita kutuadija. Kadi bivua bikole bua kupeta ngabu wa mvita, nansha difuma, bua bena Izrayele binunu makumi anayi.