1 Bakalenga 14:4 - MUKANDA WA MYIDI MUKULU

⁴ Mukaji wa Yerobowame, kuenza bionsu abi. Kuyaye ku Silo. Kufikaye ku nzubu kua muambi Akiya. Muambi Akiya uvua mumane kukola mukulakaje, katshiyi umona kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mukashi wa Yalobama wakenza nunku, wakajuka, wakaya ku Shilo, wakafika ku nsubu wa Ahiya. Ahiya wakadi mufofo, mesu andi akadi bileshileshi bua bununu buandi.

1 Bakalenga 14:4 ပူးပေါင်းရင်းမြစ်များ

Genese 27:1

Izake mumane kukola mukalakaje, mesu ende kaavua amona kabidi bimpe to. Kubikilaye Esawu muanende muanabute ne: — Muananyi! Esawu kuitaba ne: — Ke meme ewu, tatu!

Genese 48:10

Yakobe katshivua umona bimpe to, bualu ukavua muntu mukole. Yozefe kumusemejila bana pabuipi. Yakobe kubupukila,

1 Bakalenga 11:29

Dituku dikuabu, Yerobowame uvua umukila mu Yerushalayime. Mu njila, kusambakenaye ne muambi Akiya wa ku tshimenga tshia Silo. Bavua anu nkayabu babidi mu tshisuku. Muambi Akiya uvua mudiele tshinkutu tshipiatshipia pa makaya.

1 Bakalenga 14:2

Ke Yerobowame kuambila mukajende ne: — Udisokoke, uvuale bilamba bia mukaji mukuabu, bua bantu kabamanyi ne: udi mukajanyi to. Pashishe uya ku Silo, kudi muambi Akiya. Bualu muambi Akiya uvua mungambile ne: wewe Yerobowame neushale mukalenga wa bena Izrayele.

Misambu 90:10

Bantu ba dikanda badi mua kulala panu bidimu makumi muanda mutekete, anyi makumi muanda mukulu, kadi mu bungi bua bidimu abi, tudi ne ntatu ne makenga. Tudi tuya lukasa batangila ku lufu.

Muambi 12:3

Diba adi, maboku avua akuambuluisha neazakale. Mikolu iuvua wenda nayi neitekete. Menu neashale makese, kuyi mua kutshiakunya biakudia kabidi bimpe. Mesu ebe neikale bu mpofu.

Dielulula 34:7

Moshe ufuile muikale ne bidimu lukama ne makumi abidi. Kadi, utshivua anu ne bukole bua bungi, kayi muanji kukulakaja to. Mesu ende atshivua anu amona bimpe.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

1 Samuele 3:2

Mutuangaji Eli mumane kukulakaja, katshiyi umona kabidi bimpe, dituku dikuabu butuku, uvua mu lala muaba wende wa tshibidilu.

1 Samuele 4:15

Musangu awu, mutuangaji Eli uvua ne bidimu makumi tshitema ne muanda mukulu, ukavua mpofu menemene.