1 Bakalenga 14:3 - MUKANDA WA MYIDI MUKULU

³ Umutuadile mampa dikumi, mikata, ne buitshi mu mulondu. Uye nabi kudiye. Yeye neakuambile patoke tshienzekela muanetu wa balume udi usama ewu.

Mukanda wa Nzambi Dihungila Dikulukulu ne Dihungila Dihia-dihia 2003

³ Uye ne mitanda ya bidia dikumi, ne mikata ne mulondo wa buitshi; yeye neakuambile mualua muana eu.

1 Bakalenga 14:3 ပူးပေါင်းရင်းမြစ်များ

1 Bakalenga 13:7

Pashishe, mukalenga Yerobowame kuambila muambi awu ne: — Tuye nebe ku nzubu kuanyi bua kudia. Pashishe, nenkupe tshintu tshia kukusankisha natshi.

2 Bakalenga 1:2

Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

2 Bakalenga 4:42

Tshikondu atshi, muntu mukuabu uvua utumina ku Baale-Shalisha. Uvua mutuadile muambi mampa a orje makumi abidi, menza ne bukula bupiabupia. Uvua kabidi ne tshibombi tshia ntete iwaye munowe anu matuku awu. Elisha kuambila muena mudimu wende bua kuabanyina bantu bonsu biakudia abi.

2 Bakalenga 5:15

Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

2 Bakalenga 5:5

Mukalenga wa bena Siriya kuandamuna ne: — Eyowa, mbimpe! Ndi nkupa mukanda, uye kumonangana ne mukalenga wa bena Izrayele, umupe mukanda awu. Nanku Namane kuya kudi mukalenga wa bena Izrayele ne bintu ebi: tshiamu tshitoke tshia mushinga mukole kilo bu nkama isatu, tshiamu tshia mpawungi kilo makumi asambombu, ne bilamba dikumi bia kuvuala dituku dia tshibilu.

Matayi 26:7

Mukaji kampande kufika kudiye ne mulangi wa albatre, muwule ne manananshi a mushinga mukole. Kuelaye Yezu manananshi aa mu mutu pavuaye ku mesa.

Yowanane 11:3

Nsongakaji ibidi eyi kutumina Yezu diyi ne: — Mfumu, mulunda webe udi usama.