1 Bakalenga 14:27 - MUKANDA WA MYIDI MUKULU

²⁷ Pashishe, mukalenga Robowame kuenzeja ngabu mikuabu ya tshiamu tshikunze ya kupingaja pa kuabu bangata ayi. Ngabu ayi, Robowame kuyipesha bamfumu ba bena mvita, bavua balame biibi bia nzubu wa bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Mukelenge Lehabama Wakenza ngabu ya tshiamu tshia mitaku, wakayiteka mu bianza bia tupitene tuakadi tulama nsubu wa mukelenge.

1 Bakalenga 14:27 ပူးပေါင်းရင်းမြစ်များ

2 Samuele 11:9

Kadi, Uriya kena muye ku nzubu kuende nansha. Kuyaye kulala pabuipi ne ku tshibuelelu tshia ku nzubu wa mukalenga, muaba uvua bena mvita bavua balame mukalenga Davide balala.

2 Samuele 15:1

Pashishe, Absalome kusumba ditempu, ne nyama ya tubalu, kusangisha kabidi bena mvita makumi atanu bavua banyema lubilu kumpala kua ditempu diende.

1 Bakalenga 14:1

Tshikondu atshi, Abiya, muana wa Yerobowame, kutuadija kusama.

1 Bakalenga 14:28

Nanku, misangu yonsu ivua mukalenga Robowame ubuela mu nzubu wa Maweja-Nangila, bena mvita bavua balame ku biibi abi, bavua bambula ngabu ayi, pashishe, bayipingaja anu muaba uvuabu basombe bua kulama biibi.

1 Bakalenga 14:5

Kadi, Maweja-Nangila uvua mumane kumumanyisha ne: — Mukaji wa Yerobowame neafike. Neikale mudileje bu mukaji mukuabu. Pafikaye, neakukonke bua muanende wa balume udi usama. Nanku, umuambile bionsu bindi mukuambile.

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

2 Bakalenga 11:19

Yoyada kusangisha kabidi balombodi ba bena mvita, bena Kari, ne bena mvita bakuabu bavua balame mukalenga Yowashe, kabidi ne bantu bonsu. Kumukabu ne mukalenga Yowashe mu nzubu wa Mvidi Mukulu, kuya nende mu nzubu wa bukalenga. Kupitshilabu ku tshiibi tshia bena mvita bavua balame mukalenga. Pavua Yowashe mumane kusomba mu nkuasa wa bukalenga,

2 Bakalenga 11:4

Mu tshidimu tshia muanda mutekete, mutuangaji Yoyada kubikidisha balombodi ba bena Kari, ne ba bena mvita bakuabu bavua balama mukalenga. Kuyaye nabu mu nzubu wa Mvidi Mukulu. Kutuaye nabu ndondu, kuditshipabu. Pashishe, kubalejaye muana wa balume wa mukalenga Akaziya.

1 Samuele 22:17

Ke mukalenga kuambila bena mvita bende bavua bamulame, bimane eku ne eku, ne: Shipayi batuangaji ba Maweja-Nangila aba tumone, bualu bavua bambuluisha Davide. Bavua bamanya ne: Davide mmunyeme. Kadi kabena bammanyisha to. Kadi, ku bena mvita ba Shawule bavua bamulame, muntu nansha umue kavua musue kulenga batuangaji ba Maweja-Nangila bua kubashipa.

1 Samuele 8:11

— Numanye ne: mukalenga washala mfumuenu neanukengeshe mushindu ewu: Munkatshi mua bana benu ba balume, neasungule bena mvita badi mua kuendesha matempu ende a mvita, badi mua kubanda pa nyama yende ya tubalu, nansha badi mua kunyema kumpala kua ditempu diende.