1 Bakalenga 14:26 - MUKANDA WA MYIDI MUKULU

²⁶ Kupawulabu bintu bimpe bionsu bivua mu nzubu wa Maweja-Nangila, ne bivua mu nzubu wa bukalenga. Kuangataye bintu abi bionsu, nangananga ngabu ya tshiamu tshia mpawungi ivua Shelomu muenze.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ wakahaula bintu bionso bia mu nsubu wa Yehowa ne bia mu nsubu wa mukelenge, wakaya ne buonso buabi; wakanyenga ngabu ya or yakenza Solomo.

1 Bakalenga 14:26 ပူးပေါင်းရင်းမြစ်များ

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

1 Bakalenga 7:51

Mukalenga Shelomu mumane kujikija midimu yonsu ya dibaka nzubu wa Maweja-Nangila, kuangataye binta bionsu bivua tatuende Davide mujidile Maweja-Nangila: biamu bitoke bia mushinga mukole, tshiamu tshia mpawungi, ne bintu bia mishindu yonsu, kubitekaye mu tshibambalu tshia mu nzubu wa Mvidi Mukulu tshivuabu batekela bintu bionsu bia mushinga mukole.

2 Bakalenga 12:18

Tshikondu atshi, Azayele, mukalenga wa bena Siriya, kufika bua kuluisha tshimenga tshia Ngate. Yeye mumane kutshikuata, kudilongololaye bua kuluisha Yerushalayime.

2 Bakalenga 14:14

Yowashe kuangata tshiamu tshia mpawungi, tshiamu tshitoke tshia mushinga mukole ne bintu bia mushinga mukole bionsu bivua mu nzubu wa Mvidi Mukulu ne bivua mu nzubu wa bukalenga. Pashishe, kukuataye kabidi ne bantu lukola, kupingana nabu mu Samariya.

2 Bakalenga 24:13

Nanku, Nebukadnesare kupawula bintu bia mushinga mukole bivua mu nzubu wa Mvidi Mukulu ne bivua mu nzubu wa bukalenga. Kushipaye bintu bionsu bivuabu benza ne tshiamu tshia mpawungi, bivua mukalenga Shelomu muenzeje bua kutendelela nabi mu nzubu wa Mvidi Mukulu.

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Nsumuinu 23:5

Bualu biuma bidi bijimina kuyi muanji kubimona bimpe. Bidi bibuka mudi nyunyi wa tshiminyi ubuka mulu, uya kule.