1 Bakalenga 14:23 - MUKANDA WA MYIDI MUKULU

²³ Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bualu bua bobo bakenza bitendelelu ne makunshi a kutendelela ne Bashela ha mutu ha mikuna yonso ne muinshi mua mitshi mibishi yonso;

1 Bakalenga 14:23 ပူးပေါင်းရင်းမြစ်များ

1 Bakalenga 12:31

Yerobowame kuibaka nzubu ya tshijila pabuipi ne miaba mitumbuke kuabu batendelela mvidie kale. Kusungulaye bantu ba munkatshi mua bena Izrayele, bua kuikalabu batuangaji. Bantu abu, kabavua ba mu tshisamba tshia bena Levi to.

1 Bakalenga 14:15

Pashishe Maweja-Nangila neanyoke bena Izrayele. Nebazakale bu bisosa bidi ku muelelu wa mayi. Maweja-Nangila neumushe bena Izrayele mu buloba ebu buimpe buvuaye mumane kupesha bankambua babu. Neabatangalaje dishiya dia musulu wa Perate wa bena Babilone. Bena Izrayele nebakenge nenku, bualu bavua benza makunji a kutendelela mvidie bua kufikisha Maweja-Nangila munda.

1 Bakalenga 15:12

Kuipataye mu ditunga balume ne bakaji bavua benda tshiendenda mu nzubu ya mvidie yabu. Kumushaye mpingu yonsu ya kutendelela mvidie ivua bankambua bende benza.

1 Bakalenga 20:23

Balombodi ba mu bukalenga bua bena Siriya, kuambilabu mukalenga wabu ne: — Mvidi Mukulu wa bena Izrayele udi Mvidi Mukulu wa ku mikuna, ke padi bena Izrayele batupite bukole. Kadi, tuye kuluangana nabu mu mpata, netubapite bukole bulelela.

1 Bakalenga 3:2

Tshikondu atshi, bantu bavua balambuila milambu miaba ya tshijila ivua mu ditunga amu. Bualu kabavua banji kuasa nzubu wa Maweja-Nangila to.

1 Bakalenga 3:3

Shelomu kuleja nuwuaye munange Maweja-Nangila, kukumbajaye bionsu bivua tatuende Davide mumuambile. Nansha Shelomu mene, uvua ulambuila milambu ya nyama, ne ya manananshi, miaba ya tshijila mikuabu ayi.

2 Bakalenga 10:26

Kupatulabu makunji a tshijila avua mu nzubu amu, ku wosha.

2 Bakalenga 16:4

Akaze uvua ulambula milambu ya nyama ne ya manananshi mu miaba ya kutendelela mvidie, pa mikuna, muinshi mua mitshi ivua ne dileji dia bungi.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:19

Kadi, bena Yuda kutombokela kabidi Maweja-Nangila, kubenga meyi a Maweja-Nangila Mvidi Mukulu wabu. Kulondabu bilele bivuabu babueje mu bukalenga bua bena Izrayele.

2 Kulondolola 24:18

Ke muvua bena Izrayele balekela nzubu wa Maweja-Nangila Mvidi Mukulu wa bankambua babu, bua kuya kukukuila makunji ne mpingu bivuabu benza bua kutendelela mvidie. Bua buenzayi abu, Mvidi Mukulu kufikila bena mu Yerushalayime ne bena Yuda munda.

2 Kulondolola 28:4

Akaze uvua ulambula kabidi milambu ya nyama ne ya manananshi miaba ya kutendelela mvidie ya bisamba bikuabu, pa mikuna muinshi mua mitshi mibishi ya dileji.

Ekesode 34:13

Nanku, nupule bilambuilu biabu, nupule makunji abu adibu batendelela.

Yeshaya 57:5

Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Yezekiyele 6:13

Bitalu biabu nebishale panshi munkatshi mua mpingu yabu, ne ku nseke yonsu ya bilambuilu biabu, ku nsongu ya mikuna minene ne mikese, muinshi mua mitshi idi ne mabeji mabishi mapite bungi, ne ku miaba mikuabu yonsu idibu balambuila mvidie yabu milambu. Nanku muntu yonsu neashindike ne: meme ndi Maweja-Nangila.

Yezekiyele 6:3

Bantu badi basomba ku mikuna minene ne mikese, mu bibandabanda ne mu mpongu, bakuteleje. Meme Maweja-Nangila Mvidi Mukulu ndi mbambila ne: “Nennutumine mvita bua kunyanga miaba yenu inudi nutendelela mvidie.

Yezekiyele 6:6

Miaba yonsu inudi nusomba, nebabutule bimenga bienu. Miaba yenu ya kutendelela neyishale munda mutupu. Bilambuilu bienu nebinyanguke, bishale bintu bia tshianana. Nebazaze mpingu yenu, bayumbushe. Nebanyange mbabula yenu ya kuoshila manananshi. Bintu bionsu binudi benze nebijimine.

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Mika 5:14

Nemfike munda, nensombuele bisamba bia bantu, bivua kabiyi bintumikila.”

Dielulula 12:2

Nunyangakaje miaba ya tshijila yonsu, idibu base pa nsongu ya mikuna minene ne mikese, munkathi mua mitshi ya dileji, muaba udibu batendelela mvidie kudi bisamba binuanyenga matunga abi.

Dielulula 16:22

Kanuena mua kuimanyika dibue dia kutendelela mvidie muaba awu to. Bualu Maweja-Nangila kena musue bintu bia mushindu awu to.