1 Bakalenga 14:22 - MUKANDA WA MYIDI MUKULU

²² Bena Yuda kuenza bidi Maweja-Nangila ubenga. Maweja-Nangila uvua ne tshiji, bualu bavua benza malu mapite bubi ku avuabu benza kudi bankambua babu.

Mukanda wa Nzambi Dihungila Dikulukulu ne Dihungila Dihia-dihia 2003

²² Bena Yuda bakenza malu mabi ku mesu kua Yehowa; bobo bakatamba kumufuisha mukau ne malu mabi akenzabo akahita a batatuʼabo bubi.

1 Bakalenga 14:22 ပူးပေါင်းရင်းမြစ်များ

1 Bakalenga 14:9

Wewe udi muenze bibi, mupite bonsu bavua bakudianjidile mu bukalenga. Udi mumfikishe munda, bualu udi musonge mpingu ya mvidie ya bisamba bikuabu. Ke paudi mumbenge meme Maweja-Nangila.

1 Bakalenga 16:30

Kadi, uvua wenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

2 Bakalenga 17:19

Kadi, bena Yuda kutombokela kabidi Maweja-Nangila, kubenga meyi a Maweja-Nangila Mvidi Mukulu wabu. Kulondabu bilele bivuabu babueje mu bukalenga bua bena Izrayele.

2 Bakalenga 21:11

“Mukalenga Menashe mmuenze malu mabi a mishindu yonsu, mmupite ne bena Amore ku buenzayi. Kabidi mmufikishe ne bena Yuda ku ditendelela mvidie.

2 Kulondolola 12:1

Mukalenga Robowame mumane kuakaja bukalenga buende, mubushindike, kulekelaye kuitaba meyi ne mikenji bia Mvidi Mukulu. Bantu bende bonsu kuenza momumue.

2 Kulondolola 12:14

Robowame uvua wenza bibi, kavua udifila ne muoyi wende mujima bua kumanya muvua disua dia Maweja-Nangila.

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Yirmeya 52:2

Kadi Sedekiya uvua muenze malu mabi adi Maweja-Nangila mubenge, anu muvua Yoyakime muenze.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Dielulula 29:28

Maweja-Nangila Mvidi Mukulu wetu nkayende mmumanye malu masokome. Kadi tuetu ne ndelanganyi yetu, tudi bamanye anu malu adi Maweja-Nangila mutumanyishe bua kashidi, mmomumue ne: tudi bamanye mikenji yende itudi ne bua kukumbaja tshiendelele.

Dielulula 4:24

Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Balombodi 3:12

Bena Izrayele kuenza kabidi malu mabi avua Maweja-Nangila mubenga. Nanku Maweja-Nangila kubatumina Eglone, mukalenga wa bena Mowabe, bua abaluishe.

Balombodi 3:7

Bena Izrayele kuenza malu mabi avua Mvidi Mukulu wabu mubenge. Kupuabu Maweja-Nangila muoyi. Kutendelelabu mvidie Baale ne Ashera.

Balombodi 4:1

Ekude mumane kufua, bena Izrayele kuenza kabidi malu mabi awa Maweja-Nangila mubenge.