1 Bakalenga 14:21 - MUKANDA WA MYIDI MUKULU

²¹ Robowame, muana uvua Shelomu mulele ne mukaji Naama wa bena Amone, uvua mubuele mu bukalenga bua bena Yuda, muikala ne bidimu makumi anayi ne tshimue. Kushalaye mu bukalenga mu Yerushalayime bidimu dikumi ne muanda mutekete. Tshimenga atshi, ke tshivua Maweja-Nangila musungule mu buloba bujima bua kudilejamu kudi bantu bende.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Lehabama, muana wa Solomo, wakakokesha mu Yuda. Lehabama wakadi ne bidimu makumi anai ne tshimue hakabangeye kukokesha, yeye wakakokesha bidimu dikumi ne muanda mutekete mu Yelushalema, musoko wakasungula Yehowa munkatshi mua bisamba bionso bia Bena Isalele bua kutekamu dina diandi; dina dia mamu wandi diakadi Nâma, Muena Amona.

1 Bakalenga 14:21 ပူးပေါင်းရင်းမြစ်များ

1 Bakalenga 11:1

Mukalenga Shelomu mumane kusela muana wa mukalenga wa bena Ejipitu, kuselaye kabidi bakaji ba bungi ba bisamba bikuabu: ba bena Mowabe, bena Amone, bena Edome, bena Sidone ne bena Iti.

1 Bakalenga 11:32

Shelomu neashale anu ne tshisamba tshimue, bualu bua muntu wanyi Davide, ne bua Yerushalayime, tshimenga tshimuepela tshimvua mumane kusungula mu buloba bua bena Izrayele.

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

1 Bakalenga 11:43

Shelomu mumane kufua, kumujikabu pabuipi ne muaba uvuabu bajika tatuende, mu Tshimenga tshia Davide. Muanende wa balume Robowame kumupingana mu bukalenga.

1 Bakalenga 12:17

Robowame kushala anu mukalenga wa bantu bavua mu buloba bua bena Yuda.

1 Bakalenga 14:20

Yerobowame mumane kushala mu bukalenga bidimu makumi abidi ne bibidi, kufuaye. Muanende wa balume Nadabe kumupingana mu bukalenga.

1 Bakalenga 14:31

Robowame mumane kufua, kumujiikabu mu lukita lua bena diku diende, luvua mu Tshimenga tshia Davide. Mamuende wa Robowame uvua muena Amone, dina diende Naama. Abiyame, muana wa balume wa Robowame, kumupingana mu bukalenga.

1 Bakalenga 22:42

Yosafate uvua ne bidimu makumi asatu ne bitanu pa kubuelaye mu bukalenga. Uvua mushale mu bukalenga mu Yerushalayime bidimu makumi abidi ne bitanu. Dina dia mamuende divua Azuba, muana wa Shili.

1 Bakalenga 8:16

“Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

1 Bakalenga 8:44

“Paudi utuma bena Izrayele mu mvita bua kuluisha baluishi babu, padibu bakudimuke batangila tshimenga etshi tshia Yerushalayime, tshiuvua mumane kusungula, batangila ku nzubu ewu undi mukuibakile, padibu bakutendelela wewe Maweja-Nangila,

2 Kulondolola 12:1

Mukalenga Robowame mumane kuakaja bukalenga buende, mubushindike, kulekelaye kuitaba meyi ne mikenji bia Mvidi Mukulu. Bantu bende bonsu kuenza momumue.

2 Kulondolola 12:13

Mamuende wa mukalenga Robowame uvua Naama wa bena Amone. Robowame kushala mukalenga mu Yerushalayime, kushindika bukalenga buende. Uvua ne bidimu makumi anayi ne tshimue, pavuaye mubuele mu bukalenga bua bena Yuda. Uvua mushale mu bukalenga mu Yerushalayime bidimu dikumi ne muanda mutekete. Bualu ke tshimenga tshivua Maweja-Nangila musungule mu buloba bua bena Izrayele bua kusomba munkatshi mua bantu bende.

2 Kulondolola 13:7

Bantu batshimbakane kutua ku luseke lua Yerobowame, kubenga Robowame. Kadi Robowame, muana wa Shelomu, utshivua nsongalume, kayi mupite kujingulula malu a mvi-ta. Kavua ne mushindu wa kukandamana. Ke muvuabu bamupite bukole.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Dielulula 12:21

Panuikala kanuyi pabuipi ne muaba wikale Maweja-Nangila Mvidi Mukulu wenu musungule bua yeye kusomba, nudi mua kushipa bimuna bidiye munupe: ngombe, mikoku, mbuji, kudia munyinyi miaba yonsu inudi basombe. Kadi mwuluke anu mikenji indi mumane kunuambila.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 23:3

Muana yonsu mulela kudi mukaji udibu kabayi mua kulela nende, kena mua kubuela muaba udi bantu ba Maweja-Nangila basangile, too ne ku ndelanganyi yende ya musangu wa dikumi.