1 Bakalenga 14:2 - MUKANDA WA MYIDI MUKULU

² Ke Yerobowame kuambila mukajende ne: — Udisokoke, uvuale bilamba bia mukaji mukuabu, bua bantu kabamanyi ne: udi mukajanyi to. Pashishe uya ku Silo, kudi muambi Akiya. Bualu muambi Akiya uvua mungambile ne: wewe Yerobowame neushale mukalenga wa bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

² Yalobama wakambila mukashi wandi ne, Bika, ndi nkusengelela ne, Udifuanyishe bu muntu mukuabo, bua bantu kabakumanyi bu mukashi wa Yalobama, uye ku Shilo kudi Ahiya, muprofete wa Nzambi, wakangambila ne, Wewe newikale mukelenge ku mutu kua bantu aba.

1 Bakalenga 14:2 ပူးပေါင်းရင်းမြစ်များ

2 Samuele 14:2

Nanku kubikidishaye mukaji mutalame uvua ku Tekowa, umuambila ne: — Wenze bu muntu udi mu madilu. Uwale bilamba bia madilu. Kulabi manananshi to. Wikale bu mudi mukaji mushale mu madilu matuku a bungi.

1 Bakalenga 14:1

Tshikondu atshi, Abiya, muana wa Yerobowame, kutuadija kusama.

1 Bakalenga 14:4

Mukaji wa Yerobowame, kuenza bionsu abi. Kuyaye ku Silo. Kufikaye ku nzubu kua muambi Akiya. Muambi Akiya uvua mumane kukola mukulakaje, katshiyi umona kabidi to.

1 Bakalenga 20:38

Nanku, muambi awu, kudisokoka, kuvuala bilamba bia muntu mukuabu, kuasaye tshifulu tshibuikila mu mpala. Kuyaye kuimana ku mpenga kua njila, muaba uvua mukalenga Akabe upitshila.

1 Bakalenga 22:30

Akabe, mukalenga wa bena Izrayele, kuambila Yosafate ne: — Ndi musue kudisokoka, kuvuala bilamba bia muntu mukuabu, bua meme kuya mu mvita. Kadi wewe Yosafate uvuale bilamba bia bukalenga. Nenku, Akabe mukalenga wa bena Izrayele, kudisokoka bu muntu mukuabu, bua kuya mu mvita.

2 Kulondolola 18:29

Akabe, mukalenga wa Izrayele, kuambila Yosafate ne: — Ndi musue kuya mu mvita mushindu udi bantu kabammanyi. Nanku nemvuale bilamba bia patupu bua ngenze bu muntu mukuabu. Kadi wewe Yosafate uvuale bilamba biebe bia bukalenga. Nanku Akabe, mukalenga wa Izrayele, mumane kuvuala bilamba bia patupu, kuyabu mu mvita.

2 Kulondolola 28:4

Akaze uvua ulambula kabidi milambu ya nyama ne ya manananshi miaba ya kutendelela mvidie ya bisamba bikuabu, pa mikuna muinshi mua mitshi mibishi ya dileji.

Luke 12:2

Bualu buonsu budi busokome, nebumueneke patoke. Bualu budi bantu kabayi bamanye, nebabumanye!

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

1 Samuele 28:8

Shawule kuvualaye bilamba bia patupu bua kabamumanyi to. Kuyaye ku Endore ne bantu babidi. Kufikaye ku nzubu kua mukaji awu butuku, umuambila ne: — Ndi musue, ukonkeku mukishi bualu buanyi. Umbikidileku mukishi undi nkuambila.