1 Bakalenga 14:15 - MUKANDA WA MYIDI MUKULU

¹⁵ Pashishe Maweja-Nangila neanyoke bena Izrayele. Nebazakale bu bisosa bidi ku muelelu wa mayi. Maweja-Nangila neumushe bena Izrayele mu buloba ebu buimpe buvuaye mumane kupesha bankambua babu. Neabatangalaje dishiya dia musulu wa Perate wa bena Babilone. Bena Izrayele nebakenge nenku, bualu bavua benza makunji a kutendelela mvidie bua kufikisha Maweja-Nangila munda.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ E, bulelela, Yehowa neakume Bena Isalele bu mudi mai anyungisha disele; neajule Bena Isalele mu buloba ebu buimpe buakaheye bankambua babo, neabamuangalashe dishiya dia musulu wa Pelata, bualu bua bobo bakadienzela Bashela bua kufuisha nʼai Yehowa tshiji.

1 Bakalenga 14:15 ပူးပေါင်းရင်းမြစ်များ

1 Bakalenga 14:9

Wewe udi muenze bibi, mupite bonsu bavua bakudianjidile mu bukalenga. Udi mumfikishe munda, bualu udi musonge mpingu ya mvidie ya bisamba bikuabu. Ke paudi mumbenge meme Maweja-Nangila.

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

2 Bakalenga 17:11

Bavua balambula milambu miaba yonsu ya kutendelela mvidie, bu muvua bisamba bikuabu bienza, bivua Maweja-Nangila muipate, bua kushila bena Izrayele ditunga. Bena Izrayele kuenza buenzayi, kufikisha Maweja-Nangila munda.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:17

Bavua balambula bana babu ba balume ne ba bakaji bu mulambu wa kuosha. Bavua benza majimbu a mishindu yonsu. Nanku, bavua bafikisha Maweja-Nangila munda bualu bavua benza malu adiye mubenge.

2 Bakalenga 17:23

Pashishe, Maweja-Nangila kavua musue kabidi bena Izrayele kumpala kuende to. Kubipataye, kubatuma ku Ashure. Ke muaba utshidibu too ne mpindiewu. Bionsu ebi bivua bienzeka bua kukumbaja diyi dia Maweja-Nangila divua bambi, bantu bende, bamba.

2 Kulondolola 7:20

nenkuipate mu buloba bumvua mukupe, nengumuke mu nzubu ewu undi mujidile bua nuenu kuntendelelamu. Nanku bantu ba bisamba bikuabu nebaseke bena Izrayele, bahele bibingu.

Misambu 52:5

Udi munange malu mabi, mubenge mimpe. Udi musue dishima, uyila malu malelela.

Nsumuinu 2:22

Bantu badi kabayi bitabe Mvidi Mukulu, kabayi bamulamate, nebumukemu. Nebabipate kuabu.

Yirmeya 24:10

Nembatumine mvita, tshiyole tshia nzala, ne disama dia tshiambu, bua bajimine pa buloba bumvua mubapeshe bobu ne bankambua babu.

Yirmeya 28:8

Nansha wewe, nansha meme, katuyi banji kukuata mudimu wa buambi, kuvua bambi kale. Bambi abu bavua bambila bantu ba mu matunga manene, ne ba mu makalenga manene, malu a Mvidi Mukulu. Bavua bapita kumanyisha amu bua mvita, makenga ne disama dia tshiambu.

Lewitiki 26:43

Kadi bena Izrayele bamane kumuangala mu ditunga, miaba ivuabu badime ayi neyipete dikisha. Mu tshikondu tshidi maloba awu mu dikisha, bena Izrayele nebapete dinyoka, bualu mbabenge meyi anyi ne mikenji yanyi.

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Amosa 5:27

Ke mundi musue kunutuma mu bupika, mutantshi mule ne tshimenga tshia Damase. Meme ndi njadika nanku, Maweja-Nangila, Mvidi Mukulu wa bukole buonsu.

Sefanya 2:4

Ngaza neashale dikolu. Askalone neabutuke. Badi basomba mu Asdode, nebabipate munda munya. Nebumushe bena Ekrone mu tshimenga tshiabu.

Matayi 11:7

Balongi ba Yowanane bamane kumuka, Yezu kukonka bantu bua Yowanane ne: — Mu tshipela nuvua baye kumona tshinyi? Nuvua bamone lushiba ludibu banyungisha kudi lupepele anyi? Nansha kakese!

Matayi 15:13

Yezu kuandamuna ne: — Mutshi onsu udi Tatu wanyi udi mu diulu kayi mukune, nebawujule ne miji yawu.

Luke 7:24

Bantu bavua Yowanane mutume bumuka, Yezu kutuadija kulondela bantu malu a Yowanane, wamba ne: — Tshinuvua baye kumona mu tshipela ntshinyi? Nuvua baye kumona lushiba ludibu banyungisha kudi lupepele anyi? To!

Bienzedi 7:43

Nansha kakese! Kadi nuvua bambule ntente wa nwidie Moloke, ne tshimfuanyi tshia Refane, nwidie wenu wa mutotu. Ke mpingu inuvua benze bua kuyikukuila. Ke pandi nnufila mu bupika, dia muamua dia Babilone.

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.

1 Samuele 12:25

Kadi, panuikala benza bibi, nenubutuke bonsu ne mukalenga wenu.