1 Bakalenga 13:9 - MUKANDA WA MYIDI MUKULU

⁹ Bualu Maweja-Nangila uvua munkandike ne: “Kuena mua kudia, kuena mua kunua. Kabidi bua wewe kupinqana ku nzubu kuebe, uyile mu njila mukuabu. Kupinganyi mu njila uuvua muyile bua kufika ku Betele to.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ bualu bua Yehowa wakandimusha ne, Kudi bidia, kunu mai, kuhinganyi mu nshila uwakafumina.

1 Bakalenga 13:9 ပူးပေါင်းရင်းမြစ်များ

1 Bakalenga 13:1

Nanku, Maweja-Nangila kutuma muambi ufuma mu ditunga dia bena Yuda, uya ku Betele. Muambi awu ufika, kusanganaye Yerobowame osha mulambu pa tshilambuilu.

1 Bakalenga 13:10

Nanku, muambi kupingena mu njila mukuabu, kulekela uvuaye muvuile.

1 Bakalenga 13:16

Awu kubenga, wamba ne: — Tshiena mua kupingana nebe mu njila ewu kabidi to. Mu tshimenga atshi, tshiena mua kudia, tshiena mua kunua nebe.

1 Bakalenga 13:19

Nanku, muambi uvua mufume ku ditunga dia bena Yuda, kupingana ku nzubu kuende bua kudia ne kunua.

1 Bakalenga 13:8

Kadi muambi kuandamuna mukalenga Yerobowame ne: — Nansha wewe mumpeshe tshia bibidi tshimue tshia bubanji buebe, tshiena mua kuya ku nzubu kuebe to. Muaba ewu, tshiena mua kudia kapese ka diampa, nansha kunua kamata ka mayi to.

Yobe 23:12

Tshivua mubenge kukumbaja bivuaye muntumine diyi, meme kuenza bivuaye mujinge, bivuaye mumfundile bua kuenza.

Misambu 141:4

Unkandike bua tshiyi kuamba miaku mibi, nansha kuenza bualu bubi, tshiyi kuidikija bantu badi benzela bakuabu bibi. Undame tshiyi kudia nansha tshiakudia tshidibu banange.

Dibadika 16:26

Kuambilaye bantu bonsu ne: — Umukayi ku ntenta ya bena buenzavi aba. Kanulengi tshintu tshiabu nansha tshimue to. Tshianana nudi mua kufua kabidi bua mibi yabu yonsu.

Yowanane 13:17

Mpindiewu nudi bamanye bualu ebu. Nuenu benze nanku, nenuikale ne disanka.

Yowanane 15:14

Nudi balunda banyi, panudi nuenza mundi munuelele mukenji.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

1 Korente 5:11

Mvua musue kunuambila ne: kanubuelakanyi ne muntu udi udiamba ne: ndi ndonda Kristu, kadi muikale muenji wa malu a bundu, muena lukuka lua biuma, mutendeledi wa mvidie, munyangi walumu lua bende, mukuatshiki wa maluvu, nansha muivi. Nansha bua kudia ne muntu wa nanku, kanudi nende to.

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

Didimanyisha 18:4

Pashishe meme kumvua diyi dikuabu difuma mu diulu, diamba ne: “Bantu banyi, umukayi mu tshimenga etshi, bua bubi buatshi kabunulamatshi, kabanunyoki pamue natshi.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.