1 Bakalenga 13:8 - MUKANDA WA MYIDI MUKULU

⁸ Kadi muambi kuandamuna mukalenga Yerobowame ne: — Nansha wewe mumpeshe tshia bibidi tshimue tshia bubanji buebe, tshiena mua kuya ku nzubu kuebe to. Muaba ewu, tshiena mua kudia kapese ka diampa, nansha kunua kamata ka mayi to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Muntu wa Nzambi wakambila mukelenge ne, Nansha, biwampa tshituha tshia nsubu, tshiena nya nʼebe, tshiena ndia, tshiena nnua mu muaba eu;

1 Bakalenga 13:8 ပူးပေါင်းရင်းမြစ်များ

1 Bakalenga 13:9

Bualu Maweja-Nangila uvua munkandike ne: “Kuena mua kudia, kuena mua kunua. Kabidi bua wewe kupinqana ku nzubu kuebe, uyile mu njila mukuabu. Kupinganyi mu njila uuvua muyile bua kufika ku Betele to.”

2 Bakalenga 5:16

Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

Misambu 141:4

Unkandike bua tshiyi kuamba miaku mibi, nansha kuenza bualu bubi, tshiyi kuidikija bantu badi benzela bakuabu bibi. Undame tshiyi kudia nansha tshiakudia tshidibu banange.

Ekesode 5:3

Moshe ne Arone kuandamuna mukalenga ne: — Mvidi Mukulu wa bena Ebrewu mmutumuenekele. Tudi tukulomba ne: wanyishe bua tuye mu tshipela, tuende luendu lua matuku asatu bua kulambula Maweja-Nangila Mvidi Mukulu wetu milambu. Bualu patudi katuyi tuenza nanku, udi mua kututumina disama dia tshiambu tshikole, nansha kutushipa ku muele wa mvita.

Ekesode 5:6

Anu dituku adi, Mukalenga wa bena Ejipitu kukandika bena Ejipitu ne bena Izrayele, bavua ne kulombola mudimu wa bantu ne:

Ekesode 7:2

Newambile Arone malu onsu andi mukuambile, bua aye kumanyisha mukalenga wa bena Ejipitu, bua anyishe bena Izrayele bumuke mu ditunga diende.

Dibadika 22:18

Balaame kubenga wamba ne: — Balake nansha yeye muntumine tshiamu tshia mpawungi tshionsu, ne tshiamu tshitoke tshia mushinga mukole tshionsu, tshidiye natshi mu nzubu wende wa bukalenga, tshiena mua kubenga diyi dia Maweja-Nangila, Mvidi Mukulu wanyi, ku kalu nansha kamue to.

Dibadika 22:8

Balaame kubambila ne: — Lalayi munemu. Patshiabu dinda, nennuandamune malu onsu adi Maweja-Nangila mummanyishe. Bakulu ba bena Mowabe abu kulala kua Balaame.

Dibadika 24:13

“Balake, nansha yeye mumpeshe tshiamu tshitoke tshia mushinga mukole, ne mpawungi, bionsu bidi mu nzubu muende mua bukalenga, tshiena mua kubenga diyi dia Maweja-Nangila wanyi to. Ndi ne bua kuamba amu tshidiye ummanyisha!”

Marke 6:11

Padi miaba mikuabu bantu babenga mua kunuakidila nansha kunuteleja, numuke muaba awu, nututule lupuishi lua mu makasa enu, bua lushale kubavuluija tshiyuabu benze.

Marke 6:23

Kuditshipaye ne: — Tshionsu tshiwikala mundombe, nenkupetshi, nansha tshia bibidi tshimue tshia bukalenga buanyi!