1 Bakalenga 13:34 - MUKANDA WA MYIDI MUKULU

³⁴ Buenzayi bua Yerobowame abu kutampakana kudi bena nzubu wende bonsu. Ke pavua bena nzubu wa Yerobowame bafue, babutuke bonsu pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bualu ebu buakalua bubi kudi ba mu nsubu wa Yalobama, bua kubahidiabo ne bua kubajimishabo ha buloba.

1 Bakalenga 13:34 ပူးပေါင်းရင်းမြစ်များ

1 Bakalenga 12:26

Yerobowame kudikonka, wamba ne: “Mushindu udi bulongolodi bua ditunga mpindiewu, bantu ba mu bukalenga buanyi badi mua kupingana kudi bena nzubu wa Davide.

1 Bakalenga 12:30

Nanku, Yerobowame kufikisha bena Izrayele ku dienza bibi. Bantu ba bungi kuya kushindikija lupingu luibidi too ne ku Dane.

1 Bakalenga 14:1

Tshikondu atshi, Abiya, muana wa Yerobowame, kutuadija kusama.

1 Bakalenga 14:10

Nanku, nennyoke bena nzubu webe. Nembutule bena diku diebe bonsu: bana ne bantu bakulumpe. Nembutule bena nzubu bebe bonsu, anu bu mudibu bimansha bintu ku dyala ne lukombu.

1 Bakalenga 14:11

Pikala muntu wa mu nzubu muebe mufuile mu tshimenga, nebadie tshitalu tshiende kudi mbua. Pikalaye mufuile mu tshisuku, nebatshizokole kudi nyunyi ya mikanku.” Ke mudi Maweja-Nangila wamba nanku.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 14:7

Pingana kudi Yerobowame, umuambile ne: Maweja-Nangila wa bena Izrayele udi wamba ne: “Wewe udi bu bena Izrayele bonsu. Kadi meme kukusungula munkatshi mua bena Izrayele bua kuikala mukalenga wa bantu banyi bena Izrayele.

1 Bakalenga 15:25

Mu tshidimu tshibidi tshivua Asa mu bukalenga bua bena Yuda, Nadabe, muana wa Yerobowame, kudia bukalenga bua bena Izrayele. Kushalaye mu bukalenga bidimu bibidi.

1 Bakalenga 15:26

Uvua muenze bidi Maweja-Nangila ubenga. Uvua muenze malu anu bu tatuende, uvua ufikisha bena Izrayele ku dienza bibi. Nadabe uvua muenze malu mabi onsu avua tatuende muenze.

1 Bakalenga 21:22

Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

2 Bakalenga 10:29

Kadi Yehu uvua anu wenza buenzayi buvua Yerobowame, muana wa Nebate muenze, mufikishe bena Izrayele ku ditendelela dia bana ba ngombe ba tshiamu tshia mpawungi, bavua ku Betele ne ku Dane.

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

2 Bakalenga 17:21

Pavua Maweja-Nangila mumushe buloba bua Izrayele ku bukalenga bua Davide, bena Izrayele bavua badisunguile Yerobowame, muana wa Nebate, bua kuikalaye mukalenga wabu. Yerobowame ke uvua mubafikishe ku dibenga kutumikila Maweja-Nangila, mubafikishe ku dienza bibi bitambe.

Nsumuinu 13:6

Muntu wa malu makane, buakane buende budi bumulama. Kadi bantu badi benza bibi, bubi buabu budi bubafila ku kabutu.

Yirmeya 28:16

Nenku Maweja-Nangila udi ukuambila ne: kuena kabidi ne muaba pa buloba apa to. Neufue tshidimu etshi katshiyi tshianji kujika, bualu udi usaka bantu bua batombokele Maweja-Nangila.

Osheya 10:8

Miaba yonsu ya tshijila, ivua bena Izrayele benza malu mabi, mminyanguke. Tshisuku ne meba a mingonga mbibuikile bilambuilu biabu. Musangu awu, nebambile mikuna minene ne mikese ne: “Nutubuikile! Nutupukile.”