1 Bakalenga 13:26 - MUKANDA WA MYIDI MUKULU

²⁶ Muambi mukulumpe awu ke uvua mupingaje mu Betele muambi wa ku ditunga dia bena Yuda ukavua mu njila. Nanku, muambi mukulumpe awu umvua lumu lua lufu luende, kuambaye ne: — Tshitalu atshi, ntshia muambi wa ku ditunga dia bena Yuda. Yeye uvua mutombokele Maweja-Nangila. Maweja-Nangila mmutumine muambi nyama wa ntambue awu, bua kumuluishaye, kumushipa, bu muvua Maweja-Nangila mumane kumulaya.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hakunvua muprofete wakamu hingishila mu nshila lumu elu, yeye wakamba ne, Au mmuntu wa Nzambi wakahidia dî dia mukana mua Yehowa: nunku Yehowa wakamutua kudi nyama wa ntambue, yeye wakamuhandulula, wakamushiha bu mu dî dia Yehowa diakamuambileye.

1 Bakalenga 13:26 ပူးပေါင်းရင်းမြစ်များ

2 Samuele 12:10

Nanku biangatshile mpindiewu, kashidi dishipangana kadiena dijika mu nzubu muebe to. Bualu paudi musele mukaji wa Uriya, udi mundembakaje meme.

2 Samuele 12:14

Kadi bua paudi muenze bualu ebu, baluishi ba Maweja-Nangila bapetshi mushindu wa kudiwula Maweja-Nangila. Nanku, muanebe udibu balele mpindiewu, neafue.

1 Bakalenga 13:25

Bantu bavua bapita, kumona tshitalu mu njila, ne nyama wa ntambue muimane ku luseke. Kuyabu kuamba bualu ebu mu tshimenga tshia Betele, muaba uvua muambi mukulumpe musombe.

1 Bakalenga 13:27

Ke muambi mukulumpe kuambila bana bende ba balume ne: — Nunsuikile biseba pa nyama wanyi wa mpunde. Bana bende kumusuikila biseba pa nyama wa mpunde.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Nsumuinu 11:31

Muntu muakane neapete difutu diende pa buloba. Kadi mimanye ne: muena lonji ne muenji wa bibi, nebapete difutu dibakumbanyine.

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

1 Korente 11:30

Ke padi ba bungi ba kunudi basama, kabayi ne bukole, bafue kabidi ba bungi.

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?