1 Bakalenga 13:21 - MUKANDA WA MYIDI MUKULU

²¹ bua kumanyishaye muambi, uvua mufumine mu ditunga dia bena Yuda, ne: — Maweja-Nangila udi wamba ne: “Wewe udi mutombokele Maweja-Nangila, kuena munemeke diyi dia Maweja-Nangila Mvidi Mukulu webe divuaye mukuambile.

Mukanda wa Nzambi Dihungila Dikulukulu ne Dihungila Dihia-dihia 2003

²¹ yeye wakela dî kudi muntu wa Nzambi wakafuma mu Yuda ne, Yehowa udi wamba ne, Bualu bua wewe wakuhidia dî dia Yehowa, kuakutumikila mukenji wa kukuambila Yehowa. Nzambi webe,

1 Bakalenga 13:21 ပူးပေါင်းရင်းမြစ်များ

Genese 3:7

Pashishe mesu abu bonsu babidi kutabala. Kujingululabu ne: tudi butaka. Kukuatakajabu mabeji a mutshi wa tshinyi bua kuvuala bu bilamba.

2 Samuele 24:13

muambi Ngade kuya ku nzubu kua Davide, umuambila bionsu bivua Mvidi mukulu muambe. Pashishe muambi kukonka Davide ne: — Usungule dinyoka diudi musue. Udi musue ditunga diebe dishale ne tshiyole tshia nzala bidimu muanda mutekete anyi? Udi musue kunyema baluishi, bobu benda amu bakulondakaja, ngondu isatu, anyi? Udi musue tshipupu tshia disama tshikengesha bena ditunga diebe, matuku asatu? Ela meji bimpe, ungandamune tshindi mua kuya kuambila udi muntume.

2 Samuele 6:7

Nanku Maweja-Nangila kufikila Uza munda bikole. Kumushipaye, anu muaba awu, bua bualu buvuaye muenze, kayi muanji kuela meji. Uza kufuila muaba awu, pabuipi ne mushete wa tshijila.

1 Bakalenga 13:17

Bualu Maweja-Nangila uvua munkandike ne: “Pawafika, kuena mua kudia, kuena mua kunua. Kabidi, bua wewe kupingana ku nzubu kuebe, uyile njila mukuabu. Kupinganyi mu njila uuvua muyile to!”

1 Bakalenga 13:20

Kadi, pavua bambi abu bonsu babidi ku mesa, Maweja-Nangila kuambila muambi mukulumpe wa mu Betele,

1 Bakalenga 13:22

Udi mupingane muaba ewu bua kudia ne kunua. Kadi, Maweja-Nangila uvua mukukandike ne: kuena mua kudia, kuena mua kunua. Bumuudi muenze nanku, neufue. Tshitalu tshiebe kabena mua kutshijika mu lukita lua bankambua bebe to.”

1 Bakalenga 20:36

Pashishe, muntu wa kumpala kuamba ne: — Bu muudi ubenga bua kutumikila diyi dia Maweja-Nangila, anu wewe umuka muaba undi ewu, nyama wa ntambue neakushipe. Nanku muntu awu uya mu njila, kusambakenaye ne nyama wa ntambue. Nyama awu kumushipa.

Estere 6:13

Amane kulondela Zereshe muena kuende, ne balunda bende, bionsu bivua bienzeka abi. Ke balunda bende kumuambila ne: — Mordekayi udibu bakufuishe nende bundu awu mmuena Yuda. Nanku kuena mua kumupita. Neupete amu dikasa dibi.

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Dibadika 20:12

Maweja-Nangila kuambila Moshe ne Arone ne: — Kanuena bitabe mumvua munuambile. Kanuvua basue bua ndeje bena Izrayele tshijila tshianyi. Nanku kanuakufikisha bena Izrayele mu ditunga dingabapesha to.

Dibadika 20:24

— Arone kakufika mu ditunga dingapesha bena Izrayele nansha. Neafuile muaba ewu, bualu nuvua bantombokele ku mayi a Meriba.

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.

1 Samuele 15:19

Kuena mutumikile diyi dia Maweja-Nangila bua tshinyi? Udi muangate bintu bia bena Amaleke bua kufikisha Maweja-Nangila munda bua tshinyi?

1 Samuele 4:18

Muntu uvua wakula awu utela amu mushete wa tshijila, ke mutuangaji Eli uvua musombe mu nkuasa, kudishinda tshiadi mulu ku tshiibi tshia nzubu wa Mvidi Mukulu. Kutshibuka nshingu, kufuaye. Bualu uvua ne bujitu bua bungi, mumane kukulakaja. Mutuangaji Eli uvua mulombola bena Izrayele bidimu makumi anayi.