1 Bakalenga 13:2 - MUKANDA WA MYIDI MUKULU

² Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakela dî diakamuambila Yehowa ku tshioshelu atshi, wamba ne, Tshioshelu, tshioshelu, Yehowa udi wamba ne, Muana wa balume nealedibue mu nsubu wa Davidi, dina diandi Yoshiya: yeye neafile bakuidi badi bosha musenga wa manananshi ha mutu hebe bu mulambu wa kuosha; neboshe mifuba ya bantu ha mutu hebe.

1 Bakalenga 13:2 ပူးပေါင်းရင်းမြစ်များ

1 Bakalenga 13:32

Bualu muambi ewu uvua muambe malu malelela mu dina dia Maweja-Nangila. Uvua mubenge tshilambuilu tshia mu Betele. Uvua mubenge kabidi nzubu yonsu ya kutendelela, idibu base mu bimenga bia Samariya. Nanku, bionsu bivua-ye muambe abi nebienzeke bulelela.

2 Kulondolola 34:1

Yoshiya kubuela mu bukalenga muikale ne bidimu muanda mukulu. Kushalaye mu bukalenga bidimu makumi asatu ne tshimue mu Yerushalayime.

2 Kulondolola 34:3

Tshidimu tshia muanda mukulu tshia bukalenga bua Yoshiya, yeye mutshikale nsongalume, kukebaye mua kumanya tshidi Mvidi Mukulu wa nkambua wende Davide musue. Pashishe bidimu binayi bimane kupita, kutuadjaye kumusha miaba ya kutendelela mvidie ya bantu benyiivua mu Yerushalayime, ne mu bukalenga bua Yuda. Kumushaye kabidi makunji ne mpingu bia kutendelela mvidie bia mishindu yonsu.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Yeshaya 42:9

Malu amvua munumanyishe kumpala, akadi mamane kuenzeka. Ndi nnuambila malu mapiamapia mpindiewu. Ndi nnumanyishawu, kaayi manji kuenzeka.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yirmeya 1:2

Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

Yirmeya 22:29

— Eyi, ditunga dianyi, ditunga dianyi! Teleja tshidi Maweja-Nangila wamba!

Yezekiyele 36:1

— Wewe Yezekiyele, umanyishe mikuna ya mu Izrayele, iteleje bindi meme muyambile ne:

Yezekiyele 36:4

Nanku, wambila mikuna ne: “Nuenu mikuna ya mu Izrayele, telejayi bindi meme Maweja-Nangila Mvidi Mukulu mulaya bua mikuna minene ne mikese, bua misulu ne bibandabanda, bua miaba idi minyanguke mishale makolu, bua bimenga bienu bidi munda mutupu, bivua bantu bavua nenu mutumba banyenga, bapetula.

Yezekiyele 38:4

Nenkuele nkanu ku binyanganyanga bua mmone mua kuya nebe kundi musue. Nenkupatule mu ditunga diebe, wewe ne tshiluilu tshiebe tshijima, ne nyama yebe ya tubalu, ne babandi ba pa nyama yebe ya tubalu, badi batuala bimpe, ne bisumbu bia bungi bia bena mvita bebe badi bambula ngabu ne miele ya mvita.

Luke 19:40

Yezu kuandamuna ne: — Ndi nnujadikila ne: nansha bobu bapuwe, mabue neele mbila!

Dielulula 32:1

Diulu, teleja tshindi ngamba, buloba, umvua miaku yanyi.