1 Bakalenga 13:18 - MUKANDA WA MYIDI MUKULU

¹⁸ Kadi, muambi mukulumpe kusuminyina bikole, wamba ne: — Meme kabidi ndi muambi bu wewe. Mutumibue wa Mvidi Mukulu uvua muakule nanyi mu dina dia Maweja-Nangila. Uvua muntume bua tupingane nebe ku nzubu kuanyi bua wewe kudia ne kunua. Bulelela, uvua ushima bionsu ebi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye wakamuambila ne, Kadi meme ndi muprofete bu wewe: muanjelo wakangambila dî ma Yehowa ne, Uhingane nʼandi mu nsubu webe, adieku, anueku. Kadi yeye wakamushima.

1 Bakalenga 13:18 ပူးပေါင်းရင်းမြစ်များ

Genese 27:24

kumukonkaye tshiakabidi ne: — Wewe udi Esawu muanabute wanyi menemene anyi? Yakobe kuitaba ne: — Eyowa, mmeme.

Genese 3:13

Maweja-Nangila Mvidi Mukulu kuebeja mukaji ne: — Tshiwenzedi nanku ntshinyi? Mukaji kuandamuna ne: — Nyoka mmundinge, meme panyi kudia tshimuma.

1 Bakalenga 13:19

Nanku, muambi uvua mufume ku ditunga dia bena Yuda, kupingana ku nzubu kuende bua kudia ne kunua.

1 Bakalenga 20:35

Tshikondu atshi, Maweja-Nangila kutumina muntu wa mu tshisumbu tshia bambi diyi, bua kuambilaye muntu mukuabu wa mu tshisumbu atshi ne: “Ntuuta!” Kadi muntu awu kubenga kumutuuta.

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

Nsumuinu 12:19

Malu malelela neashale kashidi. Kadi miaku ya dishima neishale katupa kipi.

Nsumuinu 12:22

Maweja-Nangila udi udiwula bena dishima. Kadi udi wanyisha badi bamba malu pa wowu.

Nsumuinu 19:5

Badi banyoka muntu udi ujadika malu a dishima. Udi udinga bantu mmuena tshibawu.

Yeshaya 36:10

Kadi ela meji bimpe! Mfumuanyi mmufike bua kuluisha ditunga edi, kudinyangakaja, Maweja-Nangila kayi muanyishe anyi? Nansha kakese! Amu Maweja-Nangila nkayende ke uvua mutume diyi bua mfumuanyi kudinyangakajaye!”

Yeshaya 9:15

Balombodi ba bantu aba badi babapambula. Pa mutu pa kubaludika, badi babatangalaja.

Yirmeya 23:14

Kadi bindi mumone kudi bambi ba mu Yerushalayime, bidi bibi bipite. Badi benza malu a tshiendenda, badi bashimangana. Badi bakolesha bena buenzavi ku muoyi, badi bakandika muntu yonsu bua kadilengeji. Badi amu bu bena Sodome. Bena Yerushalayime badi amu bu bena Ngomore.”

Yirmeya 23:17

Bantu badi baseka tshindi ngamba, bambi badi ne dikamakama dia kubambila ne: ‘Bionsu nebiende amu bimpe.’ Bantu batshimbakane badi batungunuka ne tshitunu tshiabu, bambi badi babambila ne: ‘Dikenga kadiakunukuata to.’

Yirmeya 23:32

Ndi nduisha bambi badi bamba malu avuabu bamone mu ndota, bapambuisha bantu banyi, babadinga. Meme tshiena mubapeshe mudimu nansha umue, tshiena mubelele mukenji nansha umue. Kabena bambuluisha bantu banyi. Meme Maweja-Nangila ndi ngamba nanku.

Yirmeya 29:31

— Utumine bantu badi mu bupika mukanda ne: “Maweja-Nangila udi wamba ne: Shemaya udi udiamba ne: ndi muambi. Kadi tshiena mumumanyishe bualu nansha bumue bua yeye kunuambila. Bu mudiye munusake bua nuenu kuitaba malu a dishima,

Yirmeya 29:32

meme Maweja-Nangila ndi nshindika ne: nenshipe Shemaya ne ndelanganyi yende yonsu. Muntu nansha umue wa ku diku diende kena ushala ne muoyi munkatshi muenu bua kumona malu mimpe angenzela bantu banyi. Bualu Shemaya mmusake bantu banyi bua bantombokele. Meme Maweja-Nangila ndi njadika nanku.”

Yirmeya 5:12

Bena Yuda badi bayila Maweja-Nangila, bamba ne: “Kena ne tshidiye mua kutuenzela. Tuetu katuena mua kukenga. Kabena mua kutuluisha. Katuena mua kupeta tshiyole tshia nzala to.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yezekiyele 13:22

Panudi nushima bantu, nudi nutekesha bantu ba nsongu ku muoyi, bantu bamvua tshiyi musue kukengesha. Kadi, nudi nuambuluisha bantu babi bua batungunuke ne malu abu mabi, bafuane kujimija muoyi wabu.

Yezekiyele 13:8

Nanku, meme Maweja-Nangila Mvidi Mukulu, ndi nnujadikila ne: nennunyoke, bualu nudi bambile bantu malu a dishima a kubadinga nawu. Meme Maweja-Nangila Mvidi Mukulu ndi ngamba nanku.

Dibadika 22:35

Mutumibue kubenga, wamba ne: — Kupinganyi to! Uye anu ne bantu aba. Kadi wambe amu bindi nkuleja. Ke Balaame kuya ne bantu bavua Balake mutume.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

Ngalate 1:8

Kadi pangikala meme, nansha muntu mukuabu, nansha mutumibue mene wa Mvidi Mukulu, tunulongesha Lumu lua Disanka bishilangane ne lutuvua banulongeshe, tuasangana bena tshibawu kuenza anyi? Tuenza!

1 Timote 4:1

Mueyelu wa Tshijila udi wamba patoke ne: matuku a ku nshikidilu bamue bantu nebalekele ditaba; nebitabe bena dishima; nebanyishe malongesha a mikishi mibi.

1 Timote 4:2

Nebabapambule kudi bena mpala ibidi, ne kudi bena dishima, badi ne kabu kondu ka munda kamane kufua, bu kosha ne tshiamu tshipatula mu kapia kakunze kunzuu.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Balombodi 13:3

Dituku dikuabu, mutumibue wa Maweja-Nangila kumuenekela mukaji awu, umuambila ne: — Ndi mumanye ne: kuena mulele, udi nkumba. Kadi newimite difu, neulele muana wa balume.