1 Bakalenga 13:1 - MUKANDA WA MYIDI MUKULU

¹ Nanku, Maweja-Nangila kutuma muambi ufuma mu ditunga dia bena Yuda, uya ku Betele. Muambi awu ufika, kusanganaye Yerobowame osha mulambu pa tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu wa Nzambi wakafuma mu Yuda, wakafika ku Betele bu mu dî dia Yehowa. Yalobama wakadi muimane ku tshioshelu bua kuosheye musenga wa manananshi.

1 Bakalenga 13:1 ပူးပေါင်းရင်းမြစ်များ

1 Bakalenga 12:22

Kadi, Mvidi Mukulu kuyukila ne muambi Shemaya, umuambila ne:

1 Bakalenga 13:26

Muambi mukulumpe awu ke uvua mupingaje mu Betele muambi wa ku ditunga dia bena Yuda ukavua mu njila. Nanku, muambi mukulumpe awu umvua lumu lua lufu luende, kuambaye ne: — Tshitalu atshi, ntshia muambi wa ku ditunga dia bena Yuda. Yeye uvua mutombokele Maweja-Nangila. Maweja-Nangila mmutumine muambi nyama wa ntambue awu, bua kumuluishaye, kumushipa, bu muvua Maweja-Nangila mumane kumulaya.

1 Bakalenga 13:32

Bualu muambi ewu uvua muambe malu malelela mu dina dia Maweja-Nangila. Uvua mubenge tshilambuilu tshia mu Betele. Uvua mubenge kabidi nzubu yonsu ya kutendelela, idibu base mu bimenga bia Samariya. Nanku, bionsu bivua-ye muambe abi nebienzeke bulelela.

1 Bakalenga 13:5

Anu musangu awu, tshilambuilu kupuka, butu bua mafuta buvua pa mutu patshi, kumata panshi, bilondeshile meyi avua muambi muambe mu dina dia Maweja-Nangila.

1 Bakalenga 13:9

Bualu Maweja-Nangila uvua munkandike ne: “Kuena mua kudia, kuena mua kunua. Kabidi bua wewe kupinqana ku nzubu kuebe, uyile mu njila mukuabu. Kupinganyi mu njila uuvua muyile bua kufika ku Betele to.”

1 Bakalenga 20:35

Tshikondu atshi, Maweja-Nangila kutumina muntu wa mu tshisumbu tshia bambi diyi, bua kuambilaye muntu mukuabu wa mu tshisumbu atshi ne: “Ntuuta!” Kadi muntu awu kubenga kumutuuta.

2 Bakalenga 23:15

Yoshiya kunyangakaja kabidi muaba wa kutendelela mvidie uvua ku Betele, uvua Yerobowame, muana wa Nebate, muibake bua kufikisha bena Izrayele ku dienza bibi. Yoshiya kuosha muaba uvua bantu batendelela mvidie, kupula tshilambuilu, kuosha dikunji divua bantu batendelela. Bintu bionsu abi, kubutuka, kushala anu butu.

2 Bakalenga 23:17

Yoshiya kukonka ne: — Dibue dindi mumone pa lukita bialua, ndia tshivulukilu tshia nganyi? Bena tshimenga kumuandamuna ne: — Ntshivulukilu tshia lukita lua muambi uvua mufume mu ditunga dia Yuda, uvua muambe bionsu biudi muenze mpindiewu ku tshilambuilu etshi.

2 Kulondolola 26:16

Kadi, lumu luende luvua lumupeshe ditambisha dia bungi. Ditambisha edi kumufikisha ku kabutu. Kavua kabidi muitabe Mvidi Mukulu wende to. Dituku dikuabu, Uziya kubuela mu nzubu wa Mvidi Mukulu, bua kulambula musenga wa kamonya pa tshilambuilu tshia manananshi.

2 Kulondolola 26:18

Kuimanabu kumpala kua mukalenga Uziya, bamuambila ne: — Mukalenga, kuena mua kulambula Maweja-Nangila milambu ya manananshi to. Mudimu ewu ngwa batuangaji ba ku ndelanganyi ya Arone, badibu bamane kujidila bua mudimu ewu. Patuka muaba wa tshijila ewu, bualu udi wenza bidi Maweja-Nangila ubenga. Biudi wenza kabiena mua kukupesha lumu ku mesu kua Maweja-Nangila Mvidi Mukulu to.

2 Kulondolola 9:29

Malu makuabu a Shelomu a ku ntuadijilu too ne a ku ndekelu kua bukalenga buende, mbaafunde mu mikanda idibu binyika ne: Malu adi muambi Natane muenze, Miaku ya muambi Akiya wa mu Shilo, ne Bualu buvua Maweja-Nangila muleje muambi Yedo. — Mu mukanda wa muambi Yedo, mbafundemu malu a Yerobowame, muana wa Nebate, mukalenga wa bena Izrayele. —

Yirmeya 11:12

Diba adi, bantu badi basombe mu bimenga bia Yuda ne mu Yerushalayime, nebapingane kudi mvidie yabu ivuabu balambula milambu. Kadi mu dikenga diabu mvidie eyi kayena mua kubambuluisha nansha.

Yirmeya 25:3

— Kutuadija ku tshidimu tshia dikumi ne tshinayi tshivua Yoshiya, muana wa Amone, mu bukalenga bua bena Yuda too ne lelu, kukadi bidimu makumi abidi ne bisatu bindi nnubela, tshiyi ndekela, nnuambuluila amu malu adi Maweja-Nangila ummanyisha. Kadi kanuena nuateleja to.

Yirmeya 32:29

Bena Babilone badi batshiluisha mpindiewu, nebabuelemu. Nebatshinyenge, batshioshe. Neboshe nangananga nzubu eyi ivuabu bampendele pa kuosha musenga wa kamonya bua kutendelela Baale, ne pa kulambula milambu ya maluvu bua kutendelela mvidie ya bantu ba bisamba bikuabu.

Amosa 7:13

Kadi kumueneki kabidi muetu munu mu Betele, bualu ke muaba udi mukalenga wa ditunga utendelela, ke nzubu wa tshijila wa bukalenga.

Amosa 7:16

Kadi wewe, Amashiya, udi musue kunkandika mudimu wa muambi undi ngenzela bena Izrayele. Udi musue bua ndekele biakulakula, muudi ubiamba, bindi mbela nabi ndelanganyi ya Izake. Nanku, teleja bidi Maweja-Nangila ukuambila ne:

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

1 Tesalonike 4:15

Bualu bitudi tulongesha mpindiewu, ke bivua Mfumu mutuambile ne: tuetu batshidi ne muoyi diba diafika Mfumu, katuakudianjidila bantu bafue nansha.

Didimanyisha 8:3

Mutumibue mukuabu kufika, kuimana ku tshilambuilu. Uvua ne mbabula muenza ne mpawungi, wa kuoshila manananshi. Kumupeshabu musenga wa manananshi wa bungi, wa kulambula pamue ne ditendelela dia bantu bonsu ba Mvidi Mukulu, pa tshilambuilu tshia mpawungi tshivua kumpala kua nkuasa wa butumbi.

1 Samuele 2:27

Muambi mukuabu kuya kudi mutuangaji Eli, kumuambila ne: — Teleja tshidi Maweja-Nangila wamba ne: “Patshivua bankambua bebe mu Ejipitu ku bupika bua mukalenga wa bena Ejipitu, udi mumanye ne: meme Maweja-Nangila mvua mudimanyisha kudibu.

1 Samuele 9:6

Muena mudimu kuandamuna ne: — Ndi mumanye bimpe ne: mu tshimenga tshidi kumpala kuetu, mudi muambi, muntu udi ne lumu lunene. Bionsu bidiye umanyisha bantu, bidi bienzeka anu mudiye muambe amu. Nanku tuye kudiye mpindiewu. Misangu mikuabu udi mua kutuleja luseke lutudi mua kuya kukebela nyama ayi.