1 Bakalenga 12:28 - MUKANDA WA MYIDI MUKULU

²⁸ Mukalenga Yerobowame kuela meji, ukeba tshia kuenza. Pashishe kuenzaye tuana tua ngombe tubidi tua tshiamu tshia mpawungi. Kuambilaye bena Izrayele ne: — Nuvua nuya mu Yerushalayime misangu yonsu. Kadi mpindiewu kanuyi kabidi mu Yerushalayime to. Tangilayi Mvidi Mukulu wenu uvua munupatule mu Ejipitu udi muaba ewu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Nunku mukelenge wakakeba lungenyi, wakatula tuana tua ngombe tua or tubidi; wakambila bantu ne, Budi butamba bukole bua nuenu kuya ku Yelushalema; tangilai nzambi yenu, Bena Isalele, yakanuluhula mu buloba bua Ejipitu.

1 Bakalenga 12:28 ပူးပေါင်းရင်းမြစ်များ

1 Bakalenga 14:9

Wewe udi muenze bibi, mupite bonsu bavua bakudianjidile mu bukalenga. Udi mumfikishe munda, bualu udi musonge mpingu ya mvidie ya bisamba bikuabu. Ke paudi mumbenge meme Maweja-Nangila.

1 Bakalenga 15:26

Uvua muenze bidi Maweja-Nangila ubenga. Uvua muenze malu anu bu tatuende, uvua ufikisha bena Izrayele ku dienza bibi. Nadabe uvua muenze malu mabi onsu avua tatuende muenze.

1 Bakalenga 16:19

Bionsu ebi, bivua bienzeka bualu Zimri uvua muenze bidi Maweja-Nangila ubenga. Uvua muenze buenzayi, anu bu muvua Yerobowame muenze, mufikishe kabidi bena Izrayele ku dienza bibi.

2 Bakalenga 10:29

Kadi Yehu uvua anu wenza buenzayi buvua Yerobowame, muana wa Nebate muenze, mufikishe bena Izrayele ku ditendelela dia bana ba ngombe ba tshiamu tshia mpawungi, bavua ku Betele ne ku Dane.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:8

bidikije bilele bia bisamba bikuabu bivua Maweja-Nangila muipate bua kubashila ditunga adi. Bavua balonda kabidi bilele bivuabu babueje mu ditunga kudi bakalenga ba bena Izrayele.

2 Kulondolola 11:14

Bena Levi bavua bumuka muaba wabu pabuipi ne bimenga, bua kuya kusomba mu Yerushalayime, ne mu bukalenga bua bena Yuda, bualu Yerobowame ne bana bende ba balume bavua babapangishe mua kuenzela Maweja-Nangila mudimu wa butuangaji.

2 Kulondolola 11:15

Yerobowame nkayende kusungula bantu bua kuikalabu batuangaji miaba ivuabu batendelela mvidie, bakukuila mpingu ya mbuji ya mpumbu ne ya tuana tua ngombe.

2 Kulondolola 13:8

Mpindiewu nudi basue kubenga bukalenga budi Maweja-Nangila mupeshe ndelanganyi ya Davide. Nudi ne bena mvita ba bungi. Nudi ne tuana tua ngombe tua tshiamu tshia mpawungi tuvua Yerobowame munuenzeje bua tuikale mvidie yenu.

2 Kulondolola 15:3

Bena Izrayele bavua basomba matuku a bungi kabayi ne Mvidi Mukulu mulelela, kabayi ne mutuangaji bua kubalongesha, kabayi ne mikenji.

2 Kulondolola 17:4

Kadi, uvua uditatshisha bua kumanya disua dia Maweja-Nangila Mvidi Mukulu wa bankambua bende, ne bua kuitaba mikenji yende. Kabavua benze nanku mu bukalenga bua ku mutu wa ditunga to.

2 Kulondolola 21:6

Uvua wenza malu mabi anu bu muvuabu benza kudi bakalenga ba bena Izrayele, nangananga kudi bena diku dia Akabe. Bualu Yorame uvua musele muana wa Akabe. Nanku, Yorame uvua muenze malu adi Maweja-Nangila mubenge.

2 Kulondolola 33:7

Uvua muenze kabidi lupingu lukuabu, muluteke mu nzubu wa Mvidi Mukulu bua kuntendelela. Kadi, Mvidi Mukulu uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bia mu buloba bua bena Izrayele, ke muaba undi nsomba kashidi munkatshi mua bantu.

Ekesode 1:10

Nanku, tukebayi mushindu wa kubapumbisha bua kabavudianganyi to. Tshianana pafika bena mvita, badi mua kudisanga ne bena lukuna betu bua kutuluisha, pashishe kumuka mu ditunga.

Ekesode 20:4

“Kusongi mpingu ya mvidie. Kuenji tshimfuanyi tshia tshintu nansha tshimue, nansha tshidi mulu mu mavuba, nansha tshidi panshi pa buloba, nansha tshidi mu mayi adi muinshi mua buloba.

Ekesode 32:25

Moshe kujadika ne Arone uvua mulekele bantu nkayabu, benza mudibu basue, bua babaseke kudi baluishi babu.

Ekesode 32:4

Pashishe, Arone kuangata tukanu atu, kutuengululaye muiku, kututuaye mu tshinu, kuenzaye lupingu lua kana ka ngombe, ka tshiamu tshia mpawungi. Bena Izrayele kuamba ne: — Ke mvidie wetu uvua mutupatule mu Ejipitu ewu!

Ekesode 32:8

Kabena bitabe tshimvua mubambile. Mbenze lupingu lua kana ka ngombe lua tshiamu tshia mpawungi. Badi balutuila binu, badiambula milambu, bamba ne: “Ke mvidie wetu uvua mutupatule mu Ejipitu ewu.”

Nsumuinu 14:12

Bumue njila udi muntu umona bu mululame, ke udi umufila ku lufu.

Yeshaya 30:1

Maweja-Nangila udi wamba ne: Nuenu bana badi bantombokela, nudi bena diakabi! Nudi nuela meji a kudienzela malu, kanuyi numvuluka. Nudi nutua ndondu ne bantu, indi meme tshiyi musue. Ke munudi nutentakaja bubi pa bukuabu.

Yeshaya 30:10

Badi bambila bambi ne: “Kanututatshishi ne malu adibu banuleja!” Kabena basue bua bambi babambile malu a bulelela. Badi bajinga bua babambile amu malu adi abasankisha. Badi basue bua babalaye amu diakalenga, nansha diodi dia dishima.

Yezekiyele 16:26

Wewe kuenda tshiendenda ne bena Ejipitu, bena mutumba bebe badi ne bukole. Wewe kumfikisha munda ne buendenda buebe buvule.

Yezekiyele 23:8

Uvua mutungunuke ne tshiendenda, mutuaye wenza mu Ejipitu. Kuine aku patshituaye nsongakaji, balume bakavua benda nende tshiendenda, bamubonda ku mabele ende a bushika nkunde, bamusaka ku malu mabi.

Danyele 3:1

Mukalenga Nebukadnesare kuenzeja lupingu lua tshiamu tshia mpawungi, lua metre makumi asatu mu bule, ne metre asatu mu butshiama. Kuluimanyikaye mu mpata wa Dura, mu buloba bua Babilone.

Osheya 10:10

Meme Maweja-Nangila ndi mufike bua kubanyoka. Bisamba bikuabu nebisangidile bena Izrayele, bua kubaluisha bua malu mabi, adibu benza misangu ne misangu.

Osheya 10:8

Miaba yonsu ya tshijila, ivua bena Izrayele benza malu mabi, mminyanguke. Tshisuku ne meba a mingonga mbibuikile bilambuilu biabu. Musangu awu, nebambile mikuna minene ne mikese ne: “Nutubuikile! Nutupukile.”

Amosa 5:5

Kadi kanunkonki malu mu nzubu wa kutendelela wa Betele. Kanubuedi muaba wa kutendelela wa mu Ngilgale, kanuendi luendu lua tshijila, batangile ku Bersheba nansha. Bualu bena Ngilgale, nebaye nabu mu bupika; Betele, nzubu wa Maweja-Nangila, neashale nzubu wa makenga.”

Amosa 8:14

Bonsu badi baditshipa, mu dina dia mvidie ya dishima, ya bena Samariya, bamba ne: “Mu dina dia mvidie Dane udi ne muoyi…” nansha ne: “Mu dina dia njila udi utufikisha ku Bersheba…”, bonsu abu nebadishinde panshi, kabayi mua kujuka kabidi to.

2 Petro 2:19

Badi balaya bantu ne: nenudienzele malu munudi basue. Kadi bobu mene batshidi mu bupika bua bibidilu bidi mua kubafikisha ku lufu. Bualu muntu yonsu udi mupika wa tshidi tshimukokesha.

1 Samuele 27:1

Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”