1 Bakalenga 12:20 - MUKANDA WA MYIDI MUKULU

²⁰ Bena Izrayele bonsu ba ku mutu, bamane kumvua lumu lua dipingana dia Yerobowame, kudisangisha nkayabu. Kubikidishabu Yerobowame mu tshisangilu atshi, kumusungula bua ikale mukalenga wa bena Izrayele. Nanku, anu tshisamba tshia Yuda nkayatshi kushala kuitaba nzubu wa Davide.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hakunvua Bena Isalele bonso lumu ne, Yalobama wakahingana, bakamubikila mu disangisha diabo, bakamuvuisha mukelenge ku mutu kua Bena Isalele bonso; anu tshisamba tshia Yuda tshiakalonda ba mu nsubu wa Davidi.

1 Bakalenga 12:20 ပူးပေါင်းရင်းမြစ်များ

2 Samuele 20:2

Nanku bena Izrayele kumuka kudi Davide, kuya kudi Sheba. Anu bena Yuda nkayabu kushala kudi mukalenga wabu bua kumuka nende ku Yardene, kuya ku Yerushalayime.

1 Bakalenga 11:13

Kadi, tshiena mmunyenge bukalenga buonsu to. Nemmushile tshisamba tshimue, anu bualu bua muntu wanyi Davide, ne bualu bua Yerushalayime tshimenga tshimvua musungule.

1 Bakalenga 11:26

Yerobowame kabidi uvua mutombokele mukalenga Shelomu mushindu ewu: Yerobowame, muana wa Nebate, uvua muena Efrayime wa mu musoku wa Sereda. Mamuende uvua mukaji mukamba, dina diende Seruya. Yerobowame uvua muena mudimu wa Shelomu. Kadi kumutombokelaye. Tshikondu tshivua Shelomu muwuje ne buloba muaba wa Milo, ulongoluesha miaba ivua mitubuke ku bimana bivua binyungulule Tshimenga tshia Davide,

1 Bakalenga 11:32

Shelomu neashale anu ne tshisamba tshimue, bualu bua muntu wanyi Davide, ne bua Yerushalayime, tshimenga tshimuepela tshimvua mumane kusungula mu buloba bua bena Izrayele.

1 Bakalenga 11:35

Nanku, nennyenge bukalenga anu kudi muana wa Shelomu. Nenkupeshe wewe Yerobowame bisamba dikumi.

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

1 Bakalenga 11:37

“Kadi, Yerobowame, ndi nkupa bukalenga buudi ujinga. Newikale mukalenga wa bisamba dikumi bia bena Izrayele.

1 Bakalenga 12:17

Robowame kushala anu mukalenga wa bantu bavua mu buloba bua bena Yuda.

2 Bakalenga 17:21

Pavua Maweja-Nangila mumushe buloba bua Izrayele ku bukalenga bua Davide, bena Izrayele bavua badisunguile Yerobowame, muana wa Nebate, bua kuikalaye mukalenga wabu. Yerobowame ke uvua mubafikishe ku dibenga kutumikila Maweja-Nangila, mubafikishe ku dienza bibi bitambe.

Osheya 8:4

Bena Izrayele badi badilekela bamfumu, meme tshiyi muanyishe. Badi badisunguila babalombodi, meme tshiyi mumanye. Badi bangata tshiamu tshitoke tshia mushinga mukole ne tshia mpawungi, bua kudienzela mpingu. Badi benza nanku, badi bajimija bintu biabu.

1 Samuele 10:24

Samuwele kuambila bena Izrayele ne: — Tangilayi! Monayi muntu udi Maweja-Nangila musungule. Kakuenamuntu mukuabu udi mufuanangane nende, munkatshi mua bena Izrayele bonsu. Ke bantu bonsu kuela bibingu ne mbila, bambila Shawule ne: “Mukalenga ukuata ku mundundu”!