1 Bakalenga 12:15 - MUKANDA WA MYIDI MUKULU

¹⁵ Nanku, mukalenga Robowame kavua muitabe dilomba dia bena Izrayele to. Maweja-Nangila Mvidi Mukulu ke uvua muenzeje bionsu abi, bua kukumbaja bualu buvuaye mumane kuambila muambi Akiya ku Silo bua kumanyishaye Yerobowame, muana wa Nebate.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nunku mukelenge kakunvuila bantu: bua bualu ebu buakafuma kudi Yehowa bua kujadikeye dî diandi diakambileye Yalobama, muana wa Nebata mukana mua Ahiya, Muena Shilo.

1 Bakalenga 12:15 ပူးပေါင်းရင်းမြစ်များ

Genese 24:50

Labane ne Betuyele kumuandamuna ne: — Bualu ebu mbulongolola kudi Maweja-Nangila nkayende. Tuetu katuena ne diyi dia kuamba.

2 Samuele 17:14

Absalome ne bena Izrayele kuamba ne: — Lungenyi lua Ushayi nduimpe lupite lua Akitofele! Maweja-Nangila ke uvua muenze bua babenge lungenyi lua Akitofele luvua luimpe. Bualu Maweja-Nangila uvua musue kukengesha Absalome.

1 Bakalenga 11:11

umuambila ne: — Bu muudi muenze nanku, kuyi munemeke ndondu utuvua batue nebe, nansha mikenji imvua mukuambile, ndi nkunyenga bukalenga, mbupesha muntu webe mukuabu.

1 Bakalenga 12:24

Maweja-Nangila udi wamba ne: “Kanuyi kuluisha bana benu bena Izrayele nansha. Muntu yonsu wa kunudi apingane ku nzubu kuende. Bualu meme Maweja-Nangila, ndi mukumbaje bionsu bidi bienzeka ebi.” Robowame ne bena Yuda bumvue diyi dia Maweja-Nangila, kuitababu. Kupinganabu ku nzubu yabu.

1 Bakalenga 22:23

Eyowa, mpindiewu bionsu ebi mbimane kuenzeka. Maweja-Nangila ke uvua mutume mutumibue bua kushimaye bambi bebe bonsu. Kadi Maweja-Nangila uvua mumane kujadika bua kukukengesha.

2 Bakalenga 10:10

Nujadike ne: meyi onsu avua Maweja-Nangila muambe bua bena nzubu wa Akabe, adi anu akumbana! Maweja-Nangila ke udi mukumbaje bionsu bivua muambi Eliya muambe mu dina diende.

2 Bakalenga 9:36

Kupinganabu bua kumanyisha Yehu. Yehu kukema, wamba ne: — Eyowa, ke diyi dia Maweja-Nangila divua muambi Eliya, muena Tishebe, muambe ne: “Mbua neidie tshitalu tshia Yezabele mu budimi bua Yizreyele.

2 Kulondolola 10:15

Nanku, mukalenga Robowame kavua muitabe dilomba dia bena Izrayele to. Maweja-Nangila Mvidi Mukulu ke uvua muenzeje bionsu abi, bua kukumbaja bualu bu-vuaye mumane kuambila muambi Akiya ku Silo, bua amanyishe Yerobowame, muana wa Nebate.

2 Kulondolola 22:7

Nenku, dikumbula dia Yorame edi, ke divua Maweja-Nangila mupetele mushindu wa kushipa Akaziya. Bualu amu Akaziya ufika, kuyaye ne Yorame bua kumonangana ne Yeku, muana wa Nimshi. Nanku, Maweja-Nangila uvua muanyishe bua bajidile Yeku mu bukalenga, bua amone mua kushipa bena diku dia Akabe.

2 Kulondolola 25:16

Kadi, mukalenga Amashiya kukabula muambi ku diyi, umukonka ne: — Ndi mukuteke mufidi wa ngenyi mu bukalenga anyi? Puwa, tshianana nebakuenzele bibi. Muambi kuanji kupuwa. Pashishe kuambaye ne: — Ndi mumanye ne: Mvidi Mukulu mmumane kujadika bua kukushipesha, bualu uvua muenze bibi, mubenge mua kuteleja diyi dianyi.

2 Kulondolola 25:20

Kadi, Amashiya kavua muitabe bionsu bivua Yowashe mumuambile abi to. Bualu Mvidi Mukulu uvua musue kubutula Amashiya, ne bena mvita bende, bua pavuabu banemeka mvidie ya bena Edome.

Misambu 5:10

Katuena mua kuitaba bidi baluishi banyi bamba. Badi bela meji amu bua kubutula bantu. Miaku yabu idi itukebela lufu. Badi bakula bua kudinga bantu.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Bienzedi 3:17

Kadi, bana betu, ndi mumanye se: nuenu ne bamfumu benu, nudi benze bualu ebu, bualu kanuvua bamanye Yezu.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Balombodi 14:4

Baledi ba Shimeshone kabavua bamanye ne: Maweja-Nangila mene ke uvua mupeshe muanabu wa balume dijinga adi, bua apete mushindu wa kuluisha bena Peleshete. Bualu tshikondu atshi, bena Izrayele bavua ku bumfumu bua bena Peleshete.

1 Samuele 15:29

Maweja-Nangila udi butumbi bua bena Izrayele. Nanku, kena mua kushima, kena mudi muntu udi lelu wamba bualu mushindu, maloba wamba mukuabu.