1 Bakalenga 11:9 - MUKANDA WA MYIDI MUKULU

^9-10 Maweja-Nangila Mvidi Mukulu wa bena Izrayele, uvua mumane kumuenekela Shelomu misangu ibidi, mumukandike ne: kuena mua kutendelela mvidie mikuabu to. Kadi, Shelomu kavua mutumikile diyi dia Maweja-Nangila to. Uvua mubenge Maweja-Nangila. Nanku, Maweja-Nangila kufikila Shelomu munda,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wakadi ne Solomo tshiji, bualu bua mutshima wandi wakumuka kudi Yehowa, Nzambi wa Isalele, nguakamueneka kudiye misangu ibidi,

1 Bakalenga 11:9 ပူးပေါင်းရင်းမြစ်များ

2 Samuele 11:27

Kadi batangalaja madilu, Davide kubikidisha Batsheba ku nzubu kuende, kumusela. Mukaji kulela muana wa balume.

2 Samuele 6:7

Nanku Maweja-Nangila kufikila Uza munda bikole. Kumushipaye, anu muaba awu, bua bualu buvuaye muenze, kayi muanji kuela meji. Uza kufuila muaba awu, pabuipi ne mushete wa tshijila.

1 Bakalenga 11:8

Kulongolaye kabidi miaba ya tshijila bua mvidie ya bakaji bende bonsu ba bisamba bikuabu, bua bakaji bende balambule mvidie ayi milambu ya manananshi, nansha ya nyama.

1 Bakalenga 3:5

Patshivua Shelomu ku Ngibone, Maweja-Nangila Mvidi Mukulu kumumuenekela butuku mu tshilota, umukonka ne: — Udi musue nkupeshe tshinyi? Lomba tshintu tshiudi musue bua meme kukupa!

1 Bakalenga 9:2

Maweja-Nangila kumumuenekela tshiakabidi, anu muvuaye mumumuenekele ku musoku wa Ngibone.

1 Kulondolola 21:7

Bivua Davide muenze bivua bibipile Mvidi Mukulu. Ke Mvidi Mukulu kunyoka bena Izrayele.

Ekesode 4:14

Ke Maweja-Nangila kufikila Moshe munda, umuambila ne: — Muanenu Arone, muena Levi, udi mumanye mua kuakula bimpe. Nyeye wawa mu njila bua kumonangana nebe. Pakumonaye neasanke.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Osheya 4:11

Bundumba ne dikuatshika dia maluvu bidi binyanga lungenyi lua muntu.

Dibadika 12:9

Maweja-Nangila kumuka muaba awu ne tshiji.

Dielulula 3:26

Kadi Maweja-Nangila kena muitabe dilomba dianyi to. Uvua mumfikile munda bikole bualu buenu, unkandika ne: “Kuajiki! Kundombi bualu ebu kabidi to!

Dielulula 7:4

Bualu bantu ba bisamba bikuabu aba, badi mua kutombola ndelanganyi yenu, bua nubenge Maweja-Nangila, nutendelele mvidie mikuabu. Diba adi, Maweja-Nangila neanufuile munda, anubutule musangu umue.

Dielulula 9:20

Maweja-Nangila uvua mupite kufikila Arone munda, musue kumushipa. Kadi dituku adi, meme kumulombela ne yeye kabidi.

Dielulula 9:8

Ku mukuna wa Sinayi nangananga, Maweja-Nangila uvua musue kunubutula bonsu, bualu nuvua bamufikishe munda bikole.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.