1 Bakalenga 11:7 - MUKANDA WA MYIDI MUKULU

⁷ Tshikondu atshi, Shelomu kulongoluela Kemoshe, mvidie mubi wa bena Mowabe, muaba wa tshijila pa mukuna uvua mutangilangane ne Yerushalayime. Kulongololaye kabidi Milkome, mvidie mubi wa bena Amone, muaba wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hashishe, Solomo wakashila Kemosha, bundu bua Bena Moaba, tshitendelelu ha mutu ha mukuna udi ku mpala kua Yelushalema, ne tshia Moleke, bundu bua Bena Amona.

1 Bakalenga 11:7 ပူးပေါင်းရင်းမြစ်များ

Genese 33:2

Yakobe kuimanyika bakaji bende bapika abu ne bana bavuabu balele kumpala kua mulongu. Kulondabu kudi Leya ne bana bende, pashishe kudi Rakele ne muanende Yozefe.

2 Samuele 15:30

Mukalenga Davide kubanda mukuna wa olive, wenda udila. Uvua mudibuikila tshilamba ku mesu, wenda ku makasa kutupu. Bantu bonsu bavuaye nabu, bavua anu badibuikila bilamba ku mesu, benda badila.

1 Bakalenga 11:5

Shelomu kutendelela Astarte, mvidie mukaji wa bena Sidone, ne Milkome, mvidie mubi wa bena Amone.

1 Bakalenga 11:6

Shelomu kufikisha Maweja-Nangila munda, bualu kavua umutumikila muende muonsu, bu muvua tatuende Davide wenza to.

1 Bakalenga 11:8

Kulongolaye kabidi miaba ya tshijila bua mvidie ya bakaji bende bonsu ba bisamba bikuabu, bua bakaji bende balambule mvidie ayi milambu ya manananshi, nansha ya nyama.

1 Bakalenga 15:12

Kuipataye mu ditunga balume ne bakaji bavua benda tshiendenda mu nzubu ya mvidie yabu. Kumushaye mpingu yonsu ya kutendelela mvidie ivua bankambua bende benza.

2 Bakalenga 23:10

Yoshiya kunyangakaja tshioshelu tshivua ku Tofete, mu tshibandabanda tshia Inome, bua bantu kabayi kuoshilapu kabidi bana babu ba balume, nansha ba bakaji bua kulambula mulambu ku mvidie Moleke.

2 Kulondolola 21:11

Yorame uvua muenze mene miaba ya kutendelela mvidie ya bisamba bikuabu pa mikuna ya Yuda. Nanku Yorame uvua mufikishe bena Yerushalayime ne bena Yuda ku dibenga Mvidi Mukulu mulelela.

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Yeshaya 44:19

Muntu nansha umue wa kudibu kena wela meji. Muntu nansha umue kena ne lubatshi, nansha ne lungenyi lua kuamba ne: “Mvua muoshe tshitupa tshia mutshi ewu. Mu mbabula, meme kulamba biakudia, kuosha munyinyi undi ndia ewu. Kadi ne tshitupa tshia mutshi tshidi tshishala, ndi mua kuenza mvidie udibu batendelela anyi? Akia! Nkadi nginamina tshitupa tshia mutshi!”

Yirmeya 32:31

Tshimenga tshia Yerushalayime etshi katshia batshibaka, tshivua amu tshimfikisha munda, tshingenza tshiji, too ne lelu. Nanku, tshiena musue kutshimona kabidi ne mesu to.

Yirmeya 32:35

Bavua bateka mu tshibanda tshia Inome miaba ya kutendelela mvidie Baale, bua kulambulamu mvidie Moleke bana ba balume ne ba bakaji. Meme tshivua mubalombe bua benza nanku to. Tshivua nansha muele meji ku bualu bua nanku to. Kadi pa kuenza malu mabi aa, bavua basaka bena Yuda bua benze pabu malu andi mubenge.

Yirmeya 48:13

Nebafuishe Mowabe bundu kudi mvidie wende Kemoshe, muvuabu bafuishe bena bukalenga bua bena Izrayele bundu kudi mvidie wabu wa ku Betele uvuabu batekemena bikole.

Yirmeya 48:46

Nuenu bena Mowabe, nudi bena diakabi. Nuenu bavua batendelela mvidie wa Kemoshe, nudi nufua. Bana benu ba balume ne ba bakaji badi babakuata mu lukanu, baye nabu.

Yezekiyele 18:12

Udi ukengesha bapela ne bena dikenga. Udi wiba bintu bia bantu. Kena upingaja tshieya tshivua muena dibanza mumueyeke. Udi utendelela mvidie, wenza malu mabi, andi mbenga.

Danyele 11:31

Bena mvita bavuaye mutume nebanyange muaba wa tshijila. Nebakandike bantu, bua kabalambudi Mvidi Mukulu mulambu wa ku dituku ne ku dituku. Nebateke ‘Bualu bubi butambe’ ” pa tshilambuilu.

Danyele 12:11

Kubangila ku diba didibu bumbusha mulambu wa buatshia buatshia wa kuoshela Mvidi Mukulu, ne ku diba didibu bateka “Bualu bubi butambe” pa tshioshelu, matuku neapite tshinunu ne nkama ibidi ne makumi tshitema.

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.

Mika 1:5

Maweja-Nangila udi ufika bua kulumbuluisha bantu, bualu ndelanganyi ya Yakobe ivua imutombokela, bena Izrayele benza malu mabi. Udi utombuesha bena Izrayele nnganyi? Ke Samariya, tshimenga tshiabu tshikulu! Udi usaka bena Yuda bua batendelele mvidie pa mikuna nnganyi? Ke bena Yerushalayime mene!

Zekâya 14:4

Dituku adi, neimane pa mukuna wa mitshi ya olive, udi pabuipi ne Yerushalayime, luseke ludi diba dipatukila lua tshimenga. Mukuna wa mitshi ya olive neupandike pankatshinkatshi, tshibandabanda tshinene netshimueneke, tshibanga luseke ludi diba dipatukila, tshifika too ne ku ludidi dibuelela. Tshia bibidi tshimue tshia mukuna netshisemenene luseke lua ku mutu kua ditunga, tshitupa tshikuabu netshisemenene luseke lua kuinshi kua ditunga.

Dibadika 21:29

Nuenu bena Mowabe, diakabi kaayi! Nudi nutendelela Kemoshe! Nuabutuki! Balume bavua bapanduke, kabidi ne bakaji, bonsu mbabakuate, mbabafile kudi Sihone, mukalenga wa bena Amore.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Matayi 26:30

Kuimbabu misambu ya tshibilu. Pashishe kuyabu ku mukuna wa Olive.

Bienzedi 1:12

Ke bapostolu kumuka ku mukuna wa mitshi ya Olive, kupingana ku Yerushalayime. Mukuna awu uvua mushilangane ne Yerushalayime mutantshi wa kilometre amu bu umue.

Bienzedi 1:9

Yezu mumane kuamba nanku, kubandaye mu diulu, bobu batangile. Ke divuba kujika Yezu, kabayi bamumone kabidi to.

Bienzedi 7:43

Nansha kakese! Kadi nuvua bambule ntente wa nwidie Moloke, ne tshimfuanyi tshia Refane, nwidie wenu wa mutotu. Ke mpingu inuvua benze bua kuyikukuila. Ke pandi nnufila mu bupika, dia muamua dia Babilone.

Dielulula 13:14

mudi bantu babi badi bambila bena Izrayele bua kutendelela mvidie inudi kanuyi bamanye mpindiewu.

Dielulula 27:15

“Muntu yonsu udi wenza lupingu lua mvidie, nansha lua dibue, lua mutshi, nansha lua tshiamu, kutendelela mu musokoku, mmuena diakabi. Bualu Maweja-Nangila Mvidi Mukulu wenu kena musue bintu bia mushindu ewu, bienza kudi bantu. Muntu ewu asangane muena tshibawu kuenza anyi?” Bena Izrayele nebandamune bonsu ne: “Enze!”

Balombodi 11:24

Kuena ne buebe buloba buvua mvidie webe Kemoshe mukupe anyi? Nanku tuetu kabidi, tudi ne buetu buloba, buvua Maweja-Nangila muanyishe bua tuetu kubukuata.