1 Bakalenga 11:5 - MUKANDA WA MYIDI MUKULU

⁵ Shelomu kutendelela Astarte, mvidie mukaji wa bena Sidone, ne Milkome, mvidie mubi wa bena Amone.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua Solomo wakalonda Bashetelota, nzambi mukashi wa Bena Sidona, ne Milekoma, bundu bua Bena Amona.

1 Bakalenga 11:5 ပူးပေါင်းရင်းမြစ်များ

1 Bakalenga 11:33

Nengenze nanku, bualu bena Izrayele mbambenge. Badi batendelela Astarte, mvidie mukaji wa bena Sidone, Kemoshe mvidie wa bena Mowabe, ne Milkome, mvidie wa bena Amone. Kabena balonda njila umvua mubaleje to. Kabena bangenzela bimpe. Kabena batumikila meyi anyi ne mikenji yanyi bimvua mubambile. Kabena babikumbaja bu muvuabu babikumbaja kudi Davide, tatuende wa Shelomu.

1 Bakalenga 11:6

Shelomu kufikisha Maweja-Nangila munda, bualu kavua umutumikila muende muonsu, bu muvua tatuende Davide wenza to.

1 Bakalenga 11:7

Tshikondu atshi, Shelomu kulongoluela Kemoshe, mvidie mubi wa bena Mowabe, muaba wa tshijila pa mukuna uvua mutangilangane ne Yerushalayime. Kulongololaye kabidi Milkome, mvidie mubi wa bena Amone, muaba wa tshijila.

2 Bakalenga 23:13

Yoshiya kunyangakaja miaba ya kutendelela ivua mukalenga Shelomu muibake kuinshi kua mukuna wa Olive, udi mutangilangane ne tshimenga tshia Yerushalayime. Miaba ayi, bavua batendelela Astarte, mvidie mukaji wa buenzayi wa bena Sidone, Kemoshe, mvidie muena buenzayi wa bena Mowabe, kabidi Milkome, mvidie mubi wa bena Amone.

Yeshaya 44:19

Muntu nansha umue wa kudibu kena wela meji. Muntu nansha umue kena ne lubatshi, nansha ne lungenyi lua kuamba ne: “Mvua muoshe tshitupa tshia mutshi ewu. Mu mbabula, meme kulamba biakudia, kuosha munyinyi undi ndia ewu. Kadi ne tshitupa tshia mutshi tshidi tshishala, ndi mua kuenza mvidie udibu batendelela anyi? Akia! Nkadi nginamina tshitupa tshia mutshi!”

Lewitiki 18:21

“Kuena ne bua kulambula bana bebe kudi mvidie wa Moleke to, bualu udi upepeja dina dianyi. Meme ndi Maweja-Nangila Mvidi Mukulu wenu.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.

Balombodi 2:11

Bena Izrayele kuenza malu avua Maweja-Nangila ubenga. Kutuadijabu kutendelela mvidie Baale.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.

1 Samuele 12:10

Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”