1 Bakalenga 11:43 - MUKANDA WA MYIDI MUKULU

⁴³ Shelomu mumane kufua, kumujikabu pabuipi ne muaba uvuabu bajika tatuende, mu Tshimenga tshia Davide. Muanende wa balume Robowame kumupingana mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Solomo wakalala tulu ne bankambua bandi, wakajikibua mu musoko wa Davidi, tatu wandi; Lehabama, muanʼandi wa balume, wakakokesha mu muaba wandi.

1 Bakalenga 11:43 ပူးပေါင်းရင်းမြစ်များ

1 Bakalenga 1:21

Wewe kuyi muenze nanku, pawikala mumane kufua, meme Batsheba ne muananyi Shelomu nebatukengeshe bu bena tshibawu.

1 Bakalenga 14:31

Robowame mumane kufua, kumujiikabu mu lukita lua bena diku diende, luvua mu Tshimenga tshia Davide. Mamuende wa Robowame uvua muena Amone, dina diende Naama. Abiyame, muana wa balume wa Robowame, kumupingana mu bukalenga.

1 Bakalenga 15:24

Yeye mumane kufua, kumujiikabu mu lukita lua bena diku diende, luvua mu Tshimenga tshia Davide. Muanende wa balume Yosafate kumupingana mu bukalenga.

1 Bakalenga 15:8

Yeye mumane kufua, kumujiikabu mu Tshimenga tshia Davide. Muanende wa balume Asa, kumupingana mu bukalenga.

1 Bakalenga 16:6

Basha mumane kufua, kumujiikabu mu tshimenga tshia Tirsa. Muanende wa balume Ela kumupingana mu bukalenga.

1 Bakalenga 2:10

Mukalenga Davide kufua. Kumujiikabu mu tshimenga tshiende, mu Yerushalayime.

1 Bakalenga 22:40

Mukalenga Akabe mumane kufua, muanende Akaziya kumupingana mu bukalenga.

2 Bakalenga 16:20

Akaze mumane kufua, kumujiikabu mu lukita lua bena diku diabu luvua mu Tshimenga tshia Davide. Pashishe, muanende wa balume Izkiya kumupingana mu bukalenga.

2 Bakalenga 20:21

Izkiya mumane kufua, muanende wa balume Menashe kumupingana mu bukalenga.

2 Bakalenga 21:18

Menashe mumane kufua, kumujiikabu mu lupangu luvua ku nzubu wa bukalenga, luvuabu babikila ne: “Lupangu lua Uza”. Muanende wa balume Amone kumupingana mu bukalenga.

2 Bakalenga 21:26

Kumujiikabu mu lukita luende luvua mu: “Lupangu lua Uza.” Nanku, muanende wa balume Yoshiya, kumupingana mu bukalenga.

1 Kulondolola 3:10

Ndelanganyi ya Shelomu ya bana ba munda muende ivua nenku: Robowame, Abiya, Asa, Yosafate,

2 Kulondolola 13:7

Bantu batshimbakane kutua ku luseke lua Yerobowame, kubenga Robowame. Kadi Robowame, muana wa Shelomu, utshivua nsongalume, kayi mupite kujingulula malu a mvi-ta. Kavua ne mushindu wa kukandamana. Ke muvuabu bamupite bukole.

2 Kulondolola 21:20

Yorame uvua mubuele mu bukalenga muikale ne bidimu makumi asatu ne bibidi. Uvua mushale mukalenga bidimu muanda mukulu mu Yerushalayime. Yeye mumane kufua, muntu nansha umue kavua munyingalale bua lufu luende to. Bavua bamujike mu Tshimenga tshia Davide. Kadi kabavua bamujike mu nkita idibu bajika bakalenga to.

2 Kulondolola 26:23

Uziya mumane kufua, kumujikabu mu nkita ya bena diku dia bukalenga, kadi ki mu nkita ya bena diku diabu to, bualu uvua ne disama dia nsudi. Muanende wa balume Yotame kumupingana mu bukalenga.

2 Kulondolola 28:27

Akaze mumane kufua, kumujikabu mu Yerushalayime. Kadi, kabavua bamujike mu nkita ya bena diku dia bukalenga to. Muanende wa balume Izkiya kumupingana mu bukalenga.

2 Kulondolola 9:30

Shelomu uvua mushale mu bukalenga mu Yerushalayime bidimu makumi anayi, ulombola bisamba bionsu bia bena Izrayele.

2 Kulondolola 9:31

Shelomu mumane kufua, kumujikabu pabuipi ne muaba uvuabu bajike tatuende mu Tshimenga tshia Davide. Nanku muanende wa balume Robowame kumupingana ku bukalenga.

Muambi 2:19

Yeye neakuate mudimu bu muena meji, nansha bu mupote anyi? Udi mua kuandamuna lukonku alu nnganyi? Kadi neapete bintu bionsu bimvua musangishe panu ku mudimu umvua mukuate ne ku meji amvua nawu. Bionsu ebi kabiena biumvuika to!

Yirmeya 22:19

Nebamujike bu nyama. Nebakoke tshitalu tshiende panshi, bua kutshimansha, kutshiela pambelu pa biibi bia Yerushalayime.

Matayi 1:5

Salmone ne mukajende Rakabe kulela Bowaze. Bowaze ne mukajende Rute kulela Obede. Obede kulela Ishayi.

Matayi 1:7

Shelomu kulela Rekabame. Rekabame kulela Abiya. Abiya kulela Asa.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.