1 Bakalenga 11:37 - MUKANDA WA MYIDI MUKULU

³⁷ “Kadi, Yerobowame, ndi nkupa bukalenga buudi ujinga. Newikale mukalenga wa bisamba dikumi bia bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Nenkusungile, bua wewe kukokesha bantu bu mudi mutshima webe musue; wewe newikale mukelenge wa Isalele.

1 Bakalenga 11:37 ပူးပေါင်းရင်းမြစ်များ

2 Samuele 3:21

Abnere kuambila Davide ne: — Mukalenga, ndi musue kupingana bua kuyukila ne bena Izrayele bonsu bua bashale ku luseke luebe. Nebatue nebe ndondu. Nanku neushale mukalenga wa ditunga dijima bu muudi ujinga. Davide kulayangana bimpe ne Abnere. Awu kumuka, kabayi bamutatshishe kudi muntu.

1 Bakalenga 11:26

Yerobowame kabidi uvua mutombokele mukalenga Shelomu mushindu ewu: Yerobowame, muana wa Nebate, uvua muena Efrayime wa mu musoku wa Sereda. Mamuende uvua mukaji mukamba, dina diende Seruya. Yerobowame uvua muena mudimu wa Shelomu. Kadi kumutombokelaye. Tshikondu tshivua Shelomu muwuje ne buloba muaba wa Milo, ulongoluesha miaba ivua mitubuke ku bimana bivua binyungulule Tshimenga tshia Davide,

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

1 Bakalenga 11:38

Wewe muteleje bionsu bingikala nkuambila, wewe mulonde njila ungikala nkuleja, wewe mungenzele bimpe, wewe mutumikile meyi anyi ne mikenji yanyi bingakupesha, bu muvua muntu wanyi Davide utumikila, nengikale nebe kashidi. Ndi nkulaya ne: ndelanganyi yebe neishale mu bukalenga kashidi anu bu mudi ndelanganyi ya Davide ishala mu bukalenga. Meme nenkupe bisamba bia bena Izrayele dikumi,

1 Bakalenga 12:20

Bena Izrayele bonsu ba ku mutu, bamane kumvua lumu lua dipingana dia Yerobowame, kudisangisha nkayabu. Kubikidishabu Yerobowame mu tshisangilu atshi, kumusungula bua ikale mukalenga wa bena Izrayele. Nanku, anu tshisamba tshia Yuda nkayatshi kushala kuitaba nzubu wa Davide.

1 Bakalenga 14:7

Pingana kudi Yerobowame, umuambile ne: Maweja-Nangila wa bena Izrayele udi wamba ne: “Wewe udi bu bena Izrayele bonsu. Kadi meme kukusungula munkatshi mua bena Izrayele bua kuikala mukalenga wa bantu banyi bena Izrayele.

Dielulula 14:26

Muaba awu, nenusumbe bintu bionsu binudi basue: ngombe, mikoku, mbuji, maluvu a mvinyo, nansha maluvu makole, bua nuenu kudia, kunua, kusanka ne bena meku enu bonsu.