1 Bakalenga 11:36 - MUKANDA WA MYIDI MUKULU

³⁶ Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Nempe muanʼandi tshisamba tshimue, bua Davidi, muntu wanyi ikale ne muinda utema ku mesu kuanyi mu Yelushalema matuku onso, musoko unakasungula bua kutekamu dina dianyi.

1 Bakalenga 11:36 ပူးပေါင်းရင်းမြစ်များ

2 Samuele 21:17

Kadi Abishayi, muana wa Seruya, kusungidila mukalenga Davide, kushipa muena Peleshete awu. Ke bena mvita kuambila mukalenga Davide ne: kuena mua kuya netu kabidi mu mvita to. Bualu wewe udi bu muendu wa bena Izrayele udi kauyi mua kujima.

2 Samuele 22:29

Maweja-Nangila, udi muendu wanyi, Eyowa, Maweja-Nangila, udi ushintulula midima yanyi, uyenza butoke.

2 Samuele 7:16

Misangu yonsu, muana wa ku ndelanganyi yebe neakupingane mu bukalenga, bualu bukalenga nebushale mu nzubu muebe kashidi.’ ”

2 Samuele 7:29

Nanku, ela bena diku dianyi lupemba, bua ndelanganyi yanyi ishale mu bukalenga kashidi kumpala kuebe. Maweja-Nangila Mvidi Mukulu wanyi, bu muuvua mumane kulaya, ela bena nzubu wanyi lupemba kashidi!

1 Bakalenga 11:13

Kadi, tshiena mmunyenge bukalenga buonsu to. Nemmushile tshisamba tshimue, anu bualu bua muntu wanyi Davide, ne bualu bua Yerushalayime tshimenga tshimvua musungule.

1 Bakalenga 11:32

Shelomu neashale anu ne tshisamba tshimue, bualu bua muntu wanyi Davide, ne bua Yerushalayime, tshimenga tshimuepela tshimvua mumane kusungula mu buloba bua bena Izrayele.

1 Bakalenga 11:37

“Kadi, Yerobowame, ndi nkupa bukalenga buudi ujinga. Newikale mukalenga wa bisamba dikumi bia bena Izrayele.

1 Bakalenga 12:17

Robowame kushala anu mukalenga wa bantu bavua mu buloba bua bena Yuda.

1 Bakalenga 14:21

Robowame, muana uvua Shelomu mulele ne mukaji Naama wa bena Amone, uvua mubuele mu bukalenga bua bena Yuda, muikala ne bidimu makumi anayi ne tshimue. Kushalaye mu bukalenga mu Yerushalayime bidimu dikumi ne muanda mutekete. Tshimenga atshi, ke tshivua Maweja-Nangila musungule mu buloba bujima bua kudilejamu kudi bantu bende.

1 Bakalenga 15:4

Kadi, Maweja-Nangila Mvidi Mukulu wende uvua anu mumupeshe muana wa balume, uvua mua kumupingana mu bukalenga, bua bena nzubu wa Davide, kabumuki bonsu mu bukalenga to, kabidi bua Yerushalayime ashale tshimenga tshia bukalenga. Maweja-Nangila uvua wenzela nanku, anu bualu bua Davide,

1 Bakalenga 2:4

Maweja-Nangila neakumbaje bionsu bivuaye mumane kundaya, mungambile ne: “Pikala ndelanganyi yebe mingitabe, mienze mundi musue, nendamate mu bulelela, kabidi ne muoyi mujima, nansha wewe mumane kufua, misangu yonsu muntu wa ku ndelanganyi yebe neashale mukalenga wa bena Izrayele.”

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

2 Bakalenga 8:19

Kadi Maweja-Nangila kavua musue kubutula bukalenga bua Yuda to. Bualu uvua mulaye muntu wende Davide ne: ndelanganyi yende neishale mu bukalenga mu Yerushalayime kashidi.

2 Kulondolola 12:13

Mamuende wa mukalenga Robowame uvua Naama wa bena Amone. Robowame kushala mukalenga mu Yerushalayime, kushindika bukalenga buende. Uvua ne bidimu makumi anayi ne tshimue, pavuaye mubuele mu bukalenga bua bena Yuda. Uvua mushale mu bukalenga mu Yerushalayime bidimu dikumi ne muanda mutekete. Bualu ke tshimenga tshivua Maweja-Nangila musungule mu buloba bua bena Izrayele bua kusomba munkatshi mua bantu bende.

2 Kulondolola 21:7

Kadi Maweja-Nangila kavua musue kubutula nzubu wa Davide to. Bualu uvua mutue ndondu ne Davide, mumulaye ne: ndelanganyi yebe neyishale kashidi mu Yerushalayime.

Misambu 132:17

Nempatuishe mukalenga wa lumu, wa ku ndelanganyi ya Davide mu Siyone. Nentekemu mukalenga undi mulabe manyi, bu mudibu bateka muendu mutemesha.

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Didimanyisha 21:10

Mueyelu wa Mvidi Mukulu kumvulula. Mutumibue wa Mvidi Mukulu kungambula, kumfikisha ku lusongu lua mukuna mupite bule. Kundejaye Yerushalayime, tshimenga tshia tshijila, tshivua Mvidi Mukulu mutulule mu diulu.