1 Bakalenga 11:34 - MUKANDA WA MYIDI MUKULU

³⁴ Nanku, tshiena nnyenga Shelomu bukalenga bujima to. Nemmulame bu mukalenga wa bantu banyi bena Izrayele matuku onsu atshidiye ne muoyi, anu bua muntu wanyi Davide umvua musungule, uvua utumikila ku meyi anyi ne ku mikenji yanyi.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Kadi tshiena nyenga bukelenge buonso mu bianza biandi: nemmuvuishe mukelenge matuku andi onso bualu bua Davidi, muntu wanyi unakasungula, nuakatumikila mikenji yanyi ne mei anyi;

1 Bakalenga 11:34 ပူးပေါင်းရင်းမြစ်များ

2 Samuele 7:14

Nengikale tatuende, yeye neikale muananyi. Pikalaye muenza bibi, nemmunyoke bu mudi tatu unyoka muanende.

1 Bakalenga 11:31

Pashishe kuambilaye Yerobowame ne: — Angata bipese bia tshinkutu etshi dikumi! Bualu Maweja-Nangila Mvidi Mukulu wa bena Izrayele udi ukuambila ne: “Ne-nnyenge Shelomu bukalenga. Nenkupe wewe bisamba dikumi.

1 Bakalenga 11:33

Nengenze nanku, bualu bena Izrayele mbambenge. Badi batendelela Astarte, mvidie mukaji wa bena Sidone, Kemoshe mvidie wa bena Mowabe, ne Milkome, mvidie wa bena Amone. Kabena balonda njila umvua mubaleje to. Kabena bangenzela bimpe. Kabena batumikila meyi anyi ne mikenji yanyi bimvua mubambile. Kabena babikumbaja bu muvuabu babikumbaja kudi Davide, tatuende wa Shelomu.

1 Bakalenga 11:35

Nanku, nennyenge bukalenga anu kudi muana wa Shelomu. Nenkupeshe wewe Yerobowame bisamba dikumi.

1 Bakalenga 3:14

Wewe muenze malu andi musue, mutumikile meyi anyi ne mikenji yanyi, bu muvua tatuebe wenza, neushale ne muoyi matuku a bungi.

Yobe 11:6

Bu yeye mua kukuleja mushindu udiye ukuata mudimu ne meji mu musokoku, mudimu utudi tuetu bantu katuyi mua kujingulula, nanku diba adi uvua mua kujingulula ne: Mvidi Mukulu udi ulengulula bilema biebe bia bungi.

Misambu 103:10

Kena utupesha dinyoka didi diakanangane ne mibi yetu to, kena utupesha difutu didi dikumbanangane ne malu mabi etu nansha.

Misambu 89:19

Ngabu wetu, ngua Maweja-Nangila mukalenga wetu, ngua Mvidi Mukulu wa tshijila wa bena Izrayele.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Abakuke 3:2

Eyi, Maweja-Nangila wanyi, ndi mumvue biuvua mungambile, kadi bidi binkuatshisha bowa. Patutshidi ne muoyi apa, utuenzele kabidi malu a dikema auvua muenzenze kale. Nansha wewe mutufikile munda pa bualu, utufuile kabidi amu luse.