1 Bakalenga 11:29 - MUKANDA WA MYIDI MUKULU

²⁹ Dituku dikuabu, Yerobowame uvua umukila mu Yerushalayime. Mu njila, kusambakenaye ne muambi Akiya wa ku tshimenga tshia Silo. Bavua anu nkayabu babidi mu tshisuku. Muambi Akiya uvua mudiele tshinkutu tshipiatshipia pa makaya.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mu matuku äu hakumuka Yalobama mu Yelushalema, Ahiya muprofete, Muena Shilo, wakamusangana mu nshila; Ahiya wakadi muluate tshilulu tshihia-tshihia; bubidi buabo bakadi ha nkayabo mu tshisuku.

1 Bakalenga 11:29 ပူးပေါင်းရင်းမြစ်များ

Genese 4:8

Kayine umvua nanku, kuambila muanabu Ebele ne: — Tuye kuendakana. Bafika mu budimi, Kayine kukuata muanabu Ebele kumushipa.

2 Samuele 14:6

Mvua mushale ne bana ba balume babidi. Bana abu, mbaye kuluangana mvita ku budimi. Umue kushipa mukuabu, bualu kakuvua muntu bua kubasunga to.

1 Bakalenga 11:11

umuambila ne: — Bu muudi muenze nanku, kuyi munemeke ndondu utuvua batue nebe, nansha mikenji imvua mukuambile, ndi nkunyenga bukalenga, mbupesha muntu webe mukuabu.

1 Bakalenga 12:15

Nanku, mukalenga Robowame kavua muitabe dilomba dia bena Izrayele to. Maweja-Nangila Mvidi Mukulu ke uvua muenzeje bionsu abi, bua kukumbaja bualu buvuaye mumane kuambila muambi Akiya ku Silo bua kumanyishaye Yerobowame, muana wa Nebate.

1 Bakalenga 12:2

Yerobowame, muana wa Nebate, uvua anu mu Ejipitu, muaba uvuaye munyeme mukalenga Shelomu. Yerobowame kumvua lumu lua tshisangilu tshia ku Shekeme, kadi uvua musue kushala muindile ku Ejipitu.

1 Bakalenga 14:2

Ke Yerobowame kuambila mukajende ne: — Udisokoke, uvuale bilamba bia mukaji mukuabu, bua bantu kabamanyi ne: udi mukajanyi to. Pashishe uya ku Silo, kudi muambi Akiya. Bualu muambi Akiya uvua mungambile ne: wewe Yerobowame neushale mukalenga wa bena Izrayele.

1 Bakalenga 14:4

Mukaji wa Yerobowame, kuenza bionsu abi. Kuyaye ku Silo. Kufikaye ku nzubu kua muambi Akiya. Muambi Akiya uvua mumane kukola mukulakaje, katshiyi umona kabidi to.

2 Kulondolola 10:15

Nanku, mukalenga Robowame kavua muitabe dilomba dia bena Izrayele to. Maweja-Nangila Mvidi Mukulu ke uvua muenzeje bionsu abi, bua kukumbaja bualu bu-vuaye mumane kuambila muambi Akiya ku Silo, bua amanyishe Yerobowame, muana wa Nebate.

2 Kulondolola 9:29

Malu makuabu a Shelomu a ku ntuadijilu too ne a ku ndekelu kua bukalenga buende, mbaafunde mu mikanda idibu binyika ne: Malu adi muambi Natane muenze, Miaku ya muambi Akiya wa mu Shilo, ne Bualu buvua Maweja-Nangila muleje muambi Yedo. — Mu mukanda wa muambi Yedo, mbafundemu malu a Yerobowame, muana wa Nebate, mukalenga wa bena Izrayele. —

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.