1 Bakalenga 11:26 - MUKANDA WA MYIDI MUKULU

^26-27 Yerobowame kabidi uvua mutombokele mukalenga Shelomu mushindu ewu: Yerobowame, muana wa Nebate, uvua muena Efrayime wa mu musoku wa Sereda. Mamuende uvua mukaji mukamba, dina diende Seruya. Yerobowame uvua muena mudimu wa Shelomu. Kadi kumutombokelaye. Tshikondu tshivua Shelomu muwuje ne buloba muaba wa Milo, ulongoluesha miaba ivua mitubuke ku bimana bivua binyungulule Tshimenga tshia Davide,

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yalobama, muana wa Nebata, Muena Efelayima wa mu Zeleda, wakadi muntu wa Solomo, ne mamu wandi wakadi Seluya, mukashi wa mu lufuila, wakatombokela mukelenge kabidi.

1 Bakalenga 11:26 ပူးပေါင်းရင်းမြစ်များ

Genese 35:16

Yakobe ne bena diende kumuangala ku Betele. Kabayi banji kufika ku Efrata, Rakele kulela muana. Kadi kulela aku kuvua kukole!

2 Samuele 20:21

Tshiena ne dijinga dia kuenza nanku to. Kadi ndi nkeba anu muntu mukuabu wa mu buloba bua mikuna bua Efrayime, Sheba, muana wa Bikri, udi mutombokele mukalenga Davide. Mpeshayi anu Sheba nkayende. Nanku nengumuke muaba ewu. Mukaji kuandamuna ne: — Eyowa, mbimpe. Tudi tukuimanshila mutu wa Sheba pa mutu pa tshimana munudi amu.

1 Bakalenga 11:11

umuambila ne: — Bu muudi muenze nanku, kuyi munemeke ndondu utuvua batue nebe, nansha mikenji imvua mukuambile, ndi nkunyenga bukalenga, mbupesha muntu webe mukuabu.

1 Bakalenga 11:25

Nanku, Rezone uvua muluishi wa bena Izrayele matuku onsu avua Shelomu mushale mu bukalenga. Rezone uvua ukengesha Shelomu, anu muvua Adade uluisha bena Izrayele. Matuku onsu avua Rezone muikale mukalenga wa bena Siriya, kavua munange bena Izrayele to.

1 Bakalenga 11:28

Yerobowame uvua nsongalume wa mushinga mukole. Shelomu uvua mumone muvua Yerobowame wenza mudimu wende bimpe. Nanku kumusungulaye bua ikale utangila bena mudimu ba bena Efrayime ne bena Menashe.

1 Bakalenga 12:2

Yerobowame, muana wa Nebate, uvua anu mu Ejipitu, muaba uvuaye munyeme mukalenga Shelomu. Yerobowame kumvua lumu lua tshisangilu tshia ku Shekeme, kadi uvua musue kushala muindile ku Ejipitu.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 15:30

Bionsu abi bivua bienzeka bualu Yerobowame uvua muenze bibi, mufikishe kabidi bena Izrayele ku dienza bibi. Bualu ebu buvua bufikisha Maweja-Nangila Mvidi Mukulu wa bena Izrayele, munda bikole.

1 Bakalenga 16:3

Ke pandi musue kunubutula ne bena nzubu webe bonsu. Nennubutule bu mumvua mubutule bena nzubu wa Yerobowame, muana wa Nebate.

1 Bakalenga 21:22

Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

1 Bakalenga 9:22

Kadi Shelomu kavua wenzeja bena Izrayele midimu ayi to. Uvua mubangate amu ku mudimu wa bena mvita, wa balombodi ba bena mvita, bikale ne mianzu mishilangane, wa bendeshi ba matempu a mvita, nansha wa babandi ba pa nyama ya tubalu.

1 Kulondolola 2:19

Azuba mumane kufua, Kalebe kusela Efrata, kulela nende muana wa balume, dina diende Ure.

2 Kulondolola 13:6

Kadi Yerobowame, muana wa Nabate, uvua wenzela Shelomu, muana wa Davide mudimu, kutombokelaye mfumuende.

2 Kulondolola 9:29

Malu makuabu a Shelomu a ku ntuadijilu too ne a ku ndekelu kua bukalenga buende, mbaafunde mu mikanda idibu binyika ne: Malu adi muambi Natane muenze, Miaku ya muambi Akiya wa mu Shilo, ne Bualu buvua Maweja-Nangila muleje muambi Yedo. — Mu mukanda wa muambi Yedo, mbafundemu malu a Yerobowame, muana wa Nebate, mukalenga wa bena Izrayele. —

Balombodi 12:5

Ke bena Ngilaade kukuata malobu a Yardene, bua bena Efrayime kabapetshi mushindu wa kupita. Misangu yonsu, pavua muntu uvua munyeme ufika bua kupita, bavua bamukonka ne: — Udi muena Efrayime anyi? Pavua muntu awu ubenga ne: “Tshiena muena Efrayime to”,

Rute 1:2

Muntu awu uvua Elimeleke, mukajende uvua Nowemi. Bana bende ba balume babidi, bawa Malone ne Kiliyone. Bawa bena mu tshisamba tshia Efrata. Bobu bamane kuasa mu ditunga dia Mowabe,

1 Samuele 1:1

Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.

1 Samuele 17:12

Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.