1 Bakalenga 11:23 - MUKANDA WA MYIDI MUKULU

²³ Mvidi Mukulu kutumina Shelomu muluishi mukuabu. Dina diende divua Rezone, muana wa Eliyada. Rezone uvua munyeme kua mfumuende Adadezere, mukalenga wa Soba.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nzambi wakalambishila muena lukuna mukuabo, dina diandi Lesona, muana wa Eliada, wakanyema kudi mukelenge wandi Hadadezê, mukelenge wa mu Soba.

1 Bakalenga 11:23 ပူးပေါင်းရင်းမြစ်များ

2 Samuele 10:8

Bena Amone kuya kuela mualu wa mvita pabuipi ne tshiibi tshia tshimenga tshiabu tshinene. Bena Siriya ba mu Soba, ne ba mu Beterekobe, ne bena mvita ba mu Tobe, ne ba mu Maaka, bavua bela mualu wa mvita luseke lukuabu mu mpata.

2 Samuele 16:11

Mukalenga Davide kuambila kabidi balombodi bonsu ba mu bukalenga buende ne Abishayi ne: Pikala muananyi, muananyi menemene undi mulela, ukeba mua kunshipa, kanukemi bua padi Shimeyi, muena Binyamine, umpenda. Mulekelayi, ampende! Misangu mikuabu, Maweja-Nangila ke udi mumutume bua kumpendaye.

2 Samuele 8:3

Pavua Adadezere, muana wa Rekobe, mukalenga wa Soba, mu ditunga dia bena Siriya, mu luendu, ukeba mua kukuata tshiakabidi buloba bua ku musulu wa Perate, Davide kumutshimuna.

2 Samuele 8:5

Pashishe bena Siriya ba mu Damase, kufika bua kuambuluisha Adadezere mu mvita. Kadi Davide kubatshimunaye kabidi. Kushipaye bantu ba kudibu binunu makumi abidi ne bibidi.

2 Samuele 8:8

Kuangataye kabidi tshiamu tshikunze tshipite bungi, tshivua mu Beta ne mu Berotayi, bimenga bibidi bivua mu bukalenga bua Adadezere.

1 Bakalenga 11:14

Maweja-Nangila kutumina Shelomu muluishi, muena Edome. Dina diende divua Adade, muana wa ku ndelanganyi ya mu nzubu wa bukalenga bua bena Edome.

1 Bakalenga 11:22

Mukalenga wa bena Ejipitu kumukonka ne: — Tshiudi ujinga tshindi tshiyi mua kukupa ntshinyi? Udi musue kupingana mu ditunga diebe bua tshinyi? Awu kuandamuna ne: — Tshiena nkengela tshintu to. Kadi, anji kuitaba bua meme kuya!

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

1 Kulondolola 19:6

Mukalenga Anune ne bena Amone kumona ne: Davide ukadi muluishi wetu. Nanku kuangatabu ku mudimu bena mvita ba bena Arame ba mu buloba bua Mezopotamiya wa kulu, ba bena Maaka ne bena Soba, bikale ne matempu ne babandi ba pa nyama ya tubalu. Kufutabu bantu aba tshiamu tshitoke tshia mushinga mukole, tshia bujitu bua kilo binunu makumi asatu.

Ezela 1:1

Tshidimu tshia kumpala tshia Bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuelesha diyi mu bukalenga buende bujima, kabidi a kufundisha miaku eyi ne:

Misambu 60:1

Musambu wa mu mukanda wa mulombodi wa misambu. Wa kuimba ne lunzenze. Kasala ka mu mukanda wa misambu ya Davide. Musambu wa kulongesha bantu.

Yeshaya 13:17

Maweja-Nangila udi wamba ne: “Nensonsole bena lukuna babu, bena Madayi, bantu ba muoyi mupape, badibu kabayi mua kubuejila, badi kabayi bangata mabuejila, nansha a biamu bitoke bia mushinga mukole, nansha a mpawungi.

Yeshaya 37:26

“Kadi wewe Senakeribe, kuena mumanye bualu ebu anyi? Meme ke udi mulongolole malu aa kumpala kua bidimu! Ku kale kuaka, nkavua mujadike bua kuenza malu andi nkumbaja mpindiewu. Meme ke uvua mukupeshe bukole bua kubutula bimenga bivuabu bakoleshe ne bimana.

Yeshaya 45:5

Maweja-Nangila ke meme, kakuena mukuabu to. Kakuena Mvidi Mukulu mukuabu, amu meme. Kuena mummanye to. Kadi ndi nkuangata ku mudimu.

Yezekiyele 38:16

Neufike bua kuluisha bantu banyi bena Izrayele. Neubuikile ditunga diabu bu mudi divuba dibuikila buloba. Nebienzeke kunyima kua matuku a bungi. Nenkutume wewe Ngoge bua kuluisha bena mu ditunga dianyi, bua bantu ba mu matunga a bende bamanye ne: ndi Mvidi Mukulu wa tshijila. Nembaleje malu onsu aa bualu wewe newikale muntu wanyi.