1 Bakalenga 10:9 - MUKANDA WA MYIDI MUKULU

⁹ Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa, Nzambi webe, udi ne disanka bualu buebe, wakukushikika mu nkuasa wa butumbi wa Isalele, atumbishibue; bualu bua Yehowa udi munange Bena Isalele tshiendelele nunku wakukusungula mukelenge bua wewe kulumbulula malu biakane ne kuenza malu adi makane.

1 Bakalenga 10:9 ပူးပေါင်းရင်းမြစ်များ

2 Samuele 23:3

Mvidi Mukulu wa Izrayele kuakula, mulami wa bena Izrayele kungambila ne: “Mukalenga udi ulombola bantu bimpe, uludika bantu, ukumbaja bidi Mvidi Mukulu musue,

2 Samuele 5:12

Ke Davide kujadika ne: Maweja-Nangila nkayende mmumpe bukalenga bua bena Izrayele, mmuele bukalenga buanyi lupemba, bualu bua bantu bende, bena Izrayele.

2 Samuele 8:15

Davide kudia bukalenga mu Izrayele mujima. Uvua ubalumbuluisha amu bimpe, kayi ne kansungansunga.

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Bakalenga 5:7

Bamfumu dikumi ne babidi, balombodi ba maloba, bavua mukalenga Shelomu musungule, bavua bafile biakudia bikumbane bua mukalenga Shelomu ne bantu bonsu ba-vuaye ubikila. Mfumu yonsu wa kudibu, uvua ufila biakudia ngondu mujima ku tshidimu tshionsu. Uvua utangila bikole bua biakudia bionsu bikaleku.

1 Kulondolola 17:22

Wewe kuangata bena Izrayele bua bashale tshisamba tshiebe kashidi. Ke wewe kushala Mvidi Mukulu watshi.

2 Kulondolola 2:11

Ndi ngela Maweja-Nangila Mvidi Mukulu wa Izrayele, mufuki wa diulu ne buloba, tuasakidila, bualu mmupeshe Davide muana wa meji, wa tshiumvuilu ne lungenyi, muakanyine mua kuashila Maweja-Nangila nzubu, ne kudiashila wende yeye wa bukalenga.

Misambu 18:19

Bavua banduisha pamvua mu dikenga, kadi Maweja-Nangila kunkolesha.

Misambu 22:8

Badi bammona, banseka, babeteka ku mishiku, bakupa mitu, bamba ne:

Misambu 72:2

Alombole bantu bende, kayi ne kansungasunga. Ambuluishe badibu bakengesha kapayi bualu.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 62:4

Kabakukuinyika kabidi ne: “Mmukaji udibu babenge”. Ditunga diebe kabena badinyika kabidi ne: “Mbuloba bunyanguke”. Kadi nebakuinyike ne: “Munanga wa Maweja-Nangila”. Nebinyike buloba buebe ne: “Ke mukaji udi usomba mu dibaka dimpe”. Bualu neusankishe Maweja-Nangila bulelela, kabidi buloba buebe nebuikale bu mukaji musela.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Malaki 1:2

Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Dielulula 7:8

Kadi Maweja-Nangila mmununange. Mmunukumbajile bionsu bivuaye mulaye bankambua benu. Ke padiye munupatule ku bupika, mununyenge ku bianza bia mukalenga wa bena Ejipitu anu ku bukole buende.