1 Bakalenga 10:5 - MUKANDA WA MYIDI MUKULU

⁵ bua biakudia bivuabu bateka ku mesa, bua balombodi ba bukalenga bua Shelomu, bavua basombe ku mesa balondangane bimpe, bua bilamba bivuabu bavuale kudi bena mudimu bavua babanya biakudia ne bia kunua. Mukalenga mukaji umona milambu ivua Shelomu ulambula mu nzubu wa Maweja-Nangila, kukemaye bikole bua bintu bionsu abi, kupangaye ne mua kuakula.

Mukanda wa Nzambi Dihungila Dikulukulu ne Dihungila Dihia-dihia 2003

⁵ ne bia kudia ku mesa andi ne bu muakashikikeye bena mudimu bandi ne dikuatshisha dia miloho yandi ne bilulu biabo ne batuadi ba makoho andi ne tshibandilu tshiakadiye ubandila ku nsubu wa Yehowa, yeye kakadi ne mutshima wa kumukudimuna dî.

1 Bakalenga 10:5 ပူးပေါင်းရင်းမြစ်များ

1 Bakalenga 10:4

Mukalenga mukaji wa mu Saba kujadika muvua Shelomu muakule ne lungenyi, kukema bikole bua mushindu uvua nzubu wa bukalenga uvua Shelomu mudibakile,

1 Bakalenga 10:6

Pashishe kuambilaye mukalenga Shelomu ne: — Pamvua mu ditunga dianyi, mvua mumvue lumu luebe ne lua meji audi nawu. Pamvua tshiyi muanji kufika kuneku bua meme kudijadikila nkayanyi bivuabu bangambila, mvua anu ne mpata. Kadi bionsu bivuabu bangambila, bivua anu bia bushuwa. Kadi bavua bangambila anu malu makese. Meji ebe ne bubanji buebe mbipite lumu luebe lumvua mumvue.

2 Bakalenga 16:18

Nanku, bua kusankisha mukalenga wa bena Ashure, mukalenga Akaze kujika “Muaba uvuabu bapitshila dituku dia Dikisha,” uvuabu base mu nzubu wa Mvidi Mukulu, kujika kabidi “Mushiku wa mukalenga” uvua pambelu pa nzubu ewu.

1 Kulondolola 26:16

Shupime ne Osha bavua balama tshiibi tshia luseke ludi diba dibuelela, ne tshiibi tshia Shaleketa, tshidi tshitangilangane ne tshibandabanda. Balami bavua babanyangana midimu mu bisumbu mushindu ewu:

1 Kulondolola 9:18

Ndelanganyi yabu itshidi yenza mudimu wa kulama tshiibi, tshidi luseke ludi diba dipatukila lua nzubu, tshidibu binyike ne: ntshia mukalenga. Bankambua babu bavua bena mudimu wa kulama biibi mu mitanda ya bena Levi.

2 Kulondolola 23:13

Kumonaye mukalenga mupiamupia, muimane kulu pabuipi ne dikunji divua ku mushiku wa nzubu wa Maweja-Nangila. Balombodi ba bena mvita ne bedi ba mpungi, bavua bimane pabuipi nende. Bantu bonsu bavua ne disanka. Bamue bavua bela mpungi, bakuabu bimba bisanji, balombola misambu. Nanku, Atalya kupanda bilamba biende, wela mbila ne: — Mbangelele tshifufu! Mbangelele tshifufu!

2 Kulondolola 9:4

ne bua biakudia bivuabu bateke ku mesa, ne mushindu uvua balombodi ba mu bukalenga basombe ku mesa. Kukemaye kabidi bua bilamba bivuabu bavuale kudi bena mudimu bavua babanya biakudia ne bia kunua. Kumonaye muvua Shelomu ne bantu bavuaye nabu babuela mu nzubu wa Mvidi Mukulu, benda basamuna Maweja-Nangila. Mukalenga mukaji kukema bikole bua bintu bionsu abi, kupangaye ne mua kuakula.

Yezekiyele 44:3

Nanku anu mukalenga udi mu nkuasa wa bumfumu, ke udi mua kudilamu biakudia bia tshijila muaba undi. Neabuele, upatuka pa kupitshila mu tshibambalu tshinene tshidi ku ndekelu kua tshibuelelu.

Yezekiyele 46:2

Mukalenga neatumine mu lubanza lua pa mbelu, ukosolola mu tshibambalu tshinene tshidi pabuipi ne mushiku wa mbelu. Diba didi batuangaji balambula milambu ya kuosha ne ya bobumue, neimane pabuipi ne tshiibi. Neiname menemene muaba awu. Pashishe neapatuke mu nzubu. Tshiibi etshi tshidi ne bua kushala buashi too ne ku dilolu.

Luke 18:10

— Bantu babidi bavua babuela mu nzubu wa Mvidi mukulu bua kutendelela. Umue uvua Muparushe, mukuabu mulambuishi wa bitadi.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.