1 Bakalenga 10:27 - MUKANDA WA MYIDI MUKULU

²⁷ Mu tshikondu tshia mukalenga Shelomu, mu Yerushalayime muvua nkanu mitoke ya mushinga mukole bungi bu nsoka. Muvua kabidi mitshi ya sedre ya bungi bu bua mitshi ya sikomore idi itoloka mu Mpata.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Mukelenge wakakumbasha argent mu Yelushalema bu mabue a nsakabua ne mitshi ya cèdre bu mitshi ya sycomore idi mu tshibanda, bualu bua bungi buabi.

1 Bakalenga 10:27 ပူးပေါင်းရင်းမြစ်များ

1 Bakalenga 3:13

Ndi musue kukupa kabidi bubanji ne butumbi, biudi kuyi mulombe to. Matuku onsu autshidi ne muoyi, newikale ne butumbi, mupite bakalenga bonsu.

1 Kulondolola 27:28

Baale-Anane wa Bete-Ngedere, uvua mutangidi wa madimi a mitshi ya olive ne ya sikomore, avua mu mpata. Yowashe uvua mutangidi wa miaba idibu bateka mafuta.

2 Kulondolola 9:27

Nanku, mu tshikondu tshia mukalenga Shelomu, mu Yerushalayime muvua tshiamu tshitoke tshia mushinga mukole bungi bu nsoka. Muvua kabidi mitshi ya sedre ya bungi bu mitshi ya sikomore idi itoloka mu mpata ku muelelu wa Mayi manene.

Yobe 3:15

Mvua mua kuikala mulale pamue ne bana ba bamfumu, bavua ne nzubu yabu milengeja ne mpawungi, ne tshiamu tshitoke tshia mushinga mukole.

Zekâya 9:3

Bena Tire mbakoleshe tshimenga tshiabu ne bimana; mbakunguje tshiamu tshitoke tshia mushinga mukole, bungi bu buloba bua mu njila; mbakunguje tshiamu tshia mpawungi, bungi bu lusenga lua mu misesu.

Luke 19:4

Ke kudianjilaye kumpala lubilu, kubanda ku mutshi wa sikomore, bua kumona Yezu uvua ne bua kupitshila muaba awu.

Dielulula 17:17

Mukalenga awu kena mua kusela bakaji ba bungi. Bualu bakaji abu, badi mua kumufikisha ku ditombokela Maweja-Nangila. Kabidi kikadi ne biuma bia bungi to.