1 Bakalenga 10:22 - MUKANDA WA MYIDI MUKULU

²² Mukalenga Shelomu uvua ne matu avuaye utuma mitantshi mile, musangu umue ne matu a mukalenga Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

Mukanda wa Nzambi Dihungila Dikulukulu ne Dihungila Dihia-dihia 2003

²² Bualu bua mukelenge wakadi ne matu akenda ha mutu ha mai manene ku Tâshishi hohamue ne matu a Hilama: akaya ku Tâshishi musangu umue mu bidimu bisatu, akafumaku ne or, argent ne mibanga ne nkima ne kaiba.

1 Bakalenga 10:22 ပူးပေါင်းရင်းမြစ်များ

Genese 10:4

Yavane kulela bana ba balume aba: Elisha, Tarshishe, Kitime ne Rodanime.

1 Bakalenga 10:18

Mukalenga Shelomu kuenzeja nkuasa munene wa bukalenga mulengeja ne mibanga, mulamika tshiamu tshia mpawungi.

1 Bakalenga 10:21

Makopu a mukalenga Shelomu awu, avua anu a tshiamu tshia mpawungi. Kabidi bintu bionsu bia kudila bivua mu nzubu uvuabu babikila ne: “Ditu dia Lebanone,” bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole katshivua ne lumu.

1 Bakalenga 22:48

Kadi, tshikondu atshi, mu ditunga dia Edome kamuvua mukalenga to. Muvua anu mulombodi uvua mukalenga wa bena Yuda mutekemu.

1 Bakalenga 22:49

Mukalenga Yosafate uvua muenzeje matu manene ku Eshiyone-Ngebere bua kuya kukeba biamu bia mpawungi mu ditunga dia Ofire. Kadi, kena mupete tshipeta tshimpe to. Bualu matu avua majame ku Eshiyone-Ngebere.

1 Bakalenga 9:26

Mukalenga Shelomu kusongesha matu manene ku Eshiyone-Ngebere, pabuipi ne Elate, muaba uvua bantu basabukila Mayi manene makunze mu ditunga dia Edome.

2 Kulondolola 9:21

Mukalenga Shelomu uvua ne matu avuaye utuma mitantshi mile, avuabu bita kudi bena mudimu ba Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

Yobe 39:13

Kasonganyunyi udi upapala bienza disanka, makuyi ende adi engelela. Masala ende adi mimpe be.

Misambu 48:7

Luzakalu kubenza, bu mudi dikenga dikuata mukaji pa kulela,

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Yeshaya 2:16

Neine matu manene onsu mu mayi, kabidi ne majuwa, nansha wowu malenga bishi.

Yeshaya 23:1

Badi bamanyisha malu adi atangila tshimenga tshia “Tire”. “Nuenu badi benda ne matu mu mayi manene, asayi muadi, bualu bavua babutula tshisabu tshienu, ne nzubu inuvua mua kunyemena, kuikishila.” Amu matu afika, afuma ku tshidiila tshia Kitime, ke bobu kushisha kumanya bualu ebu.

Yeshaya 23:10

“Nuenu Tire, dimayi mpindiewu madimi enu, bualu kakuena kabidi tshisabu, muaba udibu benza matu a pa mayi manene.”

Yeshaya 23:6

“Nuenu badi basa ku muelelu wa mayi manene, sabukayi mayi manene too ne ku tshimenga tshia Tarshishe. Asayi miadi.

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Yezekiyele 27:12

“Bena Tarshishe batuta basumbishangana nebe bintu bitule. Batua basumba bintu biebe, bakufuta ne tshiamu tshitoke tshia mushinga mukole, tshia ntenda ne biamu bikuabu.

Yezekiyele 27:15

Bena Dedane bavua kabidi basumbishangana nebe bintu. Uvua mufike mu bidila bia bungi bua kuenda mushinga. Batua bakufute ne mibanga ne mabaya mafike fitutuu.

Amosa 3:15

Nengupule nzubu yonsu, nansha udibu base bua tshikondu tshia mashika, nansha bua tshikondu tshia luya. Nennyangakaje nzubu mialabale ayi, isuabu balengeja ne mibanga. Meme Maweja-Nangila ndi njadika nanku.

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.