1 Bakalenga 10:19 - MUKANDA WA MYIDI MUKULU

¹⁹ Bavua bateka nkuasa wa bukalenga awu pa tshibandilu tshivua ne bidiatshilu bisambombu. Uvua ne tshia kueyemina panyima tshienza dintonya. Nkuasa uvua kabidi ne maboku eku ne eku. Bavua bateke mpingu ya nyama ya ntambue, ewu ku luseke, mukuabu ku luseke lua nkuasa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nkuasa wa bukelenge wakadi ne tshibandilu tshia bidiatshilu bisambombo; nyima wa mutu wa nkuasa wakadi tshijengu; bitekelu bibidi bia maboko biakadi ku luseke ne luseke lua nkuasa; tshifuanyikishi tshia nyama wa ntambue tshiakadi tshilamata ku tshitekelu ne tshitekelu tshia maboko.

1 Bakalenga 10:19 ပူးပေါင်းရင်းမြစ်များ

1 Bakalenga 10:18

Mukalenga Shelomu kuenzeja nkuasa munene wa bukalenga mulengeja ne mibanga, mulamika tshiamu tshia mpawungi.

1 Bakalenga 10:20

Mpingu mikuabu ya nyama ya ntambue dikumi ne ibidi ivua ku bidiatshilu bia tshibandilu atshi: nyama isambombu ku dia balume, mikuabu isambombu ku dia bakaji. Kabavua banji kuenza nkuasa wa bukalenga wa mushindu ewu mu ditunga dikuabu to.

Muambi 2:4

Meme kuenza midimu, kudiashila nzubu ya bungi, kukuna mionji ya mvinyo.