1 Bakalenga 10:10 - MUKANDA WA MYIDI MUKULU

¹⁰ Pashishe mukalenga mukaji wa Saba, kupesha mukalenga Shelomu tshiamu tshia mpawungi kilo binunu bisatu ne nkama itanu. Kumupeshaye kabidi manananshi a bungi, ne mabue a mushinga mukole. Biangatshile ku dituku adi, kabena banji kufika ne manananshi bungi ebu mu ditunga dia bena Izrayele to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yeye wakaha mukelenge ntalanta ya or lukama ne makumi abidi, ne bintu bia muhuya muimpe bia bungi, ne mabue a mushinga mukole: kabakatangila bungi bua bintu bia muhuya muimpe bu muakaha mukelenge mukashi wa mu Sheba mukelenge Solomo kabidi.

1 Bakalenga 10:10 ပူးပေါင်းရင်းမြစ်များ

Genese 43:11

Yakobe kuambila bana bende ne: — Padibi nanku, angatayi bintu bia mushinga mukole bia mu ditunga dietu: kamonya, buitshi, ndundu, manananshi, ne bimuma bia amande. Nubiele mu bibombi bienu bua kutuadila muena Ejipitu awu.

1 Bakalenga 10:2

Mukalenga mukaji awu, kufika mu Yerushalayime ne musumba munene wa bantu bavuaye nabu. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu. Kumuelaye makonka onsu avuaye mumane kulongolola.

1 Bakalenga 9:14

Eku Irame uvua mutumine mukalenga Shelomu kilo binunu bisatu ne nkama itanu ya tshiamu tshia mpawungi.

Misambu 68:29

Mvidi Mukulu wanyi, leja bukole buebe. buuvua mutuenzele nabu malu a dikema!

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Misambu 72:15

Mukalenga akole bobobu! Bantu bamulambule mpawungi wa mu Saba, batendelela, bamulombele diba dionsu, basengelela Mvidi Mukulu buatshia buila bua amuele lupemba.

Ekesode 30:34

Maweja-Nangila kuambila kabidi Moshe ne: — Angata mitshi ya dipembu dikole: mutshi wa budimbu, bizubu bia mutshi wa budimbu, mutshi wa ndundu ne mutshi wa kamonya. Bintu abi ubiangate anu bungi bua momumue.

Nsumuinu 20:15

Tshiamu tshia mpawungi ne busanga bidi bivule, kadi tshintu tshidi muntu kayi mua kusangana lukasa ke miaku ya meji.

Muambi 2:8

Meme kunguja tshiamu tshitoke tshia mushinga mukole ne mpawungi, ne bintu bia mushinga mukole bivua bifumine kudi bakalenga ne kudi balombodi ba maloba, bavua ku bumfumu buanyi. Mvua ne bena misambu balume ne bakaji, bavua bangimbila bua kunsankisha. Mvua musele bakaji bavule, bungi budi muntu mua kujinga.

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Didimanyisha 21:11

Tshimenga tshivua tshiwule ne butumbi bua Mvidi Mukulu, tshibalakana bu dibue dia mushinga mukole, bu dibue dia yaspise, dimueneka munda ne panyima bu lusoka lua kristale.